شالفرق بين الابلة القوية و الابلة الشاطرة

السلام عليكم ،،،

بنات شنو الفرق بين الابلة الشاطرة و الابلة القوية ؟

و شنو الأحسن ؟

ما فهمت وضحي سؤالج حبيبتي

لازم شي يكمل بعض قويه بشخصيتها بس ماتبدع ولاتنتج ومستوى الطلبه فاشل هذه ماتصلح تكون مدرسه وبنفس الحال تدرس وتبدع عدل بس شخصيتها ضعيفه ويتامرون عليها ماتنفع تكون ابله لازم شخصيه قويه وشاطره في ان واحد

عندي نفس الاستفسار
بس شنو الافضل خاصة كونا احنا تونا تعيين يديد دايما يقولون عني شاطرة ومتميزة بس ما سمعت قالو عني قوية !! ومستوى طالباتي حلو سواء بالتحريري او الشفوي

القويه عندها عضلات والشاطر يعني متفوقه

شوووفي الابلة لازم تكون مزيج من عدة امور

قوية حازمة و شاطرة و متمكنة و خفيفة الحضور و هادية الطباع و حبيبة مع الطالبات

كل هذا بالتدريج من اول يوووم

نفس راي بنت الأحلام

بس اشلون رئيسة القسم و الموجهة لما يحضرون لي يعرفون هالشي

الابلة القوية … معلمة ممتازة جدا .. تعرفين ليش لانها بكتسب الشطارة والخبرة

خلال العمل واى نقص بالشطارة ممكن يتعوض مع ممارسة المهنة

لكن قوتها راح تساعدها في ادارة الصف … ومواجهة الازمات الطلابية والتدريسية ولديها سرعة بديهة تؤهلها دايما

اما الابلة الشاطرة … قد تكون شاطرة في مادتها … لكن تنقصها القوة وبالتالي صعب تعويض هالنقص لانه وقتها بيكون طبع

طبعها مو قوية …. علشان جذيه ادارات المدارس تفضل المعلمة القوية مع قلة الخبرة …

على المعلمة الشاطرة ولكن تنقصها الثقوة

آنــــ į ąɱ ــآ مع المعلمه اللي شخصيتها منضبطه مع البنات و مرحه و طيوبه

انا عندي ان توصل المعلومة للطالبة بالطريقة الصحيحة فهذا يحتاج لمعلمة شاطرة خاصة احنا مرحلة الثانوية البنات محتاجين درجات عشان نسبة اذا الابله ما تعرف بمادتها العلمية البنات بيضيعون اما باقي المراحل ممكن الابله القوية تمشي معاهم

الابلة القوية الي هيا تمشي رئيها بالضرب و التهديد و عدم التفاهم اما الابلة الشاطرة الي تتفاهم مع البنات و الي تدرسهم بطريقة حلوة فهذي صج تحسين انها قويه و طيوبة و شاطرة
اما القوية هذي كلش ما تنفع
الاحسن ان تكونين شاطرة متفاهمة متواضعة طيوبة

بنسبه لي و انا طالبه

ما احب الابله التشوف نفسها يعني قويه
لا احب اللي تتعامل مع الطالبات كانها اختهم الكبيرة
و الصراحه بيحبونج الطالبات

الله يوفقك