|
|
مرحبا ابلات
واااي ياريت وحدة تقولي ان الوكيند هذا بيكون زين وياي بس المشكلة اني قاعدة افكر بشي مضايقني
الله يسلمكم بنات المشكلة مع ( الهدايا ) من الطالبات
هالاسبوع وصلتني 5 هدايا من طالبات:
1- الهدية الاولى: دهونات عود
2- الهدية الثانية: عطر ماركة كشخة
3- الهدية الثالثة والرابعة والخامسة: حلويات عربية
بنات انا مستحية آخذ من الطالبات واااي احس بفشلة وبنفس الوقت احس ايييبون لي الهدايا علشان أزيدهم درجات وانا
هالشي ما أحبه ولا أبيه. كأنهم يرشوني علشان ازيدهم. المشكلة ان البنات صف " سادس " يعني صغار
واليوم لما كنت بالصف قلتلهم انتوا لما تعطوني هدايا تعطوني علشان ازيدكم درجات ولا تحبوني؟
جان كلهم يقولون ابلة احنا نحبج مو علشان درجات. وقتها انا ارتحت
بس اليوم لما عطتني البنت هدية " عطر " ورجعت البيت ووريته اهلي أبوي حمق علي 
منهم مرة ثانية لأنج انتي نفسج بتستحين منهم بعدين وقت التصحيح بتحسين نفسج مقيده
وتبون الصراحة بنات معاه حق يعني وحدة عطتني هدية لأنها تحبني مو علشان درجات بس هم لما أبي اصلح
ورقتها راح أحس بشعور مادري شنو وانا مابي أحس بهالشعور
المشكلة بنات استحي ارد البنية تلقينها ياية من صباح الله خير القسم ومتعنية وبالاخير اقولها مابي الهدية ويله روحي صفج
لان مثل ماقلت هذيل صف سادس.
انا خايفة يوم الأحد وحدة من البنات تيييبلي هدية مادري شسوي وشلون أردها بدون لا تتضايق
حدي مأيسه واحس هالويكند كله بفكر انهم بيقدمونلي هدية وانا بردها واكسر بخاطرهم واااي مادري شسوي
اقولهم الناظرة مانعة اني اخذ هدايا؟
صج صج مادري شسوي بنات ساعدوني علشان افتك من هالمشكلة.
اخاف اهالي الطالبات يفكرون اني انا اشيش البنات واقولهم يبوولي هدايا وانا ابدا مو قاعدة اسوي جذي
انا اصلا يكفيني انهم يحبوني مو محتاجة اي هدية
وغير جذي مابي اعني البنت واهلها علشان يشترون لي عطورات واشياء غالية. امبي والله احراج وفشلة
اليوم لما البنت عطتني الجيس الي فيه العطر ويهي قلب الوان داخل القسم والمدرسات كلهم شافوني
بغيت الارض تنشق وتبلعني من الاحراج حتى البنية قلتلها مشكورة وانا منزلة راسي وااااي احس كأنها
رشوة
مادري اكلم الناظرة واقولها على السالفة ولا ماله داعي مادري معلمات ساعدوني
ابي اقضي هالويكند وانا بالي مرتاح وااااااي مابي انكد على نفسي
بس ترى هم توهم يهال وعقلهم على قدهم
ما يفكرون انج تزيدينهم درجات
انه احس انهم حابينج اكيد معالتج وياهم وايد زينه
علشان جذي لاقيين حنان منج فحبووج فكري فيها
جذي واذا الشي يضايقج كلميهم بالصف وقولي لهم
انه احبكم وادري انكم تحبووني
بس لا تحرجوني لاني ما راح اخذ من اي وحده هديه
وبـــــــــــــس((:
عبآلي تبين آفكآر
وآلله يآمنآل آنآ من كنت ميدآني وهم يهدوني وآلحين آلصبيآن كل يوم ورد ورسآيل
بس آنتي هدآيآت عطورآت وهيك آلله يعينج آنآ مقطعني آلحيآ آخذ ورد شلون هدآيآ
ونفسي آصلآً تكره آلهدآيآآ آحس بِ آحسآس مش حلوو لمآ آحد يهديني خخ
بس الي ضايقني اليوم كلام ابوي خلاني اشك بنفسي
لو يكتفون برسايل ماعندي مشكلة بس هدية احس صعبة وبتكلف اهاليهم وانا مابي جذي هالشي جيل مضايقني
يكون على مستوى رقي واحترام متبادل
وان كان على الهدايا لا يضيق خلقج انتي ما طلبتي منهم
هم اللي يجوون لي عنددج
والهديه ما تنرد يا قلبي
اسمحيلي بصرااااااحه لا مشكله ولا شي
انتي حيييييل مكبررررررره السااااااالفه
شكثرررررررر طالبات يهدون ابلااااااتهم واحيانا الام بعد تتعني للمدرسة وتكرررم ابلة بنتها بالطابووووووور جدام الناظره والمدرسات والوكيلات
عاادي حبيبتي
والله يهدااج ليش دخلتي سوالف الرشوووووه من البدااية وظنيتي سووء بالبنات انهم يهدونج عشان يبوونج تزيدنهم درجااات !!
واذا على وقت التصحيح هذا يعتمد بالبدااااية على ضميررررج >> لا هدايا تأثر ولا هذي بنت فلان ولا هذي امها تعرفنا … حل الطالبه هو الي بس يحكم
واذا الهدايا غاااليه عاااااااادي اشكري البنات بالصف وقولي انا ادري انكم تحبوووني بس ماله داعي الهدايا الغاليه انا يكفيني انج تحبين المادة وتاخذين فيها امتياز .. وانا من اليوم ان شاءالله ما راح اقبل اي هديه غاليه لاني ما ابي اكلف عليكم الي تحبني وخاطرها تهديني هديه
هديتي انج تجيبين درجه حلوه باختباري ..
خرعني عنوان الموضوع
قلت شفيها منووووله
حياتي
انا الأمهات يجوون يكرموني
والله شنو شهادات تقدير
شنووو وروود
شنوو عطوووور
شنوووو مكياج
والله ان ولية أمر بحفل التفوق جابتلي بوكس كله مكياج كامل ماركه ماك
استحيت وربي لأن ماك غالي حيل
وتعذرت قلت اسمحيلي وبنتج وتفوق بمادتي وبالعربي عندي اكبر هديه
بس مارضت
الا تاخذين
واستحيت واخذتها
بالعكس اشوف هالشي تقدير للمعلم
وصدقيني لو مايحبونج مايهدونج
وابد لاتفكرين ان الهدف منها درجات
الحمدالله انا ادرس ابتدائي
وتفكيرهم بيتغير يمكن يقولون نفس كلام ابوج وما الومه الصراحة كلامه عين العقل
انتي غلطانه انج اخذتي منهم الهدايا
انا من اول تعييني علمتهم ان احسن هدية هي نجاحهم وانا اللي اكرمهم واشكره قلت لهم ان المدرسة مانعة هالشي عشان لا يعيدونها
بس لو يايبين الهدية مرة وحده مو مشكلة الحين كل يوم بييبون لج وغيرهم نفس الشي
انتي ابدي طريقة يديدة لا تاخذين منهم اي شي وفكي عمرج باجر المدرسة يقعدون لج قعدة
بس هم محتارة قسم من الابلات مع قبول الهدية وقسم لأ
احترت مادري شسوي بس الله كريم ويفرجها علي ان شالله
واكيد ما راح أكلم المدرسات أو الادارة بالموضوع وانا بعد احس ان البنات يحبوني مو علشان درجات يهدوني
بس والله افتشل من الهدية الغالية انا يكفيني يكتبونلي ورقة ابلة نحبج يكفيني جد
|
المشاركة الأصلية كتبت بواسطة يا ليل مطولك
 واذا الهدايا غاااليه عاااااااادي اشكري البنات بالصف وقولي انا ادري انكم تحبوووني بس ماله داعي الهدايا الغاليه انا يكفيني انج تحبين المادة وتاخذين فيها امتياز .. وانا من اليوم ان شاءالله ما راح اقبل اي هديه غاليه لاني ما ابي اكلف عليكم الي تحبني وخاطرها تهديني هديه هديتي انج تجيبين درجه حلوه باختباري .. |
.gif "Eh S(15)")
انا معاها 100%
وحلاة الهدية ما تتعدى الورد .. أكثر من جذي راح تكون إحراج ..
وهم يكون في مناسبة للهدية مو بأي وقت !!
آنا أول ما تعينت كنت جذيه والمرحلة إللي كنت فيها ثانوي،، بس حسيت إن السالفة زادتقوليلهم كلمة حلوة وبعدين بلغيهم إن ممنوع تاخذين هدايا من الطالبات بأمر من الإدارة أوة الوزارة
الباب إللي ييك منه الريح سده واستريح
يعطيكم العافية بنات
( يارب يارب يارب ان يوم الاحد ولا وحدة تييبلي شي يارب علشان من اقولهم الي ابي اقوله كل بنت يكون عندها علم )