|
|
السلام عليكم
شخباركم يا أبلات
بلييييز بليييز ساعدوني لان جد محتاره
انا خريجه كلية العلوم الاجتماعية قسم علم اجتماع ومساند علم نفس
وطلع اسمي بوزارة التربية اصير مدرسة ابتدائي اجتماعيات او تربية وطنيه بس زوجي يحن علي عشان ارفضها يقول توظفي بالاوقاف بالسراج المنير دوام اريح وماكو ناظرة ولا وكيلة ولا موجهة لان اهو نفس النادي الاسلامي لطلاب المدارس ومعاشي نفس معاش مدرسات التربية بس عيب دوامهم انه بالعصر من 4 لـ 8
بس انا محتارة ماني عارفة شسوي لان دوامات المدارس الصبح مع الناس ارد الظهر يمديني أقيِل واذا قعدت يمدي اجابل بيتي وزوجي بس كل المدرسات يشكون من التدريس يقولون كراف طول النهار ومحد يرأف بحالهم
بلييييز يا أبلات ابي اعرف انتوا شرايكم بما انه عندكم خبره بالمدارس
بس من قال لج ان السراج المنير مافيه وكيلة وتوجيه ؟؟ فيييييييه
انا تعينت مدرسة ابتدائي حياتية وطبعا اجتماعيات ووطنية..
اشوف ان المهنة عموما متعبة طبعا لكنها صراحة شيقة
ماعتقد في مهنة احلى من التدريس من الاجر الي فيها 
بالبداية طبعا كنت احاتي وايد امور من تحضير وطريقة تدريس وادارة وهالامور لكن الحمدلله بعون الله مع الايام كل شي تسهل
انصحج استخيري
وقارني الايجابيات والسلبيات في المكانين من كل النواحي
والله يكتب لج الي فيه الخير
هذا إللي أعرفه وتأكدي أحسن
وإذا كان كلامي صحيح معاشج أكيد راااح يكون أقل بوااايد
شوفي التدريس صج تعب بس بالبداية
بعدين إذا صار لج سنتين وثلاث وتمكنتي من التدريس ووساءلج صارت جاهزة عندج راح يصير سهالة
حبيبتي إنتبهي للكلام إللي بقوله وإن شاء الله تعالى يفيدج
كل وظيفة في بدايتها صعبة حتى الوظايف الإدارية لأن عالم ثاني وموظفات يدد ما تعرفينهم
وكل الوظايف فيها مسؤوول فوقج يمكن يكون زين ويمكن يكون شين أصابع إيدج مو وحدة
إذا كنت تخافين الله تعالى وتخلصين بعملج وتحتسبين الأجر في كل عمل تعملينه الله بيسخر لج
كل شي بوظيفتج سواء بالتربية وغير التربية
ولا تنسين كاد المعلم أن يكون رسولا
وعليج بالإستخارة ما وصيج
موفقة يالغالية والله يكتب لج إللي فيه الخير
طلعنا نفس الكلية والتخصص يتراوالي لو نشوف بعض نعرف بعض
ادري في ناظره بالسراج بس بما انه واجباتي الوظيفيه بسيطه وماكو شغل فماراح يكون تسلط الناظره علي مثل مدارس التربيه
السراج فيه ميزات وسليات والتربيه هم فيها مميزات وسلبيات عشان جذي حددددي محتااااره
أبله كويتيه جزاج الله الف خير على نصيحتج
انا سألت وقالو اصير مدرسه مو اداريه لان طبعا كل شي بالواسطه يمشي عشان جذي راح يكون نفس المعاش
كل يوم قاعده استخير على الوظيفتين وماني قادره ارسى على بر
لان زوجي مدوخني يقول التدريس تعب لان اهوكان مدرس ومكروووف بعدها طلع من التربيه
عسى الله يشفي ابوج وخالتج من مرضهم ويشفي جميع مرضى المسلمين
و إذا بيعينونج مدرسة معاشج بيكوووووووون نفس المعلمة اللي تكرف كرف اليهد بالمدرسة
و قبل كل شي استخيري … و الله يوفقج
انا مدرسة بالتربية وتعباته من التربيه
واكيد بيكون اخف من شغلنا خاصة لان طلبة اقل والمنهج اخف صحيح لو صرتي معلمة ابتدائي شغلج اخف مو نغس المتوسط او الثانوي
بس احس الاوقاف وايد اريح
اخذي بنصية زوجج وروحي الاوقاف التدريس تعب وتصحيح واخر السنة على اعصابج خاصة مع الامتحانات والتصحيح
والله يوفقج
بلو ليدي
فطووومه
حبيباتي جزاكم الف خير على النصايح وعسى الله يوفقكم دنيا وآخره ويرزقكم من حيث لا تحتسبون
بليييز يا ابلات ابي تجاربكم بالتربيه صج انكم مكروفات ومو قادرين تتحملون ضغط الشغل
ابي احد يشجعني لان كل يوم استخير بس ماني راسيه على بر حدي محتاره
بليز مابي غير نصايحكم بحكم خبرتكم بالتربيه
مااااراح تندمين أبدااااااااااااا
بالتوفيق حبيبتي
شنو المواد الي يدرسونها في السراج المنير !! او الاترجة!!