استفسار لاهل الخبرة في رياض الاطفال

السلام عليكم

يعطيكم العافيه ابلاتنا العزيزات

عندي استفسار انا هالسنه ميداني .. وسمعت وايد عن مشاكل رياض الاطفال وانه الراتب في مشاكل عليهم مايكفيهم للابداعات اللي يطلبونها منهم الموجهه والمشرفة والناظرة

انا سمعت في بداية التوظيف 600 الراتب وبعدها مع التريقات يصير 700 عدل ولا لا؟

وشي ثاني انا افكر اكمل دراستي ماجستير بس شنو المطلوب مني بالضبط .. ومعدلي 3 نقاط يفيدني ولا ماله علاقة؟

يعني في امل اروح على حساب الحكومه ولا لا؟

اقدر اتوظف سنتين وبعدها اكمل دراستي؟

وجم تكلفة الدراسة بالخارج؟

ياليت تفيدوني جزاكم الله خير

حبيبتي لا تخافين تري الوظيفة انت الي تخلينها جنه ولا نار بيدج انت الي تزرعينه بشغلج راح تحصدينه
بالنسبة للصرف اهو حسب المنطقة والروضة والصراحة بعض المدرسات يبالغون بالصرف بس الذكية اهي الي تتميز بشغلها بدون ما تدفع ولا فلس كان انا الحمد لله متميزة بوظيفتي وما اقط ولا فلس معتمد علي شغل ايدي وعلي الي توفر لي الروضة من قرطاسية
اتوقع يقبلونج تكملين دراستج لان اهم يبون 3 نقاط وفوق وعمرج اقل من 30 سنه اتوقع جذيه وعلي احساب الحكومة

وصح المعاش 600 تقريبا بالبداية لما اتوظفين

مشكووورة حبيبتي بس وين المكان اللي اقدر اسأل فيه واتأكد انه انقبل ولا لا ؟

وبانتظار ابلاتنا الباجييين

لرفع

والله ما ادري وين تسألين اتوقع بالجامعة الي درستي فيها
او بوزارة التربية تروحين وتسألينهم اذا تبين تفرغ دراسي
بس انا اقوووووول ادرسي وخلصي دراستج
ولكل حادث حديث
لاتستبقين الاحداث