مشكلتي مع التدريس الكل احتار معاي وانا نفسي احترت بامري

السلام عليكم …

الصراحه مشكلتي مع التدريس مشكله ..
ماني عارفه شسوي .. مره اقوول بقعد امووت على شغلي
ومره اقول لا خلاص تعبت وما اقدر ..

اول شي صارلي سنتين وهاذي الثالثه بس ماخذه اجازه خاصه من غير راتب ..
مدرسة اجتماعيات

شوفوا انا من عمر اقولهم ما اشتغل غييير التدريس
وفعلا والحمدالله على كل حال صرت مدرسه
بــــــــــــــس ابي اغير شغلتي ..

شوفي اموووووووووت على كل شي ..
من احتياط من تصحيح امتحانات من التدريس نفسه اصلا
احب طالباتي .. احب جو المدرسه الي معاي بالقسم
طبعا ما يخلو من بعض المشاكل او المضايقات بس عااااااادي
والله اصلا مرات اروح حق الوكيله اقولها ابي شغل

بـــــــــــــس
شنو الي ما احبه …

1- مستحيل ادش الحصه من غير وسايل تعليميه مستحيييييييييييييييل
وطبعا كل وسايل من النت من ادش البيت ابدي الشغل من وسايل ومن اوراق ومن امتحانات
لييين انام
ما اقدر اتحمل الشغل الي بالبيت وخاصه الحين عندي بنوته الله يخليها الخدامه ما تجيييييييييييسها نهائي ..
ما اقدر <<<<<< هذه السبب الرئيسي الي بخليني اغير شغلي

2- انا مرحله متوسطه وبنات كبار وقاهمه
ودش عليج الناظره ولا الموجهه .. وشوفي الحجي جدام الطالبات
ولا تقوم تسالج سؤال جدام الطالبات بالله ما عرفتي ..
ما احب هالاسلوب ..

وبس .. والحين انا اجازه خاصه ..
بـــــــــــــــــــس ميته حديييييييي ولهانه على المدرسه وجو المدرسه ..

اقول خلاص بحول ابتدائي على الاقل المشكله الثانيه تنحل ..

على فكره : انا شاااااطره بالتدريس الحمدالله .
مو مثاليه لا بس طالباتي يحبوني عارفه افهمهم ..
الناظره تمدح فيني لما ادش والموجهه بعد ..
والسنه الي طاف ماخذه جيد جدا .. لو مو غيابي جان امتياز ..

اعترف اغيب واااايد
مشكلتي الاوليه بيتي واهلي
بعديييييين الدوام ..

واذا بتكلم عن سبب غيابي راح ياخذ موضوع بروحه
ف مو لازم

شراااايكم ..

اغير شغلي ..
احول ابتدائي
اظل متوسط ..

محتاااااااااااره ..
واي نسيت اقولكم .. اني ما احب الابتدائي ما احب هالمرحله ..
احب الثانوي والمتوسط .. احب اتعامل مع ناس تفهم
مو يهال عرفتوا ..

كل وحده تقول رايها .. ويعطيكم العافيه

أمبيه من صجج ابتدائي لا يحوشك انا ابتدائي ارا كراف الابتدائي مضاعف من ناحية الوسائل والشغل صج المناهج سهله بس حده تعب هذا غير ظبطهم واذا حطوج اصبيان وما ادراك مالصبيان بحوشج امراض من حيث لا تحتسبين وصدقيني مشكلتج اهي مشكلة كل المرسات احنا تعبنا مو بالتدريس تعبنا لمن نرجع البيت ونحضر ونزهب بالوسايل بس حبيبتي انا بعطيج اقتراحات اتخفف من هالزمه
بالعطله زهبيلج وسايل شوفي مناهج الاجتماعيات شنو تحتاج وزهبيهم بالعطله وخزنيهم عندج وسويلج بطايق اما تغلفينهم او اتجلدينهم عشان تكتبين وتمسحين عليهم وسلامتج وتعيشين

اختي ترى محد مرتاح
لاتتوقعين انج اذا رحتي مرحله ثانيه انج بترتاحين
او لو غيرتي و ظيفتج
الكل مو مرتاح
الله يعن الجميع

بصي محدش فعلا مرتاح بس المهم الحب حبي اي حاجة انتي فيها ادي نفسك احساس بانك تقدري تتحملي اكتر انا ام لاربع اولاد صغار ومغتربة ومفيش خادمة حتى تقوم بشغل البيت بغض النظر عن شغل الاولاد خصوصا منهم في المدرسة ومنهم صغير ومدرسة كمان بس الحمدلله طالما الانسان بيدي نفسه احساس بان الدنيا حلوة وانه يقدر على اكتر بيتحمل والله وكله بيكون سهل وربنا معاكي

مشكووورين حبايبي ..

بس هم العطله من حقنا ما يصير هم بالعطله شغل وكرف ..
واكيييد ما في احد مرتاح
بس انا قاعده اقول حق اهلي
عادي اروح شغل مو مرتاحه فيه بس لما ارد البيت ما عندي شي
اجابل بيتي .. مو قعدي بعد شغل

والله انا اقوول اقضب مينونك لا اييك اين منه

استمري على شغلج دامج حابة اشياء وايد فيه واذا ع الوسائل والشغل ترا هذا اجر ان شااء الله عند ربج

وهذا مايمنع انج تهتمين في بيتج وبنتج الله يحفظها

بس نصيحة لاتغيرين لا الشغل ولا المرحلة

والله مادري شقووول لج انا بروحي ودي انحااااااااااااش م التدريس

وبعدين حبوووبه انتى توووج حتى 5 سنوااات ما صاارلج وبعدين مدرسات الاجتماعيات نصابهم زين يعنى مو مثل العربي والانجليزي

ولا تفكرين بالابتدائي لاااااااااااااااااااااااااااااااااا عذاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااب

نصيحى وحدة مجربة لا تروحين مكان ثاني المتوسط افضل من الثانوي ومن الابتدائي
والوسايل اخس بالابتدائي وبالثانوي البنات فاهمة اكثر مو من مصلحتج
المهم بيتج وعيالج ان بغيتي تجابلينهم بتجابلينهم ووسايلج خليها تصح لكل درس
والتحضير حضري لاسبوع جدام مرة
واشتغي بالمدرسة بالوقت الضايع
استغلي كل دقيقة او ظلي لبعد الدوام او تعالي مبجر عشان ما تشيلين شغل معاج برة المدرسة
بالتوفيق
واللي يحب التدريس ماراح يتقبل اي مكان غيرة

وعليكمـ السلآآمـ ..

طيب عزيزتي.. ليش ماتعطين كل شي حقه بيتج شغلج نفسج صحتج وناستج..

يعني انا اشوفج معطيه شغلج اكبر من حجمه وكل وقتج .. والحيييين ببتعطين بيتج اغلب وقتج لييه .. !!

خليج وسط ..يعني قسمي وقتج .. شغل المدرسه اذا اضطريت اخذه معاي البيت ماعطيه اكثر من ساعتين ..

ودام صارلج 3 سنين مشتغله .. خـلــي شغلج لاتقطينه ..! يعني مسويه وسائل و تقويم عن هالدرس اخليه للسنه اللي بعدهـآ..
والبناااات اكيد ماراح يكونون نفسهم .. ,,

وصدقيني الوسائل والشغل الزايد مو مهمه للطالبه كثر نفسيه المدرسه .. تآثر عليهـآآ ,, يعني ..اذكر ايام المدرسه ..
لما تجي مدرسه الاولى او موجهه المدرسه تسوي تقويم وتشتط وهدايا ودنيـآآ .. اذا كانت المدرسه نحبهـآ لو تقويمها حده بسيط ومافيه فكره نستانس وتعالي شوفي طايرين فيهـآ .. ولما تكون مدرسه نفسيه معاانا وعصبيه وغصب تسوي روحها حبوبه جدام الموجهه لو تسوي افكار وهدايا مانتقبله ..

اكثرى الاستغفار وصلى الاستخارة وما
خاب من استخار الله وشاور المخلوقين

الله يعينج حبيبتي @@ خرعتيني انا بعد بإذن الله راح اصير مدرسة اجتماعيات السنه اليايه
وحاطه ابالي متوسط لاني مابي ابتدائي يهال ماتفهمين خطهم ودوخه احسهم مايفهمون بسرعه وأذيه
والثانوي مابي اصير ابلة تاريخ لامنهج دسم وحلاه تكونين حافظته حفظ صم
فأنا برايي لاتغيرين احسن لج لان بكلا الحالتين هم في شغل
يعني اتوقع الابتدائي لازم تسوين وسايل اكثر عشان اليهال يحبون الحصه ويفهمونها ..

والله يوفقج حبيبتي بحياتج وين مارحتي ويسهل عليج ..

نصيحه انحاشي عن الابتدائي تعب نفسي وجسدي اكثر من المتوسط وخصوصا انتي اجتماعيات يعني راح تدرسين منهجين وطنيه واجتماعيات ,

وااااي خرعتوني من الابتدائي انا اصلا ما احب هالمرحله

خواطر خفوقي : هاذي النشكله شلووون الواحد ينظم وقته مو قادره انطم الوقت
والوسايل ما اقطهم بس سادس غيروا المنهج ورااحت وسايلي
وبعض الوسايل اغلبهم راحت اممم بطريقه ثانيه عليهم بالعافيه
والحمدالله انا نفسيتي مع الطالبات تووب وهم ما اقصر بالوسايل
مخي قام يعورني من كثر ما افكر

كل وحده عطتني رايها شكرا شكرا
كللكم متفقين ان الابتدائي مو خووووش مرحله

صلي استخاره

والله انا اشوووف ابلات الاجتماعيات عندنا مرتااحات ونصابهم خفيف

ومنهجهم سخيف ماكوو شي

والإبتدائي شحلاتهم احلى من المتوسط والثانوي