|
قانون الخدمة المدنية يقوووووووووول:
الفرع الثالث : الاستئذان
مادة (26) يختص الرئيس المباشر بالتصريح للموظف بالاستئذان من الدوام , وإخطار الجهة المشرفة على الدوام بذلك بما لا
يجاوز أربع مرات في الشهر , ولعدد الساعات التي يقدرها الرئيس المباشر في كل مرة بما يتلاءم مع الأسباب التي يبديها
الموظف وبما لا يزيد عن اثني عشر ساعة شهريا , ويجوز أن يكون هذا التصريح عند بداية الدوام الرسمي أو أثنائه أو حتى
نهايته مع ما يستلزم ذلك من الإعفاء من التوقيع شريطة أن يتم التوقيع إما عند الحضور أو عند الانصراف حسب الأحوال .
طيب هذا قانون ومن الدوله ليش يحرمونا من 12 ساعه اللي اهيا بالاصل لنا وتقولج استئذانج بس ساعتين اربع مرات يعني 8 ساعات!!!!!!
وحتى لو ماعندج حصص اتردين للدوام !!
طيب اذا تأخرت بموعد
والا محتاجة هالاستئذان حق مراجعة وبتطولين تقولج لأ لأ لأ
واذا قلتي لها غير هالكلام تقعد تضحك على بو فاهمة كل شي وهي ماتدري وين الله قاطهاااا لعانه بس.
الحين انا بعرف هالقانون ماشي بمدارسكم والا بعد خاشين عنكم هالسالفة.
وزارة تعيسة
بمعدل 3 ساعات 4 مرات بالشهر ,,,
وحتى لو مارضت الناظره تقدرين تطلعين اذا كنتي جريئه ,,,
وهم تقدرين تاخذين الاستئذان لي نهاية الدوام وماتردين ,,,
طبعا هالكلام مو الكل يعرفه والادارات مايعلمون عشان يتحكمون فينا على كيفهم ,,,
واللي تقول ان الاستئذان الثالث والرابع بكيف الناظره ,,,
اسمحيلي ناظرتكم قاصه عليكم ,,,
يعني كل شهر لازم 4 استئذانات ,,, هع
بس من اليوم ورايح بخلي استئذاناتي 3 ساعات مو ساعتين اللي قاصين علينا فيهم ,,,
وهم العرضي لازم اخذه ,,,
والله المدارس ماينفع معاهم غير جذي ,,,
والله العظيم لو شسوي ماراح يعجبهم …
انتم يصير معاكم جذي؟
نحاسه ما بعدها نحاسه
احنا يقولون لنا لج 3 استئذانات بالشهر و الرابع اذا طلبتيه ننظر بالموضوع يمكن توافق لج الناظره عليه و يمكن لأ
يعني انتي و حظج .. على مزاجها الحبيبة .. يعني اليوم اللي اتيي فيه و هي متهاوشه مع ريلها مالج أمل تحصلين استئذانج اللي اهو اساسا من حقج
***********
اشرايج اني مره استأذنت كان عندي موعد بمستشفى الاتصالات بسوي فحص حق أذوني .. و ما كنت أستأذن وايد عموما
استئذاناتي كانت تنعد على اصابع الايد الوحده بالسنة كلها .. و بالشهر ممكن أستأذن مره و ممكن ما أستأذن بالشهووور
تخيلي اني رحت موعدي و تأخرت كانت زحمة مراجعين .. و يوم دشيت الفحص طول معاي ((فحص الاذن يبيله وقت))
و لما طلعت كان الشارع زححححمه صوب مستشفى الصباح .. يومها كانت عندي حصه وحده بس .. دقيت على وكيلتنا قتلها اذا في مجال تخلينها الحصة السادسة أو الحصة الأخيرة .. على ما أيي المدرسة و أزهب أغراض المختبر (مدرسة علوم) .. مادري متى أوصل .. أسلم حل انج تخلين حصتي اخر حصتين عشان أضمن اني أعطيها البنات و ما تروح علي (( شوفوا اشلون حدي حريصة على حصتي و جد جد جد ما كنت أحب تطوف حصصي نهائي)) اشرايكم شنو ردت علي؟؟؟؟؟؟؟؟؟؟؟
قالت لي لا اتيين و اخذي اليوم مرضي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حسبي الله عليها حتى ما قالت اخذيه عرضي .. سيدة مرضي ؟؟؟
مع اني قتلها ما راح أتأخر بس مسافة الطريج كاني راده .. و حصتي انا أبيها .. بعطي البنات حرام تضيع حصتهم .. و أساسا ما عندي غير هالحصه حراااااام تروووح
و غيري و الله العظيم و الله العظيم تخليها تطلع من المدرسة و هي عندها حصتين و ثلاث و تنزل حصصها احتياط بس عشان تسوي شغل الوكيله و لا الناظره .. و جان زين شغل حق المدرسة .. لا و الله كلها مطاريش بره الدوام !!!!!!!!!!
و صفوفها كله متأخرين عن باجي الصفوف .. و ينزلونهم لنا ندرسهم بدالها عشان لا يتأخرون زيادة .. و هي و الله اللي تاخذ امتياز و احنا لأ !!
حزززت بخاطري حييييييييييييل هالسالفة
و من يومها قمت أثبت تعامل الوكيلات و الناظرات مع المدرسات .. و اشلون همهم على مصلحتهم بالدرجة الأولى مو على الشغل أو على الطالبات و الطلبة !!!!!!!!!
هذا واحد من مواقف وااااااااااااايده تكره الوحده بالتدريس و المسؤولات اذا كانوا حريم .. حرمت عيشتهم
(( مو جني قلت قصة حياتي الأليمة؟؟ هههه ))
مزيانه مقيوله من عمر الدنيا ان حبتك عيني ماضامك الدهر ,,,
وهالشي بكل المدرس مو بس مدرستج ,,,
ههههههههههههه
مزيانه مقيوله من عمر الدنيا ان حبتك عيني ماضامك الدهر ,,, وهالشي بكل المدرس مو بس مدرستج ,,, |
لا بس خلاص الحمدلله
ما عندي مدرسة الحين
ربي تاب علي من هالمذله
استقلت الحمدلله
من هالوزارة اللي ما عندها الا انها تحبط الطاقات
و ذنبي برقبتهم اللي اقتلوا طموحي الوظيفي
بعد اذن صاحبه الموضوع
اعرفه ان الاستئذان من حق اي موظف وهذا الحق مو من الوزاره الدايخه لاااااا
هذا غصبن عليهم من الديوان الاميري
اللي ابي اقوله من كلام كل المدرسات اللي يصيرون لنا ورفيجاتي وحتى من متابعتي بالنت
احس ان المدرسه تهاب الاداره ؟؟؟؟؟؟ وهذا كله من تعامل الاداره معاكم احسهم يمشون المدرسه مثل ما يبون
والله يابنات لما تكون شخصيه المدرسه قويه بغض النظر عن التقرير صدقوني قبل لاتتفلسف الناظره او الوكيله راح يحسبووون الف حساب لرده فعلج
انا ما اقول نقل ادبنا او نرفع صوتنا
بس مجرد كلمه ان هالشغل ما ني مكلفه فيه واذا عندي وقت ما راح اقصر
ومن هالردود صدقووووني راح يغيرون اسلوبهم معاكم
الحين الدكتور بالجامعه ما يعامل الطالبه مثل ما الناظره تعامل المدرسه؟؟؟
تدرون ليش لان البنات ما يخلون حقهم وتظلم على الطالعه والنازله عشان جذيه ماسكين حدودهم معانا
بلا الناظره حالها من حالنا نفس الشهاده ولها الاحترام فقطططط
واذا تبونهم يتغيرون لازم انتووووووو تغيرون طريقتكم معاهم وما تخلووون حقكم
اعذروني طولت بس من الحره عليكم