|
|
اريد مساعدتكم بتوضيح الصوره كامله لي لدراسة الماستر وهل يفيدني بوظيفتي بروضه ووين اقدر اتوظف لمل اخلص وهل هي فيها فايده ولا لا من ناحية الراتب واي مكان افضل البحرين ولا مصر افيدونا وفقكم الله.gif "Eh S(8)")
اريد مساعدتك بتوضيح الصوره كامله لي بالنسبه لدراسة الماستر وهل منها فايده بالنسبه للراتب والوظيفه لما اتخرج ولا مامنها فايده واي مكان احسن مصر ولا البحرين ويصير لج اولوية بالترشيح للاشراف خلاص ست سنين
عرفتي
اما افضل مكان والله ماادري :/
بس حبيت اسأل بعد شنوووو الطلبات الماستر يعني شنو الاشياء المطلوبه ؟
واللي درست هل في صعوبه بالدراسه والاعادي؟
وسمعت انه اذا اخذتي اجازه بمرتب ووقفتي اثناء الدراسه تردين كل الفلوس اللي اخذتيهم (اقصد المعاشات) صج هالحجي؟
الزيادة فقط 30
ولا يفيدج باي شى
ياتكملين وظيفة التدريس بالرياض
او تكملين الدراسة صح… يعني ماجستر ودكتوراه
وبصراحه انا انصحج بمصر يقولون سهالاااااات اما البحرين معقدين الامور..
قبل كل شي استخيري.. وبالتووفيق انشاللة..
وعلى طاري الغجازة بس اخذ اجازة تأدية امتحان مدتها 45 متوزعه على الكورسين وعلى حسب امتحاناتج … ومثل ما قالت الاخت زيادةالماستر 35 ولج الاولوية بالإشراف ، بس انا طموجي اكبر من جذي بذن الله ابي اكمل ماستر ودكتوراه لان ودي اصير دكتوره بالجامعه مو مدرسه لان طلعت روحي من التدريس ما ينفعلي تدريس اليهال يابولي الأعصاب ..
واذا تبين اي استفسار طرشيلي عالخاص وانشالله اقدر افيدج حبيبتي ..
افيدونا بناات….تعبنا من التدريس
واخر سنتين امتياز وعقبها تطلبين تفرغ دراسي من الوزارة
ويعطونج نص الراتب
وان ما خذيتي الماستر لازم تردين معاشاتج للوزارة
عزرة ولوعة
ومايصلح لأم العيال
جامعة الكويت مافيها شهادة دكتوراة على خبري
بس ماستر
فاللي عندها طموح تكمل دراستها
تحسب حسابها الدكتوراة بتكون مكلفة ومتعبة اكثر من الماستر بزود
في عدة طرق للدراسة بالخارج انتساب او انج تاخذين تفرغ تام للدراسة من الوزارة
ملاحظة الانتساب يدوامون بمعاش كامل ووقت الامتحانات اجازة من الدوام
مشكلة شوي بس يسوى اذا ناوين تصيرون دكاترة بالجامعة
المسألة مو سهلة بس للي عندها طموح ليش لأ
انا طموحي مات مع سبق الاصرار والترصد
من قبل عيالي وزوجي
منهم لله