نداء الي الباحثات الاجتماعيات والنفسيات والاداريات

السلام عليكم خواتي

الباحثات الاجتماعيات والنفسيات

وياريت الاداريات بعد يشاركونا هالموضوع
قبل كل شي نبارك للمعلمين والمعلمات الكادر ونقولكم عليكم بالعافيه وادعوا لنا

سمعنا بكلام وااااااااااايد بنعتصم وبنعتصم وبنعتصم
ووقت الصجيه كلمن في بيته

ومتكلين علي غيرهم في الاعتصام

مشكلتنا ان ماعندنا شباب كويتين الا عدد قليييييييل علشان واحد يطق سلف حق الثاني

وبناتنا لاحد يزعل اتكاليات الا القليــــــــــــــــــــــــــــــــــل كل وحده تقول غيري بيروح ليش انا بعد اتعب نفسي ( علما بأن احنا جامعيات )
طبعا كلامي عن الخدمه الاجتماعيه والنفسيه وأكيد يشاركوني بالراي الاداريات بعد لان نفس الحال

نفس الشي الاداريات شغلكم لايقل أهميه من شؤن طلبه من بداية العام لي آخر يوم ونفس الشي السكرتاريه الله لايحرمنا من نشراتكم وأمينه المخزن وامينه المكتبه والتقنيات ومنفذة الخدمه وان شاء الله مانسيت أحد

خلونا نوقف وقفة رجال

ايد بإيـــــــــــــــــــــــــــد ترا احنا موووو شويه ونشكل مجموعه كبيره

نوقف بويهه المسؤلين مثل ماسووا ربعنا المعلمين

وفيهم خير خل يدرسون صعوبة النطق لعيالهم
ولا يعالجون التعثر الدراسي والرسوب
ولا يعالجون الحالات الموقفيه
ولا يقابلون أولياء الامور ويرشدونهم نفسيا واجتماعيا
ويييييييي شقول وشخلــــــــــــــي ( شيلمهن )

ابي كل وحده تشاركنا برايها ومانستغني عن راي خواتنا المعلمات
وماننكر جهدهم وتعبهم

وبالنهايه الله يخليلنا بابا صباح والكويت والحمد لله علي النعم اللي فيها وعطائاتها وان شاء الله ماينسونا المعنيين وهذا من خير ديرتنا مانبي شي احنا مانستحقه
التعب واااحد

اللي عندها احد مسؤل يوقف معانا لاتبخل علينا

وسلامتكم
يالله بنات فظفظووووواااا

مو عشاني مدرسة اقول هالكلام

بس الحق حق

الحين تبون تساوون المعلمه بالاداريه !!! مو من صجكم !!!

يعني شؤون الطلبه والسكرتاريه يسوون اوراق ونشرات المدرسه

المعلمات كلش مايسوون دفتر تحضير وتحضير للدرس نفسه من وسائل وافكار

بتساوون النشرات والجداول بتحضير المعلمه !!! حدث العاقل بما يعقل

ادوام معانا بالمدرسة
بس تدشون الصفوف وتقعدون اقل شي ساعه الا ربع مع عدد لا يقل عن 20 طالبه او طالب ؟؟ هذي بروووحها قصه

لما تاخذون شغل المدرسه لي البيت ؟!!!

ولا وظيفه بالكويت يسون شغلهم بالدوام وخارج نطاق الدوام غير المعلمات

فالمعلمات يستحقووون الكادر وشويه عليهم بعد
من ناحيه المجهود اللي يبذلونه ومن ناحيه المستوي التعليمي

والاداريات صراحه كافي المعاش اللي ياخذونه مع زياداتهم الي عطوهم شتبون بعد تبون تصيرون مثلنا !!!! *

أنا أيد الزيادة لكم و أن شاء الله يوافقون عليها لأنكم جامعيات ………..الله يوفقكم و يسر أمركم …..بس أنا مو معلمة ولا شيء
بس حبيت أرفع موضوعج لعيونج ………….اب اب اب اب اب ………….وينكم بنات ..# متبون زيادة…..
لا لا ما نكر أنكم تعبون و مووو بس المعلمات يتعبون حتي الإخصائيات وراهم ورش ومتابعة الطالب ومشاكل و استقبال أولياء الأمور
وو غيره وغيرة …………..لما النهاية ويه تعبت وأنا أكتب. و تستحقون الزايد وسلامتكم *********من أختكم طالبة جامعية

كلامج عدل اختي ومشكوره عالكلام اللي يرفع من المعنويات ولا نستهين بعمل حتي الفراشات لان بدونهم بنقعد ب………….
والحراس بعد دورهم مهم مانبخص بحقهم
وبما أن محد يعرف أو يفهم شغل الثاني الافضل انه مايشد حيله وينفعل
واذا تبون تعرفون مهام الباحثه الاجتماعيه والنفسيه انا علي استعداد بأني أكتبها لكم
مو تبريرااا بل تفهيما وتوضيحا
ويمكن بعض المدارس سكرتاريتهم خواره مايداومون مونفس اللي عندنا نحلات ماشاء الله عليهم
تسجيل ولويه وحتي احتياط ومناوبات ياخذون بدون تردد
بما أن ناس تشوف انهم مهنيا افضل فمقابل الكادر خل يناوبون وخل يلتزمون بالحضور والاحتياط وخل يقابلون اولياء الامور ويعالجون المشاكل اللي يعانون منها الطلاب ويفتحون لهم ملفات ويسوون لهم خطط علاجيه مهنيه ويتحملون بعض نفسيات اولياء الامور ويمتصون غضبهم ويسجلون الطلبه من أول يوم لييييي آخر يوم بالدوام
والواحد يتمني الخير لغيره مثل مايبيه لنفسه

عموووما هذا موموضوعي
اللي براسها نقد أو تقليل من شأن أقل شخص تقرا الموضوغ بإحترام وتحتفظ برايها
واللي خاليه من الانانيه تنورنا برايها الهام علي الاقل بدعوه

الحين يقولون في اعتصام متى اي يوم ؟؟؟

لازم جمعيه المكتبات تتحرك وتتكلم

مايصير نعتصم مني والطريج

وانتو الباحثات الاجتماعيات وين جمعيتكم مايتكلمون بعد

مشكلتنا ماورانا احد

إقراراً للحق وإقرار لكل من له نصيب نحيطكم علماً بأنه سيكون هناك إعتصام لإداريين المدارس والمنطقة ووزارة التربية وذلك من يوم الثلاثاء الموافق ٢٠١١/١١/١٥أمام المجلس وفي المدارس علماً سيتوقف العمل بالمدارس إلي أن ينظر بأمرنااا ولا لأن ماعندناا جمعية تكلم عناا.وشكرا لأعضاء الأمة علي التفرقة بين المواطن .اتمني أن تكونوا يدا واحدة ضد التفرقة ملاحظة فرق الراتب راح يكون ألف ديناربين الأداري والمعلم.

إنشر …..تكاتفو نفسهم وبتأخذون حقكم. ملاحظةيشمل الأخصائي الأجتماعي-والنفسي-وأمين مكتبة-أمين مخزن-محضر علوم-تقنيات-سكرتارية-وشئون طلبة وكل أداري)…


والله العظيم ياعمري مو اقلل من قيمة اي وظيفه

انا مع وتحرني اكثر شي الاخصائية الاجتماعية والاداريات اللي معاهم بكالريوس

لازم يخذون زياده علي مستواهم التعليمي

بس الحق حق

انتي ترضين منفذة الخدمة نفس معاشج من باب حب الخير للغير !! وعدم الانانية
والله كلامي هذا مو تكبر او استحقار اعوذ بالله

بس انا لما اكرف واقعد بالمدرسة لي ٢ الا
وادوام الصبح للمناوبة واناوب بالفرص وامسك احتياطات ويوميا عالاقل حصتين ادرس

واتعامل مع صبيان النص اذا مو الاغلب مافيهم احترام ومشاغبين واتعب علي مااضبط الصف
واحضر واذا حضرلي موجه ولا الناظره هذا شي ثاني
واتعاون مع الاداره بشغلهم ونساعد الاقسام الثانيه
وهذا غير اذا تسلط عليج ولي امر الاداره بمافيهم الناظره يشيلون ايدهم منج
واذا صار عندج حالات خاصه ومشاكل بالصف كله علي راسج
تقومين بالتزاماتج بالمدرسه من احتياطات وحصص ومناوبات وماعندج وقت تحضير

وبالاحري في اشياء ماتقدرين تسوينها بالمدرسة
وتفرفرين عقب الدوام عالمكتبات والمحلات لاحتياجات المدرسة

هذا كله شغلي
وبالاخير تتكافء الادرايه نفسي ولا ماكو فرق بيني وبينها الا شوي

هذا راح يسبب رغبة عند المدرسات كلهم بالتحويل ومحد راح يدرس

بتقول اقط هذا كله ورى ظهري واشتري راحتي بالفرق بيني وبين الاداريه

واعتقد انتو اعلم بالجيل اللي قاعد نتعامل معاه مايحتاج اقول

فهمتي قصدي من ردي

ابدا مو احتقار او تقليل باحد

الجنه اللي يسوها العادل سبحانه

حط فيها درجات
اتمنى تكونون فهمتوا قصدي

انا لا انانيه ولا اكره الخير لغيري

حبيبتي اكيد ان شالله كل واحد ياخذ حقه بس لاتقارنون نفسكم نهائي بالمدرسه وكرافها وتعبها واللي تقول فرق بين المعلم والادراي الف دينار اتوقع المعلمه معصوره طول السنه تحضير وتعب وكراف ولويه ووسائل وجهد نفسي وبدني وتصحيح مانرد الا المغرب وقت الاختبارات من الصبح غير الكنترول بمعنى اخر هلاك بكل ماتحمله الكلمه من معنى والكادر مال المعلم المفروض لايقارن باي كادر لاى موظف بالدوله لانه يعتبر مهنه شاقه وللعلم بامريكا ودول اوربا يخلون المعلم بس يدرس خمس سنوات واذا حب يزيد المده يكتب تعهد على نفسه انهم غير مسؤولين عن اي مرض بدني يصيبه او نفسي بعد ذلك فليش الكل بيقارن نفسه بالمعلم الحين اتوقع الكوادر حق للجميع بس التساوي بتوزيع هالكوادر هو الظلم فيه وعدم الانصاف وتمنياتي للجميع بالتوفيق

لا بس بينا وبينكم واجد واحنا مثل شهادتكم انا امينه مكتبه يعني الله يرضي تري حتي احنا نتعب بشغلنا ولازم ناخذ كادر حتي لوخذيناه يصير فرق بين اداري ومعلم لا تحاتون يا معلمات ما نتساوه

بنات اكيد في اعتصااااااااااام بكرا ………؟

في احد من الاعضاء المجلس بيوقف معانا
مانبي فاهمه بالضبط ؟؟؟؟؟؟؟؟؟؟؟

من حقكم تطلبون كادر لكن ما تتساوون بالمعلم لان شكثر معلمات حولوا اداريات وارتاوحوا كافي انك لما تطلعين من الباب ينتهي شغلك ويشهد الله اني قاعدة اشتغل شغل الشؤون و السكرتارية الادارة مراعيتهم والمشرفة تاخذ الغياب و توزع النشرات حتا استئذان مو قادرة من الاحتياط والحوسة بالشغل لا وبعد الكادر بيرد الشغل الاداري علي المعلم وبترتاحون

ان شا الله يوقفون معانا الاعضاء اميره وباجر يااداريات اعتصام بلغو الي تعرفونهم نبي نصير ايد وحده

عزيزه وغاليه اختي

احنا ماطلبنا المساواة
احنا طلبنا كادر
لان بالاساس ماعندنا الكادر واحنا جامعيات

وحتي المعلمات شي طبيعي وحده راتبها غير عن الثانيه حسب الدرجه والمسمي الوظيفي والاحرف ملوتكم ما ادري شتسمونهم

يعني انا راتبي علي قولتج قريب من السكرتيره واااايد وانا جامعيه واهي دبلوم
عليها بالعافيه رزقها بس احتر اذا ماميزوني كجامعيه
واطالب بالكادر باللي يعيشني كمواطنه كويتيه بغلاء المعيشه اللي يصير

واعرف وحده لها 7 سنين معلمه عليها بالعافيه بيصير الفرق بيني وبينها 600 دينار تقريبا اذا مو اكثر وانا سنوات خبرتي 11 سنه

ومشكوووووووووره عالتوضيح

شكرا اختي

احنا طالبنا بالكادر
والانصاف والمساواة هذا بيد رب العالمين
كلمن ياخذ رزقه
بمعني لما يكون راتبي مساوي لاي وحده ما راح اعارض ولا بقعد في البيت بسبتها لا بالعكس
عليها بالعافيه واطالع راتبي بس واشوف هل اهو مناسب لشهادتي ووظيفتي
والانسان لابد من أنه يكون راضي بالقسمه الحقانيه
ومالنا حق ان مثلا نقول ليش راتب موظف البترول كذا لان لا احنا نعرف طبيعة شغله ولا اهو يعرف طبيعة شغلنا
عندج احنا بمدرستنا مدرسات الفنيه مثلا والاسلاميه كل وحده علي صف أو صفين

اوكي
ليش ما اعترضتي علي معلمات المواد الاساسيه اللي يكرفون مثل العربي والرياضيات والعلوم ومعلمات المواد الغير اساسيه
ليش ماعارضتي معلمات الروضه والابتدائي عن معلمات الثانويه
الواحد لازم يكون منطقي وحقاني

اتمني خواتي تفهمون وجهة النظر احنا مانبي تقلييييل بشأن أحد
رجاء اتمني فهم الموضوع جيد الله يرضي عليكم
الموضوع مفتوح لابداء الراي وليس للنقاش والجدال والتقليل