معلمه مصابه بانفلونزا الخنازير

الوكيله اليوم الصبح بلغتنا انه ضروري كل وحده تجيب معاها قلم خاص فيها للتوقيع عند الحضور والانصراف وقالت انه السبب لقو مدرسه بروضة بالجهرا مصابه بالمرض بعد ماداومت وسلمت وقعدت ويا رفيجاتها كانو يسألونها ليش تكح قالتلهم صدرها تعبان وهي فعلا عندها ربو بس المصيبه انها بعد ماخلص الدوام راحت الطبيب وطلع وياها انفلونزا الخنازير وسألوها منو خالطتي قالتلهم اسم مدرستها اهم بلغو المنطقه التعليميه والمنطقه دقو علمدرسه ياحرااام المدرسات الحوامل والكل صابتهم حاله من الخوووووووووف والكل راح الطبيب يحلل
ديرو بالكم

لاحول ولا قوة الا بالله

الله يشفيها ويعاااااااافيها

الله يستر علينا بستره

نسخت الخبر من جريدة الجريده
حالة إنفلونزا خنازير جديدة لمعلمة
اكتشفت حالة إصابة بإنفلونزا الخنازير لمعلمة كويتية في روضة الأطراف بمنطقة الجهراء التعليمية صباح أمس، وتم تحويلها إلى المركز الصحي لأخذ الإجراءات اللازمة للعلاج مع عمل الفحوصات الطبية لباقي المعلمات في الروضة، والوقوف على حالتهن الصحية

الله يكافينا الشر

الله يشفيها ويحفظ الجميع يارب

اي صج انا اليوم مريضه ماداومت .. وحسيت حنجرتي او بلاعيمي صاكة .. وبعد شوي بروح المستوصف الله يستر
تخيلوا بنات اقسم بالله ان طول عطلة الصيف ما صابتني لا نشله ولا كحه ولا بطيخ ولله الحمد .. بس نداوم تصيبنا الانفلونزا والرشح
والسبب معروف طبعا

حرام عليهم يخلونا نداوم المرض خطير كل مااقرا عنه كل مااخاف اكثر اللي مايستجيب للعلاج يموت
لانه يتفخ الرئه يما كله ولا النفس يارب استر علينا يارب يأجلون دواماتنا يارب ماعاد نضمن

لا حول و لا قوة الا بالله العلي العظيم

اللهم احفظ بلادنا و بلاد المسلمين من كل سوء يا رب العالمين

الله يشافيها .. ويستر علينا وعلى اهلنا يارب من هالمرض

الله يشافيها

ويحفظنا يااااااااااااااااااااااااارب

الله يشافيها ان شاءالله

لا حول ولا قوة إلا بالله ألله يشافيها ويرفع عنا هالوباء … والله من جد قعدت احاتى اليوم ، أول يوم داومنا فى المدرسه شفت بعض المدرسات الوافدات تقولى إنها اليوم الصبح واصله وعلى طول حضرت الدوام ولا فحص ولا شى يوم قالت جذيه قعدت أحاتى .. الله يستر

اقول سوو طل رفيجاتى هناك ماسوو لهم ولاشئ والصحة الوقائية ماعندها علاج الا للكبار ماكو للاطفال لان المدرسات خافو على عيالهم
والامراض السارية مو مبلغين الصحة الوقائية ولا عندهم خبر
حسبى الله ونعم الوكيل على الوزيرة والوزارة كسبو ذنب الاوادم
فية عندهم حوامل وحالات ربو وقلب لا والمصيبة المنطقة والوزارة يقولون لهم مافية الاالعافية والدوام رسمى