|
|
السلام عليكم ورحمة الله وبركاته
ابلاتنا الحلوات ليش تمسحون السبورة بسرعه
انا ولدي يقول اقعد اكتب يطق الجرس تيي الابلة اللي بعدها تمسح السبورة بسرعه ويرجع البيت مو كاتب كل الدرس بالدفتر هل العيب في الابلة اللي قبل ماتعطيهم وقت يكتبون ولا الابلة اللي ماتنطر عليهم ومن تدخل الصف تمسح
شنو الحل لان جذي بييني ولدي وايد ومو كاتب الدرس كامل
هلا حياتي ..
أول شي ولدج في أي صـف .. ؟؟
لان هالشي يعتمد على المرحله اللي فيها ولدج ..
ممكن ولدج يكون ضعيف بالكتابه .. أو بطيء الكتابـه ..
بالتالي الابله ما تقدر تنطـر .. يعني غالبا ما نعطيهم تقريبا 5 دقايق عشان يكتبون من 4 لى ست كلمات مثلا ..
بس هذا لرابع وخامس ..
لان في شغلات ثانيه الابله تبي تخلصهـا بالحصـه .
انتي حاولي تعرفيـن .. بس هو ولا حتى الصبيان اللي معاه ..
اي والله انج صاجه
يمسحونه بسرعه انا بالثانويه انزين
ومالحق واذا كتبت بسرعه ما يطلع مو مرتب
والكشاكيل مهمه :/
أما إذا الصف كله فالعيب من الأبلة نفسها موقاعده تعطيهم وقتهم للنقل والكتابة .. ولازم تكلمين الإدارة على هالشي علشان ينبهونها ..
|
المشاركة الأصلية كتبت بواسطة Ấ₣ṞĬ₡Ẩ
 شسمة
اي والله انج صاجه يمسحونه بسرعه انا بالثانويه انزين ومالحق واذا كتبت بسرعه ما يطلع مو مرتب والكشاكيل مهمه :/ |
انتي طالبة ثانوية يعني كبيرة تعرفين تتصرفين لاتقارنين روحج بطلبة الابتدائي 
وإذا شفتي نفسج كل مره مو قاعده تلحقين بالذات في المواد العلمية اللي يبيلها فهم حطيلج دفتر مسوده وكتبي فيه على السريع وبعدين لي صار عندج احتياط او بالبيت نقليه على الراحة وبخط حلو ومرتب
اول الايام كتب كل شي من السبورة وانا اتابع ولدي كل يوم شنو يكتب لكن يوم قالي الابلة مسحت السبورة وانا مامداني اكتب خفت ان يتكررهالشي وكان ودي اعرف من منو الخلل عشان جذي سالتكم لان ماودي ولدي يكون بدفتره شي ناقص