|
|
السلام عليكم
شلونكم معلمات؟
بغيت أستفسر عن المجلس الطبي
أنا مستحقه لأني حامل وتعبانه وأتنوم بالمستشفى وأطلع بس شلون آخذه؟
وإذاكنت غايبه طول هالشهر مثلا بدون مجلس طبي يخصمون علي ؟
انزين متى يخصمون؟
دكتوره النسا والدكتور مال الشي الثاني الي اتعانين منه
ودؤي كل التقارير والتحاليل دزيهم للوزاره عن طريق سكرتاريه المدرسه
وطبعا قبل كل هذا موافقت الناظره
وعقب والله نسيت اسفه 
بس حبيت اساعدج بلي اعرفه
اول شي جيبي تقارير عن حالتج من اي دكتور سواء خاص او حكومه
بعديت روحي للسكرتيره عندكم بالمدرسه وطلبي منها نموذج المجلس الطبي تعبيه بعدين وديه للناظره توقعه
بعدين تاخذين تقاريرج ونموذج المدرسه وتودينه للمنطقه التعليميه وديه انتي بنفسج احسن او زوجج عادي بس لا تخلين مراسل المدرسه يوديه يطووول
المهم تروحين للمراقب تبع مرحلتج الدراسيه ويوقع لج بعد ما يوقع تودين اوراقج للاجازات والدوام بالمنطقه ويوقعونها
عقب تروحين للمجلس الطبي بالصباح تقدمين طلب لازم تكون معج البطاقه المدنيه
وتفتحين ملف عقب يحولونج للمستشفى اللي انتي تابعه له مثلا انتي ساكنه بالقرين يحولونج للعدان عرفتي
بعدين تروحين للمستشفى راح يعطونج موعد لمقابلة اللجنه هني راح يعطونج موعد بعيد ف خلصي شغلج بسررعه
يبقا بس تنطرين موعد اللجنه والمقابله تروحين لهم يقابلونج دكاتره يسألونج كم سؤال وتطلعين
بعدها يقولون لج دقي علينا ونقولج النتيجه سواء قبول او رفض واذا قبول بيقولون لج كم عطوج
وبس
هذا بالضبط الخطوات
وربي يهون عليج وعلي ويسهل عليناااا ياارب
ادعي لي وياج 
الشغله مطوله شكلها