|
|
باجر إن شاء الله تعالى الدوام
الله يعينا وياكم
وإن شاء الله ماكوا إلا الخير
شدوا حيلكم باجر من الصبح
مش عايزة وحدة فيكم تأوول
يا لهووووي يا خراااااشي مفيش دوام وبنام بفراااشي 
ترى إهيا فلونزا عاااادية
بس هالمرة معاها رفيجها
خنزووور صغيروووون
عشان جذي سموها إنفلونزا الخناااازير ..
ودي أصدق بس قوية
تضربج حرااارة وبعدين تنسدحين بالفراش ويمكن تفطسين يمكن الله يسلمج منها..
بس جذي ماكو شي يخرع
سووا إللي أقولكم عنه
الواحد يسعى ويتوكل على الله …والله الحافظ
يلى بسم الله نبدي
أولا..الدعاااء
باجر أول ما تقومين الصبح قومي نشيطة
مو تقعدين تغنين للمخدة (( هلي لا تحرموني مناااااه ,,,هلي لا تبعدوني عنااااه ))
وعلى طول حصني نفسج بالأذكار والدعاء
بسم الله الذي لا يضر مع إسمه شيء في الأرض ولا في السماء وهو السميع العليم
أعوذ بكلمات الله التامات من شر ما خلق
اللهم باعد بيننا وبين المرض كما باعدت بين المشرق والمغرب
وأول ما تطلعين من البيت لا تنسين تقولين
بسم الله توكلت على الله ولا حول ولا قوة إلا بالله
وسبحانه من يتوكل عليه ما خااااب
ثانيا جهزي الآتي
معقم ديتول خليه معاج بالجنطة
كمام لا تستحون لبسوه
الوقاية خير من ألف علاج
.jpg?w=1200&ssl=1)
وياريت نفس الصورة يكون عليه خنزير
عشان ما يقولون متكبرة ….
يفهمون إنج خايفة من الخنزووورة الصغيرووونة
ثالثا ..عند الوصول للمدرسة
لا تنسين أول ما تحطين ريلج تقولين ..
بسم الله الرحمن الرحيم
وبعدها دشي وتوكلي على الله
أدري بتقولون فشلة
وآنا أولكم أحس فشلة
بس قد ما تقدرون
صافحوا فقط الرجااااء عدم التقبيل خاصة إللي تدرين إنها رادة من السفر أمس
صافحي وعقمي بالديتول
صافحي وعقمي
صافحي وعقمي
صافحي وعقمي
صافحي وعقمي
تخيلي يصير فيج شد عضلي
ساعتها تتخنزررررين (( يعني يصير فيج إنفلونزا خنازير ))
رابعا ..إبتعدي عن التجمعات
خاااصة عند التوقيع
لاحقة بتوقعين ليش اللصقة والدز
إبتعدوا قد ما تقدرون
طااابور أحسن من اللصقة
ويا ريت يحطون لنا الخط إللي يصير عند الجوازات في المطار
ما تعدينه ليما يخلص إللي جدامج
وااايد عايشة الدووور
بس صج خط أحمر توقفين عليه ما تعدينه ليما توقع إللي جدامج
الله يكافينا الشر
وإن شاء الله ولا وحدة فينا تتخنزر
بعد هذا الدرس الطويل يلى يا شطار
عرفي كلمة تتخنزر : ؟؟؟؟
لا حول ولا قوة الا بالله والله يحفظنا
إي والله ما لنا حيلة بنداوم قصب طيب
الخنزيرأمامنا والخصم وراااااائنا
كلها خنزوووورة صغيرونه إحنا أبلات
أبلااااااااااااات ما نخاف منها 
منو قال لكم إحنا خااايفين .gif "Eh S(1)")
حياكم الله يا ابلاتي العزيزات
أكثروا الدعاء والاستغفار وما كو الا كل خيير
لا تنسون من صلى صلاة الفجر فهو في معية الله تعالى
و القسم عندي وايد مهم البوس عندهم .. اذ ما بستهم … عيب
و اذا لبست كمام … شكلي يفشل
عاد عندنا مدرسة مصرية ترد باجر الفجر
شسوي فيها ؟؟
ولا تبوس بضمير وتنفس حيييييل
ههههههههههههههههههههههههههههههههههههههههه
كل ما اقرأ كلماتج اموووت من الضحك
انت والله بس اللي اتخففين عنا الهم والخوف المترقب من الانفلونزا بتعليقاتج الحلوة ودمج الخفيف
ياعسى ربي يحقق مناج
ههههههههههههههههههههههههههههه عرفنا كيف ما نتخنزر ههههههههههههههههه خخخخخخخخخخخخخخ واي ميتة من الضحك والأكل على النار بحترق
عاد صج صج انا ما خليت معقمات الديتول ما اخذتهم ومجهزتنهم بالشنطة
بس تعليقاااااااااااتج ،، والله لا اصور موضوعج واحطه باجر عند دفتر التوقيع
هههههههههههههههههه واكتب الفايزة بجائزة شهر رمضان تعرّف كلمة تخنزر
خلاص تم
انا بلبس نقابي ومعاي مناديل ديتول بايدي
بسلم وبامسح
علشان اتعقم عدل
عاد الله يفرجها علينا
ماكو الا الخير
انا رفيجتي مصريه جايتني اليوم الظهر توها راده قبل امس من السفر
ياحليلها وجايبتلي معاها فطير مشلتت
اهي مو معاي بالمدرسه انتقلت
وربي من سلمت عليها من الظهر لحد اللحين وانا خشمي يحكني
عاد مو حلوه المره عندي ابيتي وما اسلم عليها
والله الله يستر علي لايكون تخنزرت
خشمي يحكني
مع انها ماطولت
وانا على طول ركض على الحمام واغسل ايديني ووجهي
انا بعرج باجر وبح نفسي مقدر اقوم واسلم عليهم من بعيد
ما بعد العمر عمر
منورين الموضوع
ومشكورين على التفاعل
أم علاوي
حياج الله ,,,, وعساني دوم أشوف هالضحكة ما تفارقج يالغالية
ديري بالج عاد لا يحترق الأكل كلش ولا الفطور…بعدين إللي قاعد ينطر الفطور يتخنزر من اليوع عدل مدل هههههههااي
ليال
مدام خشمج يحكج معناتها ما تخنزرتي ….الحمدالله ..الله عداج الشر
آنا إللي معاي باجر الله يستر منهم …
مهرة العرب
إي والله العمر واااحد …
إن شاء الله …الله يحفظنا ويبعد عنا التخنزر 
والله انا دايما اقول ليش ما الوزارة تتبع التالي سمعو:
محد يدخل المدرسة الا ومعاه ورقة فحص تثبت انه خالي من المرض
وبجذيه نداوم واحنا مطمنين وناخذ راحتنا وايد اريح
والله يستر