|
|
حبيت أنقل لكم خواتي موقف صارلي مع الوكيله اليوم . وككيله مدرستنا (المديره المساعده) الظاهر إنها
مو مصدقه نفسها انها صارت وكيله تحجج على المدرسات يعني تبي علينا الزله.
اليوم طرشت علي فراشه الناظره مع ورقه مكتوب فيها احضري حالا ضروري. صرت أقلب مخي يا ربي
أنا شسويت علشان تطلب مني الحضور في الحال وتعالي اسمعي تعليقات المدرسات وهذا وترني
زياده مع إني متأكده من نفسي بس مثل ما قلتلكم في البدايه هي تدور الزله. المهم ما أطول عليكم
وأنا بطريجي صرت أقرأ الادعيه ( صج خوافه) وركزت على دعاء (اللهم إنا نجعلك في نحورهم ونعوذ بك
من شرورهم) (اللهم اكفنيهم بما شئت) ولما وصلت مكتب الوكيله لقيتها (وهنيه المفاجأه)
مبتسمه وهى نادرا ما تبتسم أو تضحك قلت لها طالبتني قالتلي تصدقين نسيت شبي منج
بس هذه فرصه حلوه إني أشوف هالوجه الحلو ( استغربت من ردها) وخليني أشوفج لا
تقطعين فيني . ضحكت لأن ردها هذا بسبب سر الدعاء اللي كنت أردده.
والله يا بنات ما قلت هذا الدعاء بأي موقف أخاف من عواقبه إلا سهل الله لي الامور .
بالفعل هذا الدعاء رهيييييييييييب
جزاج الله خير
يسلمووو
بحفظ هالدعاء عشان الله يكفيني من شرر الكل
يعطيج العافيه
انا بكل دخلة للإدارة اقول
وجعلنا من بين ايديهم سدا ومن خلفهم سدا فأغشيناهم فهم لا يبصرون
سبحان الله
مشكورة حبيبتي
وان نادتج وحدة مرتاحة منها تروحين وانتى مطمنه
لكن مديرتنا
v
v
v
v
من اطرش على اردد ( ياقاهر اقهر شرها )