عمتي تسأل عن النقل فهل من مجيب ؟؟

السلام عليكم !

عمتي امقدمة على نقل خارجي واهي معلمة في مرحلة المتوسطة اللي عندها اي معلومة متى راح تطلع نتايج النقل او يعلنون عنها بالجرايد ؟؟ تدرون الحين شهر 8 واعتقد مابقى شي على المدارس ؟؟

الله يخليكم اللي عندهــا اي معلومة لا تبخل علينا واتساعد عمتي

ولكم من صالح الدعاء

ما عندي علم بس خل تروح الوزارة تسأل

حبيبتي دخلي سايت وزارة التربية و حطي على النقل النتايج طلعت من زماااااااااااااااان

النقل الخارجي من زماااااااان تنفذ .. مثل ماقالت الخت دخلي على سايت الوزاره الطلبات المنفذه واسم المنطقه اللي امقدمه عليها وان شاءالله اتحصل اسمها

وهذا اهو السايت

https://www.moe.edu.kw/web2005/tistra.asp

اي عدل كلامج النتايج اطلعت من زمان بس على اي مدرسة راح يعينوهــا بعد النقل الخارجي ؟؟

راحت المنطقة الجديدة مالتها قالوا لها راح انحط المدارس بالجرايد وراح انقولكم نقلناكم على اي مدرسة ؟؟

والمسكينة لحتى الحين ضايعة والمشكلة تبي اتسافر ومو عارفة شي ؟؟

دريم خالتج مشرفة جديدة باين

نفس حالتي قالولي تعالي نص ثمانية بس قالولي حدد رغباتج وانا ماعرف انا نقل خارجي من الفروانية الى
العاصمة …..حددت مناطق مع انهم قالولي عندهم اكتفاء في تخصصج قلت اي شي قريب لاني ماعرف اي
مدرسة هناك…

خليها تسافر و توكل على الله وعند الله سعه

آخر الاسبوع تطلع
انا مدرسة روضة ومقدمة نقل خارجي
يقولون الكشوفات عندهم بس ماعتمدتها المراقبة لأنها ماخذه اجازة
قالولي أمرهم الخميس
هالحجي اليوم عرفته منهم

خليها تراجع منطقتها يمكن نزل عندهم

فروالة عمتي مو مشرفة اهي معلمة (مدرسة) امقدمة على نقل خارجي واطلعت النتيجة وانقلوهــا الى منطقتها الجديدة واهني عااااااد ضاعت ماهي عارفة راح تتعين على اي منطقة ؟؟ ولا اي مدرسة ؟؟ مو عارفة شي نهائيا ؟؟ وقالواحقها المنطقة راح نعلن النتايج بالجرايد وليومج هذا ماصار شي واهي قاعدة اتحاتي سفرها مابقى عليها شي ؟؟ وانتي تدرين الواحد اما يرد من السفر ماله خلق يعابل كله صوب وحنة اعيالها صوب وسووق ودنيااا

قصدج نتايج النقل الخارجي ؟؟ ولا اي روضة راح ينقلونج في منطقتج التعليمية اليديدة؟؟

لانه نتايج النقل اطلعت من زمان بس اهي ناطرة تتعين بأي منطقة او اي مدرسة ؟؟

ماكو الا المسكينة اتروح ابنفسهــا شكله سالفة الجرايد امطولة انا قلت خل اسالكم يمكن احد يعرف ؟؟

نفس حالتي كل ما أروح يقولون لي بعد وحدي متكدره قاعده احاتي بروح باكر باذن الله واشوف,لان النقل الخارجي يوهق الله يستر

امبيه نفسها بالضبط ذاك المرة قاعدة اتسولف وحددددها متخوفة !!

حتى قلتها ليش واااايد اتحاتين ؟؟

قالتلي :ما احب الحال المعلق ومادري وين المنطقة راح تحذفني !!

دريم
انا راجعتهم شهر 6 قالولي حددي 3 مناطق تبينهم
ومانضمن اذا ينقلونج لهم ولا لا ، يعني مو أكيد
وقالتلي تعاليلي نص شهر 7 وطبعاً رحت وطاف ماكو شي
قالتلي تعالي شهر 8 ماكو شغل
اليوم رحت لهم قالت لي الكشوفات موجودة بس المراقبة مااعتمدتهم ليما الحين
لانها باجازة

حبيبتي عمتج نفس حالتي بالضبط
انا مقدمة نقل خارجي و نفس الشي ما ادري بروح اي منطقة و اي مدرسة و هذي اهي عيوب النقل الخارجي
بس اقولج المنطقة اليديدة راح يخيرون عمتج بين جم مدرسة ثلاث او ثنتين على حسب و اهيه تختار انا سألت و قالولي جذي ………………….

يعطيكم العافية كلكم

بس يعني انتوا ابرايكم تنطر جم يوم ولا اتروح المنطقة ؟؟