|
|
السلام عليكم
بروضتي من الاسبوع اللي طاف مافيه فراشات مضربين الا جم وحده من بينهم فراشة صفي وهي حليله هب ريييح عاد سألتها تدرون شنو قالت لي
تقول 4 شهور مو معطينهم معاش ومو هني المشكلة قالت لي شغلة صدمتني فيها تقول انه بيسافرون عشان معطينهم مهله مادري شنو ويوم سألت الوكيلة جان تقولي اي عشان قانون الهجره طلعوا كلهم بصورةموظفينهم بصورة غير شرعية يعني خدم منحاشين من بيوت لا اقامة ولا بطيخ الشركة مو دافعه عليهم ولا فلس حمر ومع هذا مايعطونهم معاشاتهم هذي ثالث مره يضربون السنة اللي طافت اضربوا عشان ماعطوهم معاشات مادري جم شهر وبعد الاضراب نزلوا معاشاتهم تخيلوا معاشاتهم 50 دينار وممنوع يغيبون حتى لو تعبانين لو تعبانه يخصمون منها 3 دنانير جنه قالوا لي مو متأكده من المبلغ بس يخصمون
مو حرام عليهم هالتجار والله العظيم حرام هذول بشر مو كافي هم مو دافعين فيهم شي ليش مايعطونهم معاشات فوق هذا كله شلون الوزارة توظف فراشات وهم مخالفين قانون الاقامة
بعرف اي شركة ومو المسئوول عنهم اكيد واحد من هالهوامير .. برسل لوحده من الجرايد بس بعرف اسم الشركة اكيد تعرفون رجاء بنات مابي ردود تقول تشهير ومادري شنو .. هم ماخافوا ربهم ليش نخاف منهم
انا مستغربه لهالدرجة وصل الفساد .. المواطن يلعنون خيره اذا تأخر بتجديد اقامة ولا انحاشت منه خدامه خلوه يدفع لها تذكرة حكومية درجة اولى بعد .. وهالتجار لاعبين بالدنيا والحكومة تمولهم
ياويلهم من ربهم ماراح تدش معاهم فلوسهم القبر .. بيلقونها عند ربهم
وما اظن معاشهم 50 اقل بعد والله مساكين