|
|
السلام عليكم و مبارك عليكم
بنات تكفوون توهم داقين عبي التربية و مقابلتي الاربعا بمبنى 6 وزارة التربية قسم الاجتماعيات
طبعا انا خريجة علوم اجتماعية تخصص جغرافيا و ابي اصير مدرسه
المشكله انهم قالولي عندج مقابلة بقسم الاجتماعيات شفوي و تحريري….؟؟؟
معقولة بنات في تحريري؟؟؟ انا كنت بتأكد و بستفسر منهم بس للاسف انقطع الخط و لما رديت دقيت على نفس الرقم محد يرد
انا الي اعرفه انها بس مقابلة شخصية و اسئلة عادية و اول مره اسمع انه في تحريري
بنات تكفوون الي عندها فكره تجابوني و لها منى دعوة حلوة
وكان معاي بنات خريجات الجامعه المفتوحه
هم نفس الشي بس شفوي مافي تحريري
تطمني
الخوات قالولج لأ لانهم مو خريجين علوم إجتماعية
انا مثلج خريجة جغرافيا علوم إحتماعية احنة الوحيدين اللي يسوون لنه إختبار
وطبعا الأسئلة معلومات عامة عن الجغرافيا مثلا حسب ما أتذكر : ظاهرة تطلق عليها توسط القمر بين الأرض والشمس (……..)
علل : أسباب ظاهرة التصحر ، عرف : اللافا ، علل : حدوث العواصف الترابية ؟
وهكذا …. وبعدها يسوون لج مقابلة/
بس هم تطمني اهما يطرون المعلمين طرارة الله يخليج منو اللي يقط روحه بالتدريس قلو المعلمات الكويتيات واهمه الحين بعازه
وانا كنت يسوولي مقابلة قاعدة أتشرط لا ماابي ابتدائي لا ماأبي ثانوي وصج حطوني متوسط بس علشان أرضى وما أطلع من التربية هههههههههههههه والله مو قاعده أبالغ الله يوفقج لا تخافين حتى لو اختبرتي هذي كلها شكليات ومالهم شغل بالنتيجة
good luck يعني احنا لانه تربيه تخصصصنا تربوي بس مقابله اما الي اداب تاريخ وعلوم اجتماعيه في تحريري
بس انشاءالله خير تطمني
|
المشاركة الأصلية كتبت بواسطة ليلى رمضان
 إيه نعم فيه امتحان تحريري وراها مقابلة شخصية
الخوات قالولج لأ لانهم مو خريجين علوم إجتماعية انا مثلج خريجة جغرافيا علوم إحتماعية احنة الوحيدين اللي يسوون لنه إختبار وطبعا الأسئلة معلومات عامة عن الجغرافيا مثلا حسب ما أتذكر : ظاهرة تطلق عليها توسط القمر بين الأرض والشمس (……..) علل : أسباب ظاهرة التصحر ، عرف : اللافا ، علل : حدوث العواصف الترابية ؟ وهكذا …. وبعدها يسوون لج مقابلة/ بس هم تطمني اهما يطرون المعلمين طرارة الله يخليج منو اللي يقط روحه بالتدريس قلو المعلمات الكويتيات واهمه الحين بعازه وانا كنت يسوولي مقابلة قاعدة أتشرط لا ماابي ابتدائي لا ماأبي ثانوي وصج حطوني متوسط بس علشان أرضى وما أطلع من التربية هههههههههههههه والله مو قاعده أبالغ الله يوفقج لا تخافين حتى لو اختبرتي هذي كلها شكليات ومالهم شغل بالنتيجة good luck |
مشكوووره ما قصرتي الله يطمنج بالخير و يفتحها عليج يارب صج ما قصرتي
|
المشاركة الأصلية كتبت بواسطة ريانا
اي اختي في امتحان تحريري ومقابله لغير خريجي التربيه
يعني احنا لانه تربيه تخصصصنا تربوي بس مقابله اما الي اداب تاريخ وعلوم اجتماعيه في تحريري بس انشاءالله خير تطمني |
يعطيج العافيه و ماقصرتوا الله يجعله في ميزان حسناتكم
الله يفتحها عليكم و يوفقكم يارب
وتخصصي علم اجتماع – العلوم الاجتماعية
يمكن حسب مزاج اللي يقابلونج!
يمكن هالشي يديد او قانون يديد و الله اعلم
الله يسهل علي و يوفقني و انج يارب
امتحنوني تحريري .. وبعدين المقابله
بس ما اظن ياخذون بنتايج لنه صلحوه بنفس الوقت واغلبنه يايبين درجات ناااااااااازله وااايد
الله يوفقج
للعلم انا تخصصى تربية بس كل شى تغير الحين
والواسطة ما نفعت معاى لازم تدرسين وتشدين حيلج
موفقة يارب