شروط الماجستير شنو؟

السلام عليكم حبايبي

انا مدرسة و ناوية اكمل الماستر

بس ودي تعرف شنو الشروط

و صج من الشروط اني لازم سنوات الخبرة اكون ماخذة فيها امتياز؟

و اذا انشاء الله خذيت الماستر يااااااااااااارب راح اظل مدرسة ؟ و الا اتوظف مكان ثاني؟

و اذا بقيت مدرسة صج فرق المعاش 20 دينار

بس مهما كان انا ودي اكمل الماستر حتى لو ما كان فيها فلوس

بس ادعولي

و يعطيكم العافية

شوفي حبيبتي أنا بإذن الله السنه الجاية راح أبدا بالدراسة
اولا مافي أي شرط للدراسة بس بقولج على شغلة
– إذا بتكملين على حساب الدولة يعني بعثة لازم تكونين ييايبة معدل مرتفع بالكلية واتوقع في سنوات خبرة معينه وإذا تخرجتي ممكن يوظفونج بالكلية
– إذا تبين تكملين على حسابج لأن معدلج مايسمح بالبعثة على حساب الدولة (مثل حلاتي) فلاتتوقعين إنهم يوظفونج بالكلية يعني راح تخلصين دراسة وتردين لوظيفتج السابقة بس يزيدون مشاجج عشان الشهادة الجديدة وانا هالكلام ماخذته من الهيئة العامة للتعليم التطبيقي

وإنتي بعد روحي سألي زيادة لأن هم كل يوم لهم قانون

انا الحمد لله معدلي عالي

بس بكمل اهني بالكويت مو برة

مشكورة عالرد

بنات اغسلو ايدكم من التوظيف بالكليات
من ساااااااااابع المستحيلات
إلا اذا كان ابوج دكتور بنفس القسم ههههههه

مابي اتوظف بالكلية بس بكمل ماستر اشلون.؟

وشنو الشروط ؟
انا صارلي سنه من تعينت

ودي افيدكم بس ماعندي فكرة ماحبيت اطلع من الموضوع من غير رد
مووووفقين

جم المعدل الي يبونه عشان تكملين على حساب الدوله ؟

السلام عليكم أختي قبل أي شي انتي خريجة جامعة والا تطبيقي إذا تطبيقي غسلي إيدج مايقبلون أنا متخرجة جيد جدا مرتفع عربي وعندي توفل 550 وخبرة خمس سنوات قدمت على كلية الدراسات العليا وهزؤوني وأنا الحين أدرس بمصرانتساب تعب وسفر بس ما أقول إلا حسبي الله ونعم الوكيل فيهم

حبيبتي الشرط هي:
العمر اقل من 40 سنة.
كويتي موظف في وزارة التربية.
اكمال في نفس التخصص ويكون من المطروح بالنشر وبموافقة الجامعة أو الكلية.
يكون الموظف يعمل في وزارة التربية بخبرة عامين والتقدير امتياز.
المعدل الجامعي ممتاز أو جيد جدا.
يعاد تعيينك معلمة مرة اخرى بعد الانتهاء من الشهادة وحسب حاجة المدرسة لكن الغالب ان يتم نقلك في نفس المنطقة التعليمية
التقدير الذي تحصلين عليه بدرجة الماجستير يطبق لك في الوظيفة لكل عام..
مدة الدراسة سنتين تمدد لسنة أخرى عند الحاجة للتخرج
اذا احببت الاكمال للدكتوراه لابد ان يكون معدلك امتياز حتى لا ينبغي عليك العودة للتدريس.

مشكورة يا قلبي
الله يهنيج و يارب و اكمل الدكتوراه

وليش هزؤووج عاد

الله يعين موو خوش خبر بصرااحه

بس القهر اذا كملنا على حساااابنا نرد مدرسات صح ؟! ما يصير ادرس بالهيئه

وي شنو هذا
انزين جم يزيد المعاش !!

تدريس بالتطبيقي صعب أملنا على الجامعات الخاصة والله لا يضيع تعبنا أجمعين