|
|
اشلووونكم ابلاااات ،،، 
خواتي ولي يعافيكم ،،، ودي اسوي درس نموذجي بالروضه ،،، وكنت محتارة اي خبرة اختار ،،،، بس قلت الماء و الهواء حلوة
يااااريت تعطوني درس حلووووو مثلكم 
كلمه او عدد مو مشكله وتكون المسابقات حلوة
ومشكوووووووووووورين مقدما 
الله يساااااامحكم 
ماعندي خبره توني جديده ع هالمجال
بس ان شاء الله البنات ما يقصرون ..
شنو تبين بالضبط ؟
خلاص بحاول ارتب درس عددي و درس كلمة لج
بس بالاول قوليلي انتي مستوى اول ولا ثاني
انا ادرس مستوى ثاني
اختي حددي لي شنو تبين بالضبط
كلمة شنو بالضبط
وعددي شنو بالضبط بتصنفين
صعب اختار بدالج انتي ادرى بشنو عندج وانا اكمل الباقي يارب ان الله قدرنا
امريني بالخاص ان حبيتي
طبعا بسيط على قدي ومن افكاري وماسالت احد << حاسها انها بتجيب العيد لوووووووول
درسي يتعرف على كلمه مطر
اهدافي
يتعرف على كلمه مطر
يحرص على ارتداء الملابس المناسبه لطقس
يقلد حركات وصوت المطر
منبهي
على جهاز العرض اول شئ شفافيه فاضيه 00 ماذا نرى ؟ لاشئ بعدين احط لهم غيوم واقرب الغيوم من بعها البعض وانا قاعده اقربهم حيل جنب بعض اشغل صوت الرعد 00 ماذا يا اطفال ؟ ماتتوقعون ان يكون هذا الصوت ؟ الرعد يترى ماذا سوف يحدث يقولون ينزل مطر اكون قاصه قطرات احطهم على الشفافيه واشغل صوت المطر 00 بعدين اناقشهم من الذي انزل لنا المطر ؟ اكون حققت الجانب الديني
ومن خلاص قصه في مسرحه العرائس احقق الهدف الاجتماعي
وبعدين ادخل على الكلمه وطريقتي لعرض الكلمه اجيب حوض ماي و ورقه اي فور شفافه كاتبه عليها بلون شمعى ابيض كلمه مطر وحو الماي اكون حاطه معاه الوان اصابع هيا لنتعرف على كلمه مطر احط الورقه بالحوض طبعا راح اتلون كل الورقه معاد الكلمه اللى بالشمع وتطلع لهم كلمه مطر بعدين نقراها فردي وجماعي وبصوت عالي ومنخض وبعدين انا مجمعه كرتون الوجبه مال الروضه على عدد اطفالي وحاطه ورا كل واحد فيه الكرتون و حاطه فيه رمل يكتبون لى كلمه اليوم 00
وبالنسبه للالعاب مالت الكلمه نطلع برا ركن الرمل والماي اكون حاطه الموتلف والمختلف باظرف ودافنتهم بالرمل واطلب من 4 اطفال يبحثون عنها 00 واللعبه الثانيه بساط الكلمات عندي بساط مقسم مربعات احط فيهم كلمه اليوم مع كلمات الخبرات السابقه واطلب من 4 اطفال يقفز على كلمه اليوم 00
واخر شئ اشغل لهم اغنيه طق يامطر طق ويقلد حركه وصوت المطر واكون حققت الهدف الحركي
اتمنى اكون ساعدتكم مع انه درسي بسيط بس هذا اللى طلع معاي وان شاء الله يعجبهم
يتعرف على العدد 4
ويحرص على شرب الماء
بصنف ماء صحة صغار وكبار
والحلقة الثانية يتعرف على اهمية الماء للكائنات الحية
ويحرص على سقي النباتات
ابي اصنف ماء صحه صغار وكبار بس ابي المنبه موعارفه