|
|
(1) الأبله الملقوفه:
اللي تنفع تشتغل بالنيابيه والهدف من اسئلتها بلاغة الشف
اللي سوالفها بس تسأل أسئله شخصيه وأسئله عن شغلج.
(2)الأبله الحقوده:
اللي قلبها اسود بس تقط نغزات وتخرب عليج وعلى شغلج
وتحب المشاكل وتنطر الزله علشان تطلعج موزينه و تتعمد تسويلج مشكله وتنرفزج علشان تعصبين
وتطلعين موزينه جدام المشرفه والادارة .
(3) الأبله الحسوده:
اللي لما تشوفج كاشخه او رئيسة القسم راضيه عنج وتمدج تناجرج وتناشبج وتحط دوبها من دوبج لدرجة انها تتعنا وتييلج لحد مكتبج علشان تغثج .
في ابله وافده حسبي الله عليها معاي بالقسم من هالنوع
حدي لايعه جبدي منها والمشكله المشرفه شايفه كل شي ولا توقفها عند حدها وتدافع عنها
(4) الأبله الملسونه:
اللي لسانها طويل ماعندها اسلوب وكلامها زفر ولما تكلمينها الا تكسر كلمتج وكلا انتي الموزينه واهيا اللي الزينه
(5) اللأبله المنافقه:
اللي تسوي روحها طيبه وتحبج وتبي تساعدج بس جداد رئيسة القسم والادارة ومن وراهم تناجرج وتاذيج
(6) الأبله عقرب رمل:
اللي تحفرج المشاكل وتطلعج موزينه وانتي ماتدرين علبالج تجبج وتبي تساعدج واهيا عقرب رمل
لا تقولون لي انطنشهم
لان احنا قاعدين معاهم في مكان واحد ومجبورين نتكلم معاهم ونتعامل معاهم وهذي المشكله.gif "Eh S(2)")
السؤال الثاني شلون اعرف هالاشكال ؟؟؟ 
لاتعطين كل وحده على هواها
ولاتمادين بالطيبه معاهم
حبيبتي هذا مجتمع مصغر مجتمع القسم او المدرسة
وانتي الي يضايقونج يمكن عشان الميانة الزايدة
انا علاقتي بالزميلات رسمية وما اخلي احد يصير حيل حيل ميانة معاي
ولما تتلقف علي وحدة او تحاول تتلزق ابتسم لها واسكت
بس احنا مومثلكم احنا كل وحدة بصفها لانه مدرسات روضة
والمنافقة وعقرب الرمل اتجنب الكلام معاهم قدر الامكان
انا بشغلي وهمه بشغلهم واخلص نيتي لله ووخر عنهم وبس
ادري مشكلة لازم نتعامل معاهم
اتعامل معاهم بس باضيق الحدود
وانتي مثل ما تحبينهم يعاملونج عمليهم وكسبيهم
الواحد ماله الا السمعه الطيبه والذكر الزين
شوفي اخرة الميانة الماصخه الي توصل للطعن بالشرف ؟؟؟؟؟؟؟
اختي في الله خلي علاقتج مع الزميلات بعيدة عن الاتصالات الزايدة والميانة ترتاااااااااحين
انا من طبقت هالنظرية ارتحت
لانه لاتظنين العمر كله بتبقين معاهم
ترى المدرسات ربع الساعه وحدة
يعني علاقتنا تنتهي الساعه 1 الظهر وبسسسسسسسسسسسسس
اتمنى اكون افدتج
علاقتي رسمية معاهم اسلم الصبح و اقعد بمكتبي و اعطي حصصي و اخلص و اروح بيتي و مع هذذا مو سالمه من الكلام و القيل و القال لكن اسوي نفسي ما اسمع لاني واثقة من نفسي 100 % اني مالي علاقة باللي ينقال
لو وحده تليقفت وحبت تعرف عن خصوصياتي اعتذر منها مع ابتسامة و اقول لها خصوصيات من عقبها تنقرص و ترجع تسأل ومنها الكل راح يعرف اني مو مال احد ينقاشني بخصوصياتي
و فعلا علاقتي تنتهي مع المدرسات الساعه 1 و بالاجازات خلاص ما بيني و بينهم شي و الحمدلله مرتاحه حدي و اللي يبي يتكلم عني خل يتكلم لانهم بيتعبون و لا راح يوصلون لنتيجة من كلامهم
خلي علاقتج معاهم زماله ومن بعيد لي بعيد..
تحاشي السوالف اللي بعيده عن العمل وخلج بنطاق الشغل وبس..
وتخيلي انا توني يديده بس في مسأله مالت الانماط مو عارفين شلون يشرحونها ولما انا قلت لوحده سوي كيت وكيت وكيت جان تقولي اي انا عارفه لازم اسوي جذي وجذي لوووووووووووووول تعيد كلامي إلي قلته
بدال ما تشكرني لازم تسوي روحها فيلسوفه زمانها بس عادي لان على قولتج مجبوره فيهم لان مجابلتهم بس شنسوي
اهم شي الواحد ياخذ حذره وما يعطي احد اكثر من حقه ولا ياخذ ويعطي معاه اكثر من الازم
الله يعيننا ويبعدنا عن هالاشكال
أنا بصراحة علاقتي فيهم شغل وبس
وأغلب الوقت أقضيه في الصف وإلا في المسجد او في المكتبة ولا أحتك بأي منهم
إلا للضرورة
فتلاقينهم ناسيني
قولي ادعيه الصباح والمساء
والمعوذات
وحصني روحج
وحقري وطنشي وامشي سيدا
وصدقيني محد راح يقدر عليج
صدقيني شغلنا تشوفين فيه بلااااااااوي
الي تنشف رييجج وتسالج طناش حقريها
عطيها نظره وطاف علشان تعرف انها غير مرقوبه والي تناجرج
اول ماتشوفينها قولي
الهم اكفينهم بما شئت
وربي انشالله يحد شرها في نحرها
وانا حاطه بمكتبي بداوام كتيب كله ادعيه
اول مايي اخذه واقرا
والحمدالله علي كل حال
وصدقيني دايما اول سنه بالشغل تكون تعب لان دنيا يديده دشين فيهاولان هذي الحياه الصجيه
فلاتتضايقين من التحف الي بتشوفينها
فطنش تعش تنتعش
وسلامتج
1) تلاسنينها ؟ جذي تطيحين من قدرج
2) تحطين بينج وبينها عداوه بدون سبب ظاهر بس الحقد بالقلوب واضح ؟؟؟ جذي بتخربين على نفسج
فأحسن شي السكوت وانج تقتصرين تعاملج معاها بالشغل وبأدنى الحدود في الشغل وبس
ومثل ماقالت سويتي الحلوة
عليج بآية الكرسي والمعوذات الثلاث
واذكار الصباح والمساء
واقري الادعية هذي كل يوم الصبح
دعاء من خاف قوماً:
" اللهم اكفنيهم بما شئت "
دعاء لقاء العدو وذي السلطان :
" اللهم إنا نجعلك في نحورهم ونعوذ بك من شرورهم "
دعاء من خاف ظلم من له سلطان عليه :
" اللهم رب السموات السبع ورب العرش العظيم كن لي جاراً من فلان ابن فلان وأحزابه من خلائقك أن يفرط علي أحد منهم أو يطغى عز جارك وجل ثناؤك ولا إله إلا أنت "
" الله أكبر الله أعز من خلقه جميعاً الله أعز مما أخاف وأحذر أعوذ بالله الذي لا إله إلا هو الممسك السماوات السبع أن يقعن على الأرض إلا بإذنه من شر عبدك فلان وجنوده واتباعه وأشياعه من الجن والأنس اللهم كن لي جاراً من شرهم جل ثناؤك وعز جارك وتبارك اسمك ولا إله غيرك " ثلاث مرات
وان شاء الله الله بيفكج من شرهم وبتكونين مرتاحة
انتهج في تعاملاتي مع الزميلات وجدا جدا جدا مرتاحة وماعندي أي مشاكل
بقول الله سبحانه وتعالى :ـ
(وَإِذَا خَاطَبَهُمُ الْجَاهِلُونَ قَالُوا سَلاَمًا)
(وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ)
(ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)
(خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ)
خذ العفو: أي ما عفا لك وتيسر من أخلاق الناس، عامل كل إنسان على قدر طاقته، ولا تتطلب الكمال في الناس.
أمر بالمعروف : ما تعرفه الفطر والعقول السليمة.
أعرض عن الجاهلين: لا تشغل نفسك بهم.