ندي مقابلة تعيين يديد مدرسات الانجليزي ابي مساعدتكم بليييز

سلام بنات ……..
بنات عندي مقابلة يوم الثلاثاء وتخصصي لغة انجليزية linguisticsآداب
بنات ياليت اتفيدوني عن المقابلة شنو الاسئلة او شلون طريقتهم اتمنى تساعدوني و اكون حيل شاكرتلكم حبيباتي

هلا حبيبتي .. انا كنت مثلج .. اداب انجليزي لغويات .. ودشيت المقابله .. كان في 2 موجهين والموجهه العامه .. اول شي يا قلبي لبسي لبس رسمي وحلو .. خليج هاديه .. دشي بثقه وسلمي عليهم .. راح يسالونج انج تعرفين بنفسج .. قولي اسمج يا قلبي .. بعدين راح يسالونج اسئله مثل : ليش اخترتي التدريس؟ او شنو اهم شي بمهنة المعلم .؟ انا سئلوني : تعتقدين المعلم ينولد معلم ولا يكتسب هالمهاره لمن يكبر ؟ قلت لهم لا .. انا اعتقد ان المعلم ما ينولد .. بل ممكن انه تتطورمهارات الشخص مع الوقت ليصبح معلما جيدا .. طبعا شرحت شوي وجهة نظري اكثر .. وناقشوني وايد .. تالي كان لهم راي مخالف لرايي .. انا ابتسمت وتقبلت رايهم الاخر ..( حافظي على الهدوء) بعدها سئلوني جم سؤال بالقواعد .. مثلا شنو التصريف الثالث ل see .. يعني اشياء جذي .. مو صعب ابدا .. بعدها سئلوني شلون ممكن تدرسين الالوان ؟ قلت لهم اييب للطلبه الوان وايد مثلا كروت .. او اقلام كبيره .. او لوحات .. واعرفهم بالاحمر .. الاخضر والاصفر والازرق …الخ … تالي اقولهم ان هذيله احنا نسميهم الالوان.. وبعد ما يرددون الكلمة بطريقه صحيحه اكتبها على اللوح واقراها .. وبعدين اخليهم يقرونها .. تالي اعيد كتابتها واخلي واحد او اثنين من الطلبه يكتبونها على السبوره .. وبعدها ممكن الطالب يكتبها بدفتره .. وهزوا راسهم وابتسموا .. وقالولي that`s it

thank you dear
وانا تنفست الصعدااااااااااااااااااااااااااااااااااااااء .. وشكرتهم وقلت لهم عساكم عالقوة وطلعت .. وطرررررررررررررررررت على باسكن روبنز واقوى بريييييييييييييييييييييييييييييييييييييييييييييييي ييييييييييييييييد ابرد فيه على جبدي … كنت شايله هم ومخترعه وحالتي حاله .. اثاري الموضوع بسيييييييييييييييط .. مو الولادة اللي كنت متخيلتها
الله يوفقج يا حبيبتي .. وعقبال ما نشوفج مس حلوة بمدارسنا .. وبشرينا تالي

أشكرج حبيبتي على ردج بردتي قلبي عاد صج كنت شايله هم المقابلة بس كلامج ريحني, انزين ما كلموج بالانجليزي يعني يشوفون اللغة عنج شلون بس والله وناسه احس حياتي بتتغير اخيرا راح اصير مس

امبلا حبي .. كله بالانجليزي … بس عادي ترى .. ابد ابد ما يخوف
وصج ونااااااااااااااااااااااااااااااااااااااااسه
احلى تغيير

عاد انا العام تخرجت وسنه كاملة ما قدمت عالوظيفة احس نسيت وايد اشياء, بس الصراحة عالتعب اللي تعبته بالجامعه ودي يقطوني متوسط او ثنوي

اهم يشوفون شخصيتج وقوتج باللغة وعلى هالاساس يقطونج .. يعني مثلا اذا شافوا فيج شده وحزم .. خلوج للكبار .. ان شافوج حبوبه خلوج للابتدائي جذي.. وعموما يا قلبي ماتدرين وين الخيره .. انا كنت متوقعه على قوتي باللغه راح انحط بالثانوي .. وكنت شبه متأقلمه مع الفكره .. تفاجأت اني ابتدائي .. وضاق خلقي اول شي … بس قلت يالله خيره .. وفعلا طلعت خيره .. واستانست واااااااااااااااااااااااااااااايد الحمد لله .. ودرست ابتدائي 7 سنوات وهالسنه ان شالله انا طالعة رئاسة قسم .. الف حمد وشكر لله رب العالمين .. عقبالج يا عمري .. واذا على النسيان .. روحي اى مكتبه .. واخذي كتاب قواعد وتمارين .. واقري حبيبتي القواعد اللي كنا ناخذها بالمدرسه