ساعدوني للي عندها خبره بالثانويه <<< تم تعينها بالثانوي

السلام عليكم

لاول مره اكتب بهالمنتدى وابي فزعتكم

اليوم توني دريت ان تم تعيين بالثانويه

وانا ضايق خلقي وكارهه الدنيا ومافيها

لاني خريجه العلوم الاجتماعيه

ولاعندي لاخبره بالتدريس او طريقته

متخوف كتجربه بحكم انهم مراهقات

ادري بتقولون اهم شئ الثقه ومدري شنو …….

اتمنى اللي يدش تساعدني بخصوص هالموضوع

لان من الضيقه مادري شقول الله يعين بس

<<<

وجزاكم الف خير

حبيبتي لا تحاتين مع اني متوسط بس لا تحاتين من ناحية ما عندج خبرة فراح تاخذين دورة للمعلمين الجدد اتعلمج اغلب اللي خذينا بالتربية كتحضير ووسائل وووو

ومن ناحية مراهقات صح الله يعينج بس يمكن يصير العكس وتندمجين معاهم خلج حبوبة معاهم وبينيلهم انج متفهمة لهم وعارفة نفسيتهم واللي يعانون منه ( جنه احنا ما عندنا اللي يكفينا ) بس ما عليه جامليهم لكن بنفس الوقت لا يتمادون عليج

ما عليه حبيبتي شوي شوي راح تاخذين خبرة ودايما تذكري لو انج تحسين ان ما بينج وبينهم فرق بالعمر بس اهم يشوفونج ابلة وما يعرفون عمرج عدل ولا تدخلينهم بحياتج الشخصية

هونيها وتهون وكبريها وتكبر

الله يعينج وان شاء الله انتي قدها

حبيبتي الابلة الصغيرونة..
انا خبرتي كلها ثانوي.. اول ما تعينت كنت قريبة منهم.. لكن لما اهاوش وحدة منهم.. وخاصة هذيله الرسوب .. كنت اموت من الخوف بالداخل..
ماعليه .. حبيت اضحكك.
الثانوية حلوة راح تسترجعين فترة دراستك.. وراح تحبين سوالهم.. لكن لا تخلينهم يتمادون.
وحتى لو علقو عليك بكلمة.. طوفيها عادي..
وقولي انشاءالله تحصلين رئيسة قسم زينة علشان تفيدك بالتنمية المهنية..
والله يوفقك

أنا توني هالسنة محولة من روضة إلى ثانوي صج فرق والكبار أحسن لكن في بعض المرات الكبار يمصخونها معاي لكن أحاول أتمالك نفسي بس ترى يهبلون بالكلمة الحلوة تكسبينهم وعامليهم بطريقة النصح مو الأوامر وتحتوينهم ويحترمونج سهالات المرحة حلوة لكن لا تخلو من بعض العيوب الخفيفة بالنسبة لي وبالتوفيق حبيبتي.. جاو

انا صارلي شهر ومثلج كنت احاتي بس مادري اشلون ان ابتسمتي تمادو عليج وان نفستي احسن انا الحين بس صف واحد احبه واسولف معاه والباجي يلوهون الجبد وصارلي موقف مع وحدة كسلانه ردة على وانا احتريت …بس ودى اروح الابتدائي على الاقل تقدرين اتحكمين فيهم وبعدين يقولون اخف من الثانوية احنا مادتنا دسمة ..وعاد شوفي الضحك عليج لما تغلطين ميخالف تحملي سنه وحولي شوفي نفسك؟؟ يمكن ترتاحين بس انا بحول

انا قعدت 5 سنين بالمتوسط وهذي اول سنه لي بالثانويه ..

متحسفه على هالخمس سنين اللي قضيتها على اعصابي ..

الثانويه وايد احسن البنت كبيره وعارفه مصلحة نفسها وتخاف على معدلها لان وراها جامعه ..

والله توكلي على الله

هلا وغلا امه2006

متخوفه حيل من ناحيه القسم ومن ناحيه الاداره

اما البنات هذا كابوس بروحه الله يعين

اخاف اصير حبوبه معهم وبعدها ماينضبطون

وانا بطبعي من النوع ماحب اصير نفسيه بس حازمه

يالله على قولتج هونيها تهون

تدرين صرت احاول اشجع رو حي واحمسها على الثانوي

الله يكتب اللي فيه خير

الله يسعدج حبوبه على الرد عن جد ارتحت من كلامكم

هلا وغلا بحبيبتي الابله الكبيره

ياحياتي وربي كلامج هوني علي اشياء وصرت اتقبل فكره الثانوي

لكن خوفي بخصوص التدريب مو مهم انا اتعلم

لكن خوفي من المراهقات الخبلات ههههههههههه

استفدت من كلامج وتشجيعج

الله يسعدج حبوبه على الرد عن جد ارتحت من كلامكم

صح كلامج يهبلون لانهم كبار لكن مشكله البنات المشاغبات او اللي ملسونه

هذي المصيبه وشئ اكيد لابد فيه عيوب

اسعدني مرورج وخبرتج ربي يسعدج يالغلا

اهئ اهئ ردج محطم

نفس تخوفي لكن نصحوني اول مر تدشين عليهم صيري نفسيه

والله يستر غير الخوف لابد فيه بدليات

بس انا صار عندي تحدي لو صرت بالثانوي

وان شاء الله ربي يسر الامور

الله يسعدج حبوبه على الرد وخبرتج

اتمنى اللي عندها خبره او تجربه مع الثانوي

وتقدر تساعدني ….اتمنى ماتبخل علي