العقاب

آنا صرلي بالتربية 16 سنة و قبل 7 سنين صرت رئيسة قسم و تعينت بمنطقة الجهراء التعليمية

كانت عندي مدرسة دلوعة القسم و حبيبة قلب الناظرة و يويلة إلي يكلمها و جميلة و بنت شخص مهم و الكل يتكلم عن جمالها و منصب أهلها لكن محد يتكلم عن غيابها و عدم تدريسها كل شئ عندها علي الماشي المهم و كل ما أحضرلها زيارة القاها مسوية ديوانية إهيا و أبلات العربي بالحصة الأساسية قلت خلني أصير ذربة و اكلمها علي أنفراد يافلانة ما يسير شذي هذا وقت التلميذات لا تكرينها مرة ثانية و تطالعني بنظرة تكبر و تروح بعيدين كررت هل شئ 2و3و أخيرا مليت منها عطيتها لفت نظر و انتقلت و دارت الأيام و شفتها وسلمت علي و قالتي بخبث للحينج رئيسة قسم قتلها شسوي ابو العيال ما يرضي اشتغل بالتوجية علشان فية رياييل سلمت علي وضحكتها صفرا و قالتلي ما دريتي تراني صرت موجهة تخيل إتصير موجهتي يعني إشراح يصيير؟؟؟؟؟؟

لا تخافي
انت ما سويتي شي و لا ظلمتيها
انت كل الي سويتيه انك اتبعتي القوانين و اتقيتي ربنا

" و يمكرون و يمكر الله , و الله خير الماكرين "

لا تخافين ودامج ما ظلمتيها الله ما يظلمج

الله يوفقج وتصيرين ناظرة وترتاحين

لا طبعا عقب الظلم الي شفتة ما ابي اصير ناظرة ولا وكيلة بس كافي يا رب تقبل منا انك انت الغفور الرحيم

الله المستعان ..

عاد هالنماين لما تصير مسئوله تصير عسره و تتفلسف بدون سنع ..
و تشدد على الابلات لانها تعتقد ان الكل مثلها .. و مثل ما كانت متسيبه تظن ان الابلات متسيبين مثلها ..

ان شاء الله ما تكون موجهتج ..

أم زايد رايج يهمني حيل و مشغولة و محتاسة أنت إمركزة و مقياسة 79 ……… شكرا

الحياه يوم لك ويوم عليك بس الصح يبقي صح

أنا الي يحرني و يقهرني … شلون هالاشكال توصل لرئاسه القسم او التوجيه
والله كان عندنا رئيسه قسم حتى اسس وضع اسئله الاختبار ما تعرفها توقع الاختبارات و بعدين نكتشف فيها اخطاء فاااااادحة …
لا وتتفلسف بعد