وأخيرا .مقابلتي اسبوع الجاي شنو اسألتهم

ساعدوني مقابلتي اسبوع الجاي اجتماعيات ابي اعرف شنو اسألتهم؟؟
ساعدوني بنات وهل ادرس شوية من المنهج؟؟؟

حسب تخصصج
شنو تخصصج وانا اقولج

فلسفة ثانوية عامة وقالولي توجيه الاجتماعيات

شوفي اول شي لاترتبكين ولا تبينين لهم انج خايفه
دشي وانتي عاااااااااادي واعصابج هاديه
هم بيحاولون يستفزونج بس لاتنرفزين كلش

الاسئلة بتكون على حسب تخصصج طبعا ركزي على الاشياء الاساسية بتخصصج
والمقابلة فيها جانب فني يعني عن تعاملج مع الطالبات وادارة الفصل وهالامور وبس
ترى توجبه الاجتماعيات موهينيين خاصه الموجهات شدي حيلج

الله يوفقج

موفقة حبيبتي

مشكورة على الرد يا لباقلبي الله كريم ادعولي

حطي بالج .. لازم يكون عندج إلمام في المادة حتى لو كان شي بسيط بس موهذا المهم ، المهم شخصيتج وإسلوبج بالكلام وطريقة تصرفج ولباقتج .. لأن من وجهة نظر التوجيه أن المعلومات عن المادة ممكن أي وحدة تاخذ فيها دورة وتصير توب ، بس الشخصية محد يقدر يعدلها ، لاتخافين وكوني واثقة من نفسج .. والله يوفقج أن شاء الله وتنجحين في المقابلة …..وبشرينا

عالببببببببببببببببببركه

الف مبروك الفال للقبول

بالنسبه للمقابله على حسب اللي بيقابلونج

ذاكري شوي من المنهج احتياط

وابي اقولج عن سؤال كلا يسألونه شلون تتصرفين مع طالب مشاعب؟

الحل: أحمله المسؤوليه

ويمكن يسألونج ليش اخترتي مهنة التدريس ؟ وشنو اكثر شي تحبينه بالتدريس ؟

بالتوفيق حبيبتي

مشكورين وماتقصرون

ماتدرون جم المدة يبيلي على ما انتقل من وزارتي اسبوع او اسبوعين…؟؟؟؟؟؟؟؟؟
ومتي اباشر العمل فى التدريس؟؟؟؟؟؟؟؟؟؟؟؟؟؟؟؟ فيدوني بنات

رحت المقابلة جان انصدم بإمتحان تحريري تخيلو والتنسيق قالولي بس مقابلة شخصية ..المهم شيرت اول صفحة بس والباقي فاضين جان يسألني ليش ماحليتي عدل قتله (انا متخرجة صارلي 6سنين ماأذكر شئ وانا مشتغله على تخصصي المساند وماقالولي فيه امتحان تحريري)..كسرت خاطره جان يقولي انا ماني مسقطج بس بعطيج فرصة ثانية للمقابلة والامتحان .. عاد انا ضاق خلقى مادري متى المقابلة الثانية؟؟
قالولي راجعى التنسيق يوم الثلاثاء ؟؟شسوي ضايق خلقى ساعدوني

الله يوفقج حبيبتي
وتعدين الامتحان الياي
شدي حيلج وسألي احد عن كل ما يتعلق بهالامتحان ولا المقابلة

موفقة يا رب

حبيبتي انا مسويه مقابله من قبل بس انا علوم

اول شي عطونا امتحان نظري بالمرحله اللي تبينها وبعدين يسوون مقابله

والله يوفقج

مشكورين على الردود وادعولي