|
|
حبيباتي وخواتي والله كل ماحتار بشي قمت ادش المنتدى واسالكم لانه ادري ماشالله ماتقصرون بالي تعرفونه
حبيباتي بسالكم عن النقل خبركم ابله مستجده ومالها خبره بهالسوالف :d
سؤالي:
1-بالنسبه للنقل الخارجي نقدر نختار المدرسة والا اهم يوزعونا على كيفهم ؟
2-الحين بيفتح النقل شهر واحد لما نقدم متى يتنفذ الكورس الثاني والا السنه اليديدة؟
3- اذا نبي مدرسة معينه ونبي ندخل واسطه منو نكلم المنطقة والا الوزارة؟
يعطيكم العافيه
بصراحه انا مو خبره وايد بهالسوالف ..
بس بـ أقولج اللي أعرفه ..
وان شاء الله بنات الاكثر خبره يفيدونج أكثر ..
1-بالنسبه للنقل الخارجي نقدر نختار المدرسة والا اهم يوزعونا على كيفهم ؟
لا حياتي .. بس تختارين المنطقة التعليمية .. وهم يوزعونج بكيفهم .. بس غالبا يتنفذ النقل الخارجي ..
2-الحين بيفتح النقل شهر واحد لما نقدم متى يتنفذ الكورس الثاني والا السنه اليديدة؟
على السنه الجديده ان شاء الله ..
3- اذا نبي مدرسة معينه ونبي ندخل واسطه منو نكلم المنطقة والا الوزارة؟
المنطقة أتوقع ..
والبنات ان شاء الله يفيدونج ..
ودائما اذا عندج واسطه قويه يمشي شغلج …
موفقه حياتي
| 1-بالنسبه للنقل الخارجي نقدر نختار المدرسة والا اهم يوزعونا على كيفهم ؟ |
انتي تختارين واذا ما رحتي واخترتي اهما يحطونج على كيفهم
شوفي حبوبه بقولج الطريقه
اذا طلعت نتيجة النقل الخارجي تروحيييين ركض
المنطقة التعليمية اليديده اللي انقلونج لها تروحين سكرتيرة مراقب الابتدائي اذا كنتي ابتدائي
واذا تدرسين روضة تروحين سكرتيرة مراقب الروضه.. وهكذا <<<حلوه وهكذا 
تختارين 3 مدارس بس بقولج الطريقه علشان تظمنين النقل
سألي السكرتيرة قبل لا تختارين شنهي المدارس اللي عندهم نقص ابلات بتخصصخ؟
بعدين اختاري المدرسه عرفتي
وروحي مبجر قبل لا تخلص المدارس وتصقين على المدارس الموزينه
وتظل الفضله فهمتي علي
| 2-الحين بيفتح النقل شهر واحد لما نقدم متى يتنفذ الكورس الثاني والا السنه اليديدة؟ |
السنه اليديده شهر 9
| 3- اذا نبي مدرسة معينه ونبي ندخل واسطه منو نكلم المنطقة والا الوزارة؟ |
المنطقه التعليمية
1- التوجيه
2- مدير الشؤون التعليمية
3- المراقب
هذول الثلاثه اهما اللي يوقعون على ورقة النقل 
اذا واحد من الثلاث اطراف وقع بالاحمر يعني موراضين والباجي راح يوقعون بالرفض
بالازرق يعني عادي على حسب اللوائح اذا مشت عادي واذا مامشت عادي
بالاسود ديروبالكم دققو قبل توقعون
بالاخضر هذي بنتنا وافقو ومشوها حتى لو فوق القانون واللوائح
ادعولي يارب يحطوني بمدرسة زينه والله اني مابي الا انه الناظرة يكون يبين بعينها لاني اشتغل مومن نوع الربادي وموبس شغلي الا الاقسام كلهم اساعدهم وناظرتي الحين مايبين بعينها كلش
الله كريم
|
المشاركة الأصلية كتبت بواسطة (كويتيه عسل)
 انتي تختارين واذا ما رحتي واخترتي اهما يحطونج على كيفهم شوفي حبوبه بقولج الطريقه اذا طلعت نتيجة النقل الخارجي تروحيييين ركض المنطقة التعليمية اليديده اللي انقلونج لها تروحين سكرتيرة مراقب الابتدائي اذا كنتي ابتدائي واذا تدرسين روضة تروحين سكرتيرة مراقب الروضه.. وهكذا <<<حلوه وهكذا تختارين 3 مدارس بس بقولج الطريقه علشان تظمنين النقل سألي السكرتيرة قبل لا تختارين شنهي المدارس اللي عندهم نقص ابلات بتخصصخ؟ بعدين اختاري المدرسه عرفتي وروحي مبجر قبل لا تخلص المدارس وتصقين على المدارس الموزينه وتظل الفضله فهمتي علي السنه اليديده شهر 9 المنطقه التعليمية 1- التوجيه 2- مدير الشؤون التعليمية 3- المراقب هذول الثلاثه اهما اللي يوقعون على ورقة النقل اذا واحد من الثلاث اطراف وقع بالاحمر يعني موراضين والباجي راح يوقعون بالرفض بالازرق يعني عادي على حسب اللوائح اذا مشت عادي واذا مامشت عادي بالاسود ديروبالكم دققو قبل توقعون بالاخضر هذي بنتنا وافقو ومشوها حتى لو فوق القانون واللوائح
|
كفيتي ووفيتي هذا إللي كنت بقوله
موفقة يارب والله يكتب لج المدرسة الزينة