ابلات العربي وخاصة الي يدرسون ثاني ابتدائي بقيتكم بشغله

قوووه بنااات

عساااكم عالقوه

انا ولدي بثانيه ابتدائي وابله العربي معطيته ورقه فيها اسئله عن الدرس الاول الي اهو اللغه العربيه

وهذولي الاسئله انا مابي الحلوول بس ابي المساعده فيهم وانا احلهم يعني طريقة الحل

1- مهارة الدرس

2- النظائر الابله تبي 3 نظائر من الدرس بس انا ناسيه شنو يعني نظائر

3- كلمات الدرس يعني شنو اكتب اي كلمات اشوفها بالدرس

4- الجمله العلاجيه . هذي مافهمتها شنو المطلوب بالضبط

وجزاااكم الله خير

رفع

ودي اساعدك بس ما فهمت شي
شكلها الورقة عن تسطير الدفتر مو اسئلة تجاوبينها
يعني تسطير الدفتر يكون كا التالي
التاريخ ………………………………………….. ………
العنوان ………………………………………….. ……………
الجملة العلاجية ………………………………………….. ………..
النظائر : …………………………… …………………………………… ………………………………..
كلمة الدرس : ………………………………………….. ………………………………………….. …
………………………………………….. …………………………………
………………………………………….. ……………………………….
مهارة الدرس : ………………………………..
………………………………………….. ……..
………………………………………….. ………

والجملة العلاجية يعني مراجعه ما تم دراسته في الصف الاول الابلة تشرحها في الحصة
والنضائر هي الامثلة على اللي بتعالج فيه الضعف يعني اذا كانت الجملة العلاجية فيها كلمات حرف الباء
النضائر تكون كلمات فيها حرف الباء
وكلمة الدرس اللي ياخذونها في الحصة الكلمة الجديدة
ومهارة الدرس يعني مد بالالف – بالواو – بالياء – مقطع ساكن – مقطع مشدد
تكوين كلمات من حروف
والبقية تاتي
اتمنى اني قدرت افيدك بشي
وحياك

حبيبتي هذا مو واجب
هذا تقسيم صفحة دفتر الصف

يعطيكم العافيه بنااات

الحين فهمت المطلووب بس الولد ضايع شوي ومافهمني شنو قالتلهم الابله بالضبط