|
|
السلام عليكم
شلونكم بنات
بنات انا توني متخرجة من التربية جامعة الكويت تخصص علم نفس
انا متخرجة هالكورس وراح اتوظف ان شاءالله على الكورس الثاني مثل ماقالو لي
بسالكم عن التعيين هل راح يعينوني بثانوية عشان تخصصي؟ ولا متوسط؟
واذا ماعجبني الوضع في التدريس شلون على الاستقالة؟ سهالات ولا معقدة السالفه؟
الله يوفق اللي تجاوبني وينولها اللي فبالها
روحي مراقبة منطقتكم سالي وين النقص اكثر بيعلمونج
واذا انت حابة شي معين
شغلي واسطتج وصممي على المرحلة اللي تبينها واذا عليهم بيحطونج بالمكان اللي فية شاغر
والله يوفقج
ولا تحاتين التدريس وربي سهالات اتكلي على الله بس يكفى انها مهنة سيد الخلق محمد عليه افضل الصلاة والسلام واحتسبي الاجر من رب العالمين
موفقه حبيبتي
ويوم خلصت اوةراقي قالولي كيفج تبين متوسط وجي اورقج حق مراقب المتوسط واذا تبين ثانوي ودي اوراقج مراقب الثانوي يعني خيروني
عاد مادري عن تخصصج؟؟
اذا خيروج شوفي شنو الاحسن المتوسط ولا الثانوي.شوفي بكل النواحي.. كماده علميه وكتعامل مع الطلبه وقرري
واذا على الاستقاله سهله.. في استقاله فوريه تتم بشكل سريع
بس ترا حرام تستقيلين خاصه اذا انتي خريجه تربيه الديوان سيدا يقطج وزارة التربيه ومايقبلج مكان ثاني اذا قدمتي استقاله لازم تكونين ضامنه وظيفه في القطاع الخاص
واذا رحتي القطاع الخاص وماعجبتج الوظيفه ويتي بتردين التدريس راح تتمرمرين لان مو سهله يردونج بعد استقاله راح يأخرونج وايد ويقطونج بكيفهم اي مكان عقب ما يزرعونج تنطرين ونطرين وتنطرين
وتخصصي اداب عربي يعني مو تربية
وابي اصير مدرسة تهقون اتوظف على الكورس الثاني؟ ولا راح يطولون الاجراءات لاني اداب مو تربية؟
بليز بنات ردوا علي
بس من قال ان بس يقطوني التربية
جنه اقدر اختار بين الوزارات واحط رغباتي
مو بس التربية
الله يجزاكم خير خواتي
اسأل مجرب
وحتى اذا اشتغلتي بالتربيه وتبين تقدمين ندب حق وزارة ثانيه لازم تكونين مشتغله 5 سنين بالتربيه علشان يقبلون ندبج << قانون يديد
حبيبتي مابي احبطج بس مالج الا التربيه دامج خريجه كلية التربيه
الا بحالة وحده..يا قطاع خاص يا فيتامين واو 
بس اذا عالديوان سيدا يقطج التربيه انا قالولي بعظمة لسانهم
وموفقه
معني مانصح بالتدريس وعوار الراس بس استخيري اول
واذا بتصيرين مدرسة سجلي بالديوان وحطي رغبتج وزارة التربيه واذا طلعت الاسامي تروحين الوزاره وتشوفين متى المقابله عاد ش وفي متى تطلع النتايج في ناس طولو وفي ناس بسرعه طلعت نتايجهم.. على حسب التخصص والمزاج وكل شي وعلى الفكره الحظ يلعب دور لوووول
بس اتوقع انتي راح يقطونج عربي ثانوي لان في نقص عاااااااااااااااااد الله يعينج
على فكره مو انتي تحددين اي مرحله تبين اللي يسوون مقابلتج يحددون وين يقطونج والغالبيه العظمى ثانوي علشان يسدون النقص
وموفقه
البنات ووفوا وكفوا .. ومالك إلا التربية والله يعينك على المنطقه التعليمية ولويتها ..
أهلاً وسهلاً بك في عالم التدريس
كويتية حلوه شهالقانون الجديد؟ وتقولين متاكده منه
الله يعين بس
يعني مالي الا التربية
الله كريم
وجزاكم الله خير خواتي
مع فيتامين واو يصير ولا بالمره ماكو امل ؟