شسوي بعمري وياالامهات اللي يسولفون بالدفتر ولا تقولي الام عندنا عرس السعوديه ههههه:))

في امهات يكتبون هالملاحظات في بالقلم الرصاص في دفاتر عيالهم

انا عندي عادي يكسرون خاطري الامهات

اقول فقيره يمكن الام موظفه ويمكن الطلعه عليها بالحسره

مسكينه تتعنا الام علشان تقولي بنتي ماتعرف تحل السؤال

بس المشكله الحين بالامهات اللي يسولف ومسوين دفاتر بناتهم chating

لو الناظره ولا الموجهه زارتني وشافو سوالف الامهات بالدفتر شسوي بعمري

وهالايام الناظره قاعده تطب على الابلات بالحصص انا حاسه ان قريب بتزورني

ابي اعرف بس انا اللي يسولفون معاي الامهات ولا انتو بعد شلون تتصرفون معاهم وماتخلونهم يسولفون

شوفي بعض النماذج شنو كاتبين لي :

في ام كاتبلي بنتي تستحي تكلمج لوسمحتي ابله شرحي لبنتي هذا التمرين (الطالبه بسادس)

انا قضبت الطالبه وكلمتها وقتلها انتي الحين كبرتي ولا تستحين ولا تخافين وانا ماراح اتضايق اذا سألتيني … ومن هالحجي

اليوم الثاني الام كاتبتلي شكرا ً

انا حاطه علامه استفهام في دقتر بنتها ليش البنيه ماحلت التمرين

ولا بعد جم يوم الام كاتبتلي سالفه طويله سامحينا ماحلت بنتي السؤال لان لهيت ويا ولدي الكبير طاح علينا

وتعبان ووديناه المستشفى واشتبهو فيه انفلونزة الخنازير <<<<كسرت خاطري طوفت وسامحت الطالبه

مبين ان عيالها معتمدين على الام في كل شي حتى بنتها صارت موهذك الزود تشارك مثل اول

بعد جم يوم الام كاتبتلي اليوم قضبت بنتي وحلينا كل الاسئله اشووووووه طلع ولدي سليم مافيه انفلونزة الخنازير

انا رديت عليها والله ماكنت ابي ارد بس عورت قلبي وشكلها مستانسه

والام قاعده مع بنتها ومجابتلها علشان تحل كل التمارين وكمل الدفتر فشله احقر

وكتبتلها بالرصاص الحمد الله خطاكم السو والحمد الله على السلامه وماتشوفون شر

الام الثانيه

وام ثانيه محتره من بنت حماتها كاتبتلي بالرصاص وتتشره علي انتي حاطه للطالبه الفلانيه (بنت عمتها )

3نجوم وبنتي نجمه وحده معنى بنتي اشطر منها

وكلا تدرس وبنت عمتها كلا تطلع وحاطه مدرس <<<<فضحتها لوووووووول

الام الثالثه:

شوفو سالفة الام الثالثه كاتبتلي : يا ابله احنا بسافر هذا الاسبوع لان عندنا عرس بالسعوديه الفال لج

ياريت ماتعطونهم امتحانات هذا الاسبوع <<<< جنه هالشي بايدي لوووول

لووووووووووووووول الله يعينج انا اقوولج شتسوين .. طلبي نوتس صغير من كل طالبه وكتبي عليه ملاحظات اولياء الامور ووفهمي البنات انه اي شي امهاتكم يبون يقولونه لي لاا يكتبون على الدفتر خل يكتبون بهالنوتس وبس

يحليلهم مؤدبين مو مثل ولي امر قطيعه مصدق نفسه كل ما يا المدرسه قال انا سكرتير الوزيره …. اخاف صج بس
مره راح الاداره واشتكى على اني مقطعه اوراق الواجب مال دفتر بنته (( وهالشي ما صار طبعا )) والاداره مالت عليها قالت له خلاص خلها علينا احنا نتفاهم معاها وكبروها براسه ورفيجتكم ماتدري شالطبخه…. عقبها بجم يوم شافتني الناظره وسبحان الله ذكرت السالفه وقالتلي واكدت لها انه هالشي ماصار !!!! واساسا البنت مستواها يدوب اتفاجاء بعدها بيوم كاتب على دفتر البنت الاتي:
اول شي هذي وزاره التربيه وحاط تحتها جم خط يعني انتبهي قبل لا تكون التعليم وانتي دورج (مربيه ) لاحظو النغزات
طبعا انا فور دمي من الاداره ومن ولي الامر اخذت كتاب البنت ودخلت على الناظره وقلت لها اقري!!! شرايج بالمستوى؟؟
طبعا اهي انصدمت خذيت الكتاب منها وقلت لها الحين تدقين عليه ولا اروحله بالوزاره قال سكرتير الوزيره قال
حبيبتي مو انا اللي اربي عياله اليهال يدشون المدرسه عمرهم 6 سنين يعني متربين وخالصين احنا نوجهه بالصح والغلط مانربي والظاهر اهو اللي يبيله تربيه
واذا على سالفه قطعت الورق نادي البنت ونادوها طلعت مسكينه من خوفها من ابوها شقت الورقه اللي فيها اسئله مو محلوله عشان كاتبه لها اين الحل؟
هههههههههههههه انا خرعت الناظره وقلت لها الحين زوجي يروج المنطقه ويشتكي عليكم كلكم وتردولي اعتباري شنو يعني ماني متربيه؟؟
طبعا الناظره تقدر تطنش بس مدام في شي مكتوب واثبات بايدي خافت وقامت دقت عليه اهو حسباله بتتاسف لما قالت له الموضوع وضروري اتيي بقدره قادر طلع مشغول واهو قبل كل ساعه مرتز وملعوز المدراس حتى مسكينه مرته كانت قبل اتيي الحين كللش ماكو خبر
واااااااااااااي ياكثر قرقتي
بس صراحه في اولياء امور انا المدرسه قلبي يتعلق فيهم ((( امهات اقصد لا يروح مخكم بعيد هههههههه)) وللحين في تواصل بينهم

iهههههههههههههههههههه يحليل الامهات يضحكون

عمري ماكتبت بسنه اولى بنتي بس بورقه سألت عن شغله وطاف ماردت علي الأبله

هههههههههههه
اذكر قبل لما ابي شي يكتبون لي اهلي بورقه خارجيه كنت استحي اكلم الابلات

ههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههه
ياحليلكم مت مت ضحك
ياحلو كلامج يااكويته صج اسم على مسمى عسل
مت من تعليقاتج تونس والله
هههههههههههههههههههههههههههه
معقوله في امهات جذي غريبه صج صج غريبه
انا طبعا مالي دخل بالقسم هذا بس لفتني العنوان ومت ضحك
وماااقول غير الله يعينكم
انا خواتى لابغو شي رااحو للابلات بنفسهم
واتفاهمو منهم
بس ينكتب بالدفتر !!! وين قااعدين
بس تدرين خوش فكره بكره اذا تم نصيب وجبت وراعين ابي اكتب وشوي اغثج هههههههههه

ولا فرحة عمر يااحليلكم يامدرسات صج التدريس مثل ماقالو مغثه
هههههههههههههههه
بس الله معاكم وبالنهايه هذا واجب كم

لا الاحلى انا عندى عرس هاذي نكته وربي
ههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههههههههه
يااحلوج يااكويتيه

تكفين اذا عندج مثل العاهات ياليت اتخبرينا عشان اشوى نكته ونتونس

يحليلها تصدقين جني بسوي جذي مع مدرسات ولدي عالين قلبي

بس تدرين فكره حلوه يستحدثون دفتر يديد يسمونه دفتر شات بين المعلم وولي الامر ، و جمعيهم اخر السنه من البنات و الفي كتاب انا و اولياء الامور

يا حليلهم من امهات
طنشي ولا تردين عليهم واشطبي على الكلام اذا انقلب سوالف
ترى ماراح يخلصون

هههههههههههههههههههههههههههههههه

حلوه الفاال لج

صاجه والله انا وحده كانت دازتلي رسالة مع ولدها
تشرحلي وضعها انها مسويه عملية وماقدرت اتابع ولدها وليش انا حاطتله استفهام !

والله خنوش فكرة بسويها مع مدرسات بنتى

ايه والله خوووووووش فكره بقولها لطالباتي باجر

مشكوره حبيبتي ماقصرتي

حبيتي والله ماتستاهلين بس زين تسوين

ولا يكون ولي الامر اللي يشتغل سكرتير الوزيرة اصلع وابيضاني

وبطرشلج اسمه عالخاص