|
|
انا اول مرة ادرس خامس وابي كل معلمة من معلمات خامس العربي تعرف بنفسها ونتبادل الخبرات والوسائل من بداية الدروس
واول موضوع ابي اناقشكم فيه وقت الحصة دائما احسها قصيرة وتنتهي وانا ماخلصت
وشنو الوسائل اللي ممكن استعين بها دائما ويكون فيها اختصارمن الكتابة على السبورة لاني بصراحة مليت من كثر ما اكتب وشلون اختصر بدون تقصير عفية معلمات لا تبخلون بالمشاركة معلماتي دايما يستخدمون جهاز العرض
والوقت القصير دائما يأتي مع المعلمة الممتازة
عطي وقت معين للكتابة وعودي التلميذات على السرعة
وسوي هذي الطريقة
حطي كشف الاسماء على وسيلة مشوقة ملونة
وأول طالبة تخلص بسرعة وخطها نظيف حطي لها نجمة وأول طالبة توصل 15 نجمة عطيها هدية واشطبيها من القائمة واللي بعدها اللي توصل 15 تاخذ هدية رمزية وراح تحسين ان الحصة هادية ومريحة والكل يعمل في حماس
موفقة
يعني الطالبة اللي بتوصل الى 15 نجمة ممكن تحطين لها نجمة لترتيب الكراسة او لأدبها اثناء الحصة أو خطها الممتاز
او — او — يعني انت تضربين عصافير بحجرة واحدة
وكل اسبوع هدية لهم يعني مو كاليوم وسوق بو مية ما يقصر
1 / الجهد الذاتي .. اطبعيه بأوراق .. عشان آخر الحصة ما ياخذ وقت .
2 / التقويم .. اكتبيه بشفيفة ..
3 / الأسئلة .. استعيني بالبطقات الطوالية .. كتبي السؤال عليها .. والمفردات ببطاقات صغيرة .. وعلقيها بمغناطيس .
وفي مدرسة عندنا مغلفة البطاقات الطوالية تغليف حراري .. يعني تقدر تكتب عليهم وتمسح .
4 / أهم شي …….. لما توزعين الجهد الذاتي ( الاوراق المطبوعة ) قولي للبنات يلصقونها بمكان الجهد الذاتي .. وينقلون الاسئلة بالصفحة المقابلة من غير حل ……. عشان بالحصة بس يكتبون الاجابات هذي الخطوة مهمــــة جدا .. واحسبيها من ضمن الواجب .. يعني اللي مو كاتبة الاسئلة وقفيها وعاقبيها عشان تكتبه مرة ثانية في البيت .. وبجذي تكونين كسبتي وقت طويل 
اتمنى اكون فدتج