وقت الدوام قرب وقلبي يطق اكثر واكثر !!

السلام عليكم ورحمه الله وبركاته

بصراحه انااا ولا مره ما درست انا للحين بالكليه وراح ادرس رسم ابتدائي .. وان شاء الله كورس اللي ياي راح اكون ميداااني

!! وامبيه والله حيل خاايفه مادري شسوي ؟؟؟ مادري شلون بجاااابل البنات او احد يكون وااقف علي ويشووف شرحي

انتوا حاااسين بشعوري لمن اول مره اشرح جداام بناات ومدرسه اولى او موجهة او نااظره ؟؟؟

معني امووت على التدريس من وانا صغيره كله كنت العب اني انا مدرسه

بس مادري وانا نوعي لمن اتوتر او ادوده ما اعرف اتكلم عدل اقعد اقطع بالحجي فماادري شسوي ؟؟؟؟

الله يسترررررررررر كورس اللي ياااااااااي

عااااااااااااااادي جدا ليش كل هالخووف

أنتي الحين هيأتي نفسج أنج راح ترتبكين وتخربطين بالحجي

ترى شي سهل وراح تضحكين على نفسج بعدين

والناظره أو الموجهه اذا دخلو لا تطالعين فيهم وأنتي تشرحين وأنسي وجودهم وخليج طبيعيه

والله يوفقج

شوفي حبيبتي
ما في مثلي الي تموت من ضلها واااااااي امبي كنت استحي وافكر شلون راح أوقف واشرح وما اتخربط

وشلون راح أتحمل ان في ناس تراقبني وزيادة عليهم طالبات صدقيني كنت ميتة ميتة خووووف وكله اقول راح أفشل

بس من اول حصة وقفت فيها الصراحة ما خفت يتلي جرأه بدون سبب لا تحاتين صدقيني ما راح يصير شي راح يصيرلج ثقة

قوية وكل ما تخافين تذكريني لاني أنا أكبر خوافة من الوقوف جدام أحد وكاني الحين اوقف وجنه العيد وما أخاف

ما شاء الله عليكم

ان شاء الله يارب الله يقدرني ويبعد عني الخوووف والقلق لانه صج قااعده احااتي

مشكورين فديتكم على المرور وقوااكم الله يارب

أول ما تدشين الصف قولي هالدعاء عجيييييييييييييب بصراحة

((اللهم اشرح لي صدري ويسر لي أمري واحلل عقدة من لساني يفقه قولي ))

صدقيني إذا قلتي إنج بتاخفين راح تخافين

بالعكس خليج وااااااااااااثقة من نفسج قولي آنا قوية وأقدر أوقف أحسن وقفة بالصف وأقدر أعطي البنات أحسن حصة

برمجي نفسج على هالشي …زرعي الثقة بنفسج من ألحين

إنتي مو تقولين تحبين التدريس …خلاص عيل لا تحاتين الله بيوفقج إن شاء الله تعالى

وبتصيرين أحسن معلمة في العالم بإذن الله تعالى

وبعدين أي أحد يدش لج سواء ناظرة او موجهة …إنسي إنهم موجودين لا تطالعينهم كلش كلش عشان ما ترتبكين

موفقة يالغالية

وإن شاء الله ..الله يسهل عليج التدريس قولي آآآآآآآآآآآآآآآمين

هههههههههه

حبيبتي عادي الخوف بس انت تخيلي نفسج من أول يوم تدخلين فيه الصف إن عندج ضيوف زوار

وهم بعد سيطري على الصف من اول ماتدخلين لاتخلين البنات سمر دحه

أهم شي بيركزون عليه وفقتج وسيطرتج وإدارتج للصف هذا أهم أهم شي في أول أسبوع للزيارة

ونفذي التعليمات اللي يطلبونها منج اول بأول

وبالتوفيييييييق ياااارب

عاااااااااادي كلناااا كنا خايفين والحين مدرسات وخبره

وي كلنا مرينا بهالمرحله ترى الوضع بيكون حده طبيعي
بس نصيحه اول مادشين خلج قويه لاتخلين الطلبه يلاحظون ارتباكج بعدين احنا اول حصه الموجهه مادشت علينا فيها

جزاها الله خير ابلة كويتية قالت الدعاء اللي كنت بقوله
وهمن قولي (( وجعلنا من بين ايدهم سدا ومن خلفهم سدا فاغشيناهم فهم لا يبصرون )) لما تحسين ان رئيسة القسم بتدخل او المشرفة او الموجهه او الناظرة سبحان الله هالاية تعمي عينهم عن الاخطاء دايما كنت اقولها بعد لدعاء اللي كتبته ابلة كويتية ودايما خلج واثقة من نفسج والتحضير المسبق الكامل من كل شي يخليج ريلاكس وهادية

الله يوفقج يارب وحياج الله بينا يا مدرستنا الحلوة

مس بي أم ..

أول شي أحب اقولج موفقه حبيبتي ..

بس حبيت اقولج ان اول اسبوعين مجرد مشاهده ..
وثالث اسبوع يعطونج جدولج وتبدين شرح ..
وتصدقين استمتع بالحصص اللي يدخلولي فيها الموجهه ورئيسة القسم هههههههآآي
لأن احس تعبي يبيّن ..

آنا تعيين جديد وصارلي سنه أبلة ..

تصدقين أحلى أيامي أيام الميداني ..

وأذكر اول شي قالته لي الموجهه :
من دخلتي للصف دخلتي واثقه ووقفتج حلوه وثقتج بنفسج عاليه ..

شوفي للحين أذكره ..
ما أنكر اني كنت خايفه ..
ولكن نهائيا مابيّنت هالشي ..
وبيني وبينج إكشخي ترى البنات يحبون الألوان هههههآآآي وتجذبهم الأبله اللي تلبس وصغيره ..
حاولي تحببينهم فيج .. لأن هالشي يخليهم يسمعون كلامج اذا حبوج ..
وخليج كول معاهم مو كل شي تزفين او تعاقبين عليه ..

أول اسبوعين يركزون على ضبط الصف وادارتج للصف ..

نصيحه هامه :
دايما فكري انج اذا كنتي خايفه شكلج بيصير مسخره ومو حلو كلش
اما لما تصيرين ثقه بالعكس شكلج بيكون عادي ..

ونبي أخبارج اول اسبوع شرح يمر عليج

انا نفس حالتج .. وكنت الكورس اللي طاف ميداني .. وانتي ابتدائي يعني صغار !!
أول اسبوع (اللي هو ثالث اسبوع بعد اسبوعين مشاهدة) محد راح يدش عليج حصتج .. يعني انتي وطالبتج بروحكم .. ومن توقفين جدامهم سبحان الله خلاص القلق والخوف يرووح .. وبعد الاسبوع تدخل عندج رئيسة القسم .. بتكونين خايفه شوي بس اذا كنتي محضره درسج عدل وواثقة من نفسج وعارفه خطواتج وخلج وااثقه أهم شي .. وبيصير الوضع سهالات باذن الله .. والموجهة لما تدش ماراح تعلق عليج واجد لأنها عارفه انج أول مره بحياتج تشرحين .. ومثل ماقالت اختي بيور لاا تطالعين بعيوونهم ..

والله يوفقج

موفقه ياقلبي

وهالشعور كلنا مرينا فيه

لكن لاتخلينه يسيطر عليج

بلسم ..

مو شرط اول اسبوع شرح مايدخلون لها ..

آنا اول يوم شرح دخلتلي رئيسة القسم ..
وثاني يوم شرح دخلتلي رئيسة القسم والموجهه .. خخخخخخخخ

وحاليا موجهي رجال ..

وعادي الوضع زي الفل ..

بنصحج نصيحه اول حصه تدشين لها طبعا تكون توجيهيه يعني تعطين تعليماتج وشنو تبين من الطالبات اخذي واعطي معاهم شوي لما ترتاحين على جو الصف واول حصه تدريس شوي راح ترتبكين لان احتمال ترتيب الافكار غلط او فكرا قبل الثانيه حطي نوته صغيره لج على كل صفحه من صفحه الدرس فيها رؤووس اقلام عن الشرح والكلام اللي تقولينه واذا توهقتي اوقفي وابتسمي وقولي لهم عندكم راي او اعتراض >>> يعني ترقيعه بس وايد بنات راح يستانسون اذا سمعتس قصص متعلقه بموضوعج او رايهم وتغيرين افكارهم وبعد حصه حصتين خلاص اتعودين يصير عادي وخلي صفج ووسايلج فيها افكار وشوي ضحك معاهم عشان تزيحين الخوف والتوتر اللي بينج وبينهم خاصه اول جم يووم
وربي يوفقج ياحبوبه وسهالات ترا بس اول اسبوعين وبعدين الامور تمشي عادي لاتحاتين شي

يحلييييييلج خايفه هههههههههههههههههههااااااااااااااااااااااااي هذا وانتي رسم الله يخليج عيل باجي المواد شنو يقولون