الله يعينكم يا ابلات البنين

اشلونكم وشخباركم خواتي واللله ماني عارفه شقول على التعليم في المرحلة الابتدائية للبنين
مادري اللي ادرس البنين اشلونها وياهم ولازم ادير بالها من اللي يرسبون في كل سنه

اتصدقون انا قعدت مع وحده من رفيجاتي وقالتلي سالفه عن مدرسة في مدرستهم وطبعا هالمدرسة ابتدائية بنين

في يوم المدرسة هاذي كانت قاعده في قسمها وماكان في احد ياها احد طلبتها في خامس ( راسب ) طبعا اكيد مراهق تفاجأت فيه انه تهجم عليها وطبعا انتوا فاهمين قصدي

صرخت وتجمعوا المدرسات واخر شي طمطوا السالفة عشان ما توصل للوزارة عشان ما تصير بلبلة مثل سالفة الصبيان اللي صارت قبل فتره من الفراشين انزين ليش ؟؟؟؟

ليش ما توصل عشان يصير في حل يفتحون مثلا مدرسة يدرسها مدرسين للبنين الراسبين

صج انا ما اقول الا الله يعينكم جد ولازم اديرين بالج عدل عطوني رايكم بهالموضوع وكل وحده تذكر سالفة شبيهه لسالفتي وخل اندور مع بعض الحلول لهالموضوع …..

اختي اللي اعرفه ان الطلاب الراسبين يحولونهم لمدرسة اخرى يكون فيها مدرسين

عالعموم غلط تدريس الحريم للصبيان لانهم اساسا يبون قدوة لهم واحد يخافون منه لانهم موحاطين اعتبار للأبله

مشكورة اختي

انا ادرس بنين لكن شنو معاااااااااااااااااااااااااااااااااااااناة الله وحده يعلم فيها قلة ادب مو طبيعيه ومهما نصارخ ونطق مايخافون خاصة رابعه وخامسه وفوق هذا اذا عصبتي على طالب وطقيتي من باجر جايب امه يشكي عليج وتلاقينه بالبيت مطلع عيونها من شقاوته بس حنا ياويلنا لو طقيناه انا بصراحه صارلي موقف مثل هذا طقيت طالب قليل ادب وجتني شكوى وقررت على السنه اليايه ان شاءالله اقدم نقل لمدرسة بنات مع انه مدرستي روعه ومايتفرط فيها بس الشكوى لله.

واي الله يعينكم على البنين انا ما احب البنين

لكن في كل منطقه تعليميه كذا مدرسه يدرسونهم مدرسين مو مدرسات

والطالب الي يكون في عمر اكبر من العمر الي يحددونه ينقلونه من المدرسات

الله يعينكم جد اذا احنا اندرس طالبات وتعبانين عيل اشلون على البنين

الله يعين مافي أحد مرتاح

الله يعينكم

انا ادرس خامسة امبية طلعلولي قرون منتهى قلة الأدب وماأستبعد أي شي عنهم عندي واحد داهية داهية ريال قاعد بالصف ماجنه ياهل تدرون شنو قالي ذيج المرة!!!!!!
بالفرصة الثانية قعد ياكل برد صاروخ وانا عندي مناوبة جان يقول ابلة تحبين برد صاروخ !!
بس مو بطريقة عادية قلته مالك شغل أحبه ولا لأ وحقرتة جان يقمز حق رفيجة الداهية الثاني وقالةماتحبة الأبله لأنه شكله غلط وقاموا يضحكون تخيلوا؟؟
جيل غريب

خرعتوني أنا مقدمة نقل لمدرسة بنين

ههههههههههههه

وااااااااي عاااد تصدقوون اول ماتوظف السنه اللي طافت وقالولي مالج الا بنين بغيييت امووووووووت

بس جيهم على اخر شي وماكنت ادرس بضمير كنت احااول اتاقلم معااااهم

وبصرااحه تعووودت علييييهم واشحلاااااااتهم ويهبلووووون ويونسوووووون

صج في قليلين الادب

بس عاادي شي طبيعي بس مو كل المدرسة

وانا كل ماقلت لاحد ادرس صبيان وبالمنطقه هذي استغرب بما اني هااديه

بس والله مااشاء الله عليييهم اشكثر منهم يبرد القلب

وتلقووونهم عندج وجهج وقت الضرورة

انا ادرس بنين لكن فيهم قلة ادب مو طبيعيه ومهما نصارخ ونطق مايخافون خاصة رابعه وخامسه اصلا حتى اسلوبنا تغير قمنا نصارخ حتى واحنا انتكلم يالمدرسات مع بعض بصراخ وغير هذا صايرين دفشين

انا صايره دفشه شوي … و صوتي تغير و فيه بحه من الصراخ

بس مقاومه و صار لي 6 سنين ادرسهم و مو مفكره انقل للبنات

حلوين و نشاط و اذكياء و اللي تتعود على البنين صعب تروح بنات .. او اذا راحت تتحسف
الا اذا كلش ما يناسبونها و كارهتهم

موضوع قلة الادب … موجود … ولكن متفاوت .. و الموقف اللي بهالموضوع نادر ..
بصراحه تلاميذ مدرستي فيهم قلة ادب و طول لسان بينهم ولكن مع المعلمه لا يمكن
لانهم من صغرهم مجابلين ابلاتهم و متعودين عليهم ..

بالعكس ياقلبي كل مدرسه فيه تعب انا جربت بنيين وبنات
البنات هادين بس بعضهم شياطين وفيه تعب وصياح

ونفس الشي البنين
والي قليل الادب تقدرين تستدعين ولي الامر وخلاص
وعلى حسب الناظره لانه ناظرتنا معطيه هيبه والطلاب اخافون منها حيييل
ولله الحمد ماشفت قلت ادب بالعكس يهبلون
وبخصوص خامسه لازم تعاملينهم معامله خاصه لانهم اكبار وبس

مشغوله ومحتاسه انتي اي مدرسة ؟؟

ومدرسة شنو ؟؟؟

وانتي بعد بنت الباديه ؟؟؟

المفروض اللى يدرس البنين مدرسين مو مدرسات أنا هذا رأيى