التوجبه الفني والمدراء يشجعون ولا يحبطون؟؟

بسم الله الرحمن الرحيم

حبيت اسال عن التوجيه الفني والناظرات

دايما نسمع قصص انواع اشكال عن التوجيه والنظار لدرجة ان البنات ممكن ما يدشون تربيه تجنبا لهم (بنت اختي منهم

)
او حتى في مدرسات يطفشون من التدريس بسببهم

انتو شرايكم؟؟؟

الى اي مدى تحسون انهم متحكمين بتدريسكم من طريقة تحضير وشرح ووساءل الخ هل تستفيدون منهم؟؟

هل يشجعون عاالابتكار والابداع ويعطون نصايح بناءة؟
او يحبطون ونادرا ما يضيف شي مجدي ؟

بليز فيدونا عشان تتوضح الصورة لمدرسات المستقبل وللكل

انا اعد من مدرسات المستقبل
ويقولولي انه محد مكره المدرسات بالمدرسه الا الأداره و التوجيه
بس هذا مو معناه الكل جذيه
فيه ادارات روعه وموجهين يعطون نصائح وعندهم اخلاقبات التعامل مع المدرسات
وبيني وبينج انا قاعده أصبر روحي بهالكلام علشان ما انحاش من الحين ههههههههههههههه

حبيبتي السلام عليكم مو كل الموجهات و المديرات نفس ما يقولون الدنيا فيها الشين و فيها الزين اصل المديرات و الموجهات كانوا يوم من الأيام مدرسات 0 في المدراس في انواع واجناس من الناس 0 يعني كل المدرسات زينين يصادفج معلمات لا يراعون الأمانة ولا يتعاملون مع الزميلات و الطالبات طريقة مناسبة0 الله المستعان

اشكركم عالردود الطيبة
واكييييييييييييييييييد مافي تعميم النظار والموجهين بشر وفيهم الزين والشين

بس اللي حبيت اشوفه اهو تجاربكم الخاصة معاهم
شنو يضيفون لكم وهل يشجعونكم عالابداع؟ وشلون تتعاونون معاهم

والف شكر

انا عندي مبدأ اذا مو مرتاحه من الاداره انتقل ولا اقعد لو يوم واحد

ونادر ما تكون الاداره مو زينه

لكن التوجيه بعضهم يحبون يتفلسفون

ويدورون اي شي ينقدونج فيه

لكن التوجيه يهون لان ما نشوفهم الا مرتين او ثلاث او اربع بالسنه

والحلو بالتوجيه ان ما يكون ثابت يعني ممكن يتغيرون كل سنه ,,,

ان شالله ما يغيرون موجهتي لانها ما من وراها مشاكل وما شي حالي معاها والحمدالله

مافيه شغل من دون تعب

لكن تعب عن تعب يفرق فيه تعب تلاقي وراه شكر ودعم

وتلاقي تعب مو مخلوف وكأنج ماسويتي شئ

والسبب في المديرة

التوجيه يحضر مرة مرتين ويمشي

لكن بلاج من اللي معج 24ساعة

أمور كثيرة تنرفز

مثل الطلبات التعجيزية

والمحسوبية

أنا صادفت مشكلة المحسوبية من المديرة

عام كامل من المعناة

لكن ربي أخيرا عوضني بأدارة سنعة

الحمدلله على كل حال

مشكورة أختي على طرحج

اي والله هذا البلاااااااااااااااااااا