معاناتي بمدرستي دشو ولكم الأجر

السلام عليكم ورحمة الله وبركاته
شلونكم معلمات ؟؟؟؟؟؟
وكيف العودة الى المدرسة معاكم ؟؟؟؟؟؟؟؟؟
انا معلمة يديدة تخرجت من الجامعة بصيف وتعينت بمدرسة خاصة لا ترحم شعارها الوحيد الطالب أولا والمعلم موجود لخدمة الطالب .
المهم معلمات انا تعبت من المدرسة والادارة صج ما بترحم المعلمة شوفو اول شي بغرفة الصف ما في لا طاولة ولا كرسي للمعلمة لازم تضل المعلمة واقفة عريولها طوووووووووووول فترة الدوام
وبفترة الاستراحة لازم تكون المعلمة موجودة في الساحة تنتبه للطلاب وتفتحلهم بكيت الشبس والعصير وممنوع معلمتين يمشو سوا في الساحة بفترة الاستراحة حتى لا ينشغلو عن الطلاب أنا سميت هشي ( عزف منفرد ) .
والتلفون ممنوع تحملينه الا بغرفة المعلمات ويا ويلك اذا شافوكي مسكيته وتكلمي حد في الصف ولا الممر .
يومك مش فايت ( عقولة اخوانا المصريين )
وغرفة المعلمات ما فيها الا 7 كراسي …….ظلم يعني أحس المعلمات بفراغهم يركضون يسابقون يقعدو عكرسي
وأنا المسكينة دايما بفراغي اجي الغرفة الاقيها فل نو شير وأضطر أقعد فوق الطاولة …….. يعني فاز حق التيبل هههههههه
ووصلنا لنهاية الدوام فرض عين عل كل معلمة انها ترافق الطلاب بلباص حق بيوتهم يعني بنهاية الدوام تصير المعلمة كنترول للباص تساعد سائق الباص .
وهاض لسة ولا شي بالنسبة يلي اشوفه من الطلاب واهليهم كل ما احكي كلمة مع طالب ثاني نهار اشوفه يابلي امه ولا ابوه .
والله اكرفت .
شو اعمل بهلمدرسة المادية مدري .
وأنتو معلمات تعانون مثلي بمدارسكم ولا شنو ؟؟؟؟؟؟
لا تبخلو علي بالردود .
مع حبي زمردة