|
السلام عليكم ورحمة الله وبركاته،
شخباركم حبوباتي الأبلات؟
عسّاكم على القوه
والله يعطيكم الصحة العافيه .
أنا تعيين جديد واليوم رحت للمنطقة التعليميه أكمل أوراق التعيين
طبعا لأني خريجة كلية التربية الأساسية حطوني ابتدائي
وانا معلمة تربية اسلاميه ولله الحمد، ف حولت من ابتدائي الى متوسط
شرايكم باللي سويته؟ هل افضل المتوسطه عن الابتدائي؟
وشنو احسن إدارة مدرسه متوسطه بالنسبه للصباحيه وفهد الأحمد؟
أتمنى من اللي تقرأ موضوعي ترد لو رد بسيط لأن أحاتي والله لول
وجزاكم الله الف خير،
والله آنا واااايد أفضل المتوسط على الابتدائي..
لأنهم شوي أكبر ويعتمدون على نفسم.. مو نفس الصغار
وهالمرحلة حلوة.. تقدرين تصيرين مثل أختهم وبسرعة راح يحبونج
ويتعلقون فيج.. مو نفس ازعاج الابتدائي.. ولا نفس شطانة الثانوي
والله يوفقج حياتي
و ابلات الاسلامية لهم هيبة حتي لو مو عصبيات هالقسم دايم لهم هيبته ما شفت مرة بنت تتهاوش مع ابله اسلامية
والله متخوفه وماعندي أحد خبره أخذ رأيه ):
الابتدائي صج المنهج خفيف والماده العلميه سهله وهذا اللي يميز الابتدائي عن المتوسط
اما المتوسط تحسين منهج واختبارات وتصحيح كل المراحل ومراقبه الاختبارات يعني شغلهم اصعب من الابتدائي
انا افضل الابتدائي على ازعاااج البنات ولا بنات المتوسطه