|
|
السلام عليكم
ابلات اللي عندها خبره تعلمني
انا نجحت بالاختبار والمقابله وتخصصي اسلاميه بس مدري شنو المطلوب بعدها اراجعهم ولا هم يدقون علي
وخايفه من سالفة الفحص الطبي انا حامل بنهاية الرابع اخاف ما يوظفوني عالكورس الجاي … يخلوني للسنه الجايه
لان سمعت ان الحامل من الخامس،وفوق يأجلون تعيينها …. علمووووني شنو اسوي الحين هم يدقون علي ولا انا اروح ولا شنو بالضبط..
وشكرا
هذا اللي سوته وحدة من الخوات نفسج تعيين يديد بهالموضوع
موفقين جميعااااا
روحي وزارة التربية مبنى ((2)) عند قسم الموارد البشرية صالة المراجعين ومعاج (( صور شخصية )) أظن 4 صور وبطاقتج المدنية
وراح يعطونج أوراق الفحص الطبي
بعدين تروحين مستشفى الصباح وتسوين عندهم (( تحليل دم ))
وبعدين يعطونج (( ورقتين تسوينهم بالمستشفى اللي تابعة له حق ((فحص بول )) وإنتي بكرامة + وأشعة
لما تسوينهم وتخلصين
تروحين بالنتيجة لمستشفى الصباح
راح يسوولج فحص سريري + فحص نظر
لما تخلصين يقولولج بعد أسبوع تراجعين مستشفى الصباح وتستلمين أوراقج
بعدين لما تستلمين أوراقج
تروحين وزارة التربية مبنى (2)
ومعاج 3 صور من البطاقة المدنية + 3 صور من الجنسية + 3 صور من الشهادة +3 صور من شهادة الميلاد
وبما إنج متزوجة فما ادري إذا أكو شي إضافي للمتزوجات ولا لأ
ويخلونج توقعين على جم ورقة وتعبين بيانات
ويقولولج تراجعينهم بعد أسبوعين جنه عشان فتح ملفج كمعلمة
وبعدها يختارولج المدرسة
وبإذن الواحد تتوظفين ^_*
أي استفسار بالخاص
مشكورين ما تقصرون …
حياتي ما تقصرين مشكووووره كفيتي ووفيتي … جزاج الله خير