|
|
قوه بنات شلونكم؟
بنات يوم الأثنين زارتنا الموجهه وقتلها اني ماراح اشترك باي نشاط خاص يالقسم ( لأني اساسا ناويه استقيل اخر السنه وموهامني التقدير كلش ) بس ماقتلها هالحجي طبعا …
المهم جان تقول لا لازم وحالج من حال الباجي ومن هالكلام ( مع العلم ان باجي الملعمات مرتاحات بهالوظيفه ويسعون للتقدير ) أهيا موراضيه تفهم قتلها سوي الي تقدرين عليه ومن هالحجي طبعا عقب ماصار بينا تش ولعي بالحجي …
السؤال : الموجهه ، الناظره شنو بيدهم يسوون ضدي مع العلم اني
– مسكره المنهج ويا صفوفي وماشيه وياهم عدل
– سويت انشطه خاصه بالاذاعه وسويت الامتحانات مال فترة الاولى
– نصابي 13
– أغيب بس ماتجاوزت الحد المسموح ( 15 يوم )
ابي اعرف هل مفروض علي أسوي ( من واجباتي الأساسيه )
– درس ريادي ولا نموذجي ؟
– هل مطلوب غصب اسوي يوم العالمي ( لأي موضوع كان ) أو ورشه عمل؟
هل من حق الناظره او الموجهه تتقدم بطلب فصل المعلمة من الوظيفه ؟؟؟
ولا بس بيدهم ( التقدير فقط ) !
اي عقوبة ثانية مافي. اذا انتي ملتزمة بتدريس البنات وماتجاوزتي الغياب مايقدرون يسوون اي شي غير النقل او التقدير ينزلونه بس
بس بالتقييم
اما غيره مالهم حق
حتى غياباتج مالهم حق يحاسبونج ولا يقولون لج ثلث الثلاثة كم
حتى لو تعدت طبياتج ال ١٥ لانها راح تنخصم منج انتي مو شغلهم
والانشطة والورش ترفعهم هم مو احنا
لذلك كل همهم هالبلاوي
مايهمهم كلللش شنو تسوين داخل الصف
الدروس الريادية والورش من التنمية المهنية لازم تسوينه وهذا شي مطلوب من المراقبة والوزارة وللمديرة ملف اسمه التنمية المهنية للمعلمات كل قسم له تنمية مهنية خاصة فيه أم الأنشطة فهذا من بند التعاون والمبادرة
بالملخص جانج مو هامج التقدير راح ينزل مدام هذا كلام الموجهة لج بس بطريقة غير مباشره يعني أنتي غاثتهم بسالفة ما أبي أبادر جذييه كلموج وسلامتج وتعيشين
ماعلييج منهم
والله أنا مريحه راسي ….يحمدون ربهم أعطي حصتي وآهذ احتياطات بس …غير جذي ما أسوي شي … كافي المناوبه وبرنامج اذاعي
وما يقدرون يسوون لج أبببببببببببد ….ولا حتى نقل ….مالهم حق ….
و بالنسبة للغياب اذا كثر هم يكتب فيها تدني أداء
السؤال:
اذا بناتنا ما يبون التدريس و منحاشين منو راح يدرس عيالنا؟
لي متى التعليم بيد عوير و زوير؟
أدري ان التعليم عمليه شاقة بس أجرها عظيم
و أدري تعب … بس احلى راحة تجي بعد التعب
و هل اكو عمل بلا مسئولية؟
مايا لله الحمد الشرح حلو بشهادة الموجهه نفسها ورئيسة القسم وبناتي و المنهج ماشية عليه من غير لاكروتهم ولا اضغط البنات فيه واقدم لهم مراجعات ودرجاتهم اغلبهم حلوه لله الحمد
لكن ورش ودروس رياديه و كنترول موملزومه فيها دام مابي اللامتياز
والامتياز تاخذينه بس مو عالي اذا ماااااتغيبين وملتزمة بشغل القسم
امارالاشياء اللي ع مستوي المدارس هذي للي يسعون للتميز اكثر…
عندهم بند بينزلونج فيه وخلاص
اهم شي رئيسة قسم والمديرة لان اذا بتنقص الموجهة بتشيش الثنائي عليج علشان ينقصونج وياها عرفتي
والنقل وهالسوالف للامور الجايدة
والله مساكين المدرسات يضغطون عليهم بالشغل لما قامو يطفشون مادري لي وين بيوصلون
المعلمة تاخذ معاشها علي الحصص وتحضيرها
بس تاخذ امتياز علي الورش ونماذج الدروس
وترى هالحجي من المراقب