كل المعلمات بخصوص تولي الاشراف سؤال يقرقع بقلبي تعالوا

السلام عليكم

شلونكم بنات شخباركم ؟

الحين اللي تبي تصير مدرسة اولى تقوم بشغل الناظرة والوكيله وتحوس عندهم ؟ تسوي جداول وشؤون الاداره اهية تسويهم ؟؟؟؟؟؟؟

اعرف 3 صاروا مدرسات اوائل بهذة الطريقة

وهذي وحدة ثانية عاد مادري شلون طريقتها صارت مدرسة اولى الحين

صارلها بالتدريس بس 6 سنوات والحين مدرسة اولى

والمدرسات اللي معاها بالقسم اكبر منها واقدم منها بالتدريس واهية تخطرتهم واهمة مازالوا مدرسات

شي غريب

بعرف الاشراق يعتمد على شنو ؟؟؟؟؟؟؟؟؟؟؟؟

انا اللي اعرفه بالوسائل التعليمية بالحصص النموذجية بالافكار بطرق التدريس

ودكتورتي بالجامعه كبيرة بالسن

تقول يوم كنت مدرسة تعينت اول سنة تدريس ثاني سنة اشراف قسم وبعدها بسنتين وكاله

ماشاء الله عليها

بعرف شلووووووووووووووووووون يصير الاشراف قسم

يعتمد على العمر

على الخبرة

على سنوات التدريس

على الحوسة عند الناظرة والوكليه !!!!!!!!!!!!!!!!

المدرسات الاوائل جم معاشاتهم ؟

السلام عليكم

يالغاليه ليش مستغربه انا الحين توني ناجحه وصرت رئيسة قسم الحمدلله

وصارلي 6 سنين مدرسه

طبعا الاشراف يعتمد على شطارة المدرسه والامتيازات اللي تاخذها والتقادير

انا الحمدلله 6 سنين امتياز ونشاط واشراف جناح واحيانا كنترول وكل المناسبات من حفلات تخرج ومناسبات وطنيه اسويها وفناتق بعد هههههههه

ومشرفة النشاط المدرسي

وهذا بعد غير انتاجي وحصصي اللهم لك الحمد مميزه والمعارض اللي دايما اشارك فيها (تربيه فنيه )

ومشاركاتي بأعمال طالباتي بالمسابقات الدوليه

وتحاظيري المميزه اللهم لك الحمد

وطبعا اكيد هذا من شروط الاشراف اذا كان الامتيازات تستاهل المدرسه ان يجيها الاشراف ومن حقها يالغاليه لانها اتعبت وتلقى تقدير ي وزارة التربيه لاجتهادها

وبالنسبه للاعمال الاداريه طبعا هذا الشي يفيد المعلمه نفسها قبل لايكون هذا الشي من واجباتها ليييييش ؟؟

لان يمكن بعد 3 او 4 سنين يجيها ترشيح للوكاله وطبعا لازم يكون عندها خبره بالعمل الاداري من توزيع حصص وجدول واحتياط

وطبعا اتابع حصص قسمها واتوزع احتياط القسم

وبالنسبه للمعلمات اللي اكبر سنا في القسم

طبعا يختلفون ممكن ان يكونون مو شطار ويمكن يكونون يرفضون ان يكونون مدرسات اوائل مايبون يشيلون رئاسة

واذا يتلهم مدرسة اولى اصغر منهم بعد شنو اتسوي نصيبها وبالاول والاخير هذا شغلها وراح اتأديه

ولازم ان ماتقلل من قيمتهم او من خبرتهم بالعكس لهم كل التقدير والاحترام واتحاول انها تكسبهم بشتى الطرق

ورواتب رئاسة القسم زياده عن المغاش يمكن 30 دينار بس

ادري هذرت وااااااااااااايد بس حبيت افيدج يالغاليه

وان شاء الله تصيرين رئيسة قسم

المدرسة الاولى ما تاخذ شغل الناظره والوكيله

لكن تساعد في توزيع الاحتياط وتاخذ وتاخذ البدلات للقسم وتبلغخم

وفي حالة غياب الوكيله ممكن تاخذ مكانها بتوزيع الاحتياط وعمل البدلات

وتاخذ مكان الوكيله اذا غابت او استاذنت لكن ما تاخذ مكان الناظره

نفس كلام الفنانة ….

ماله شغل اذا تسوي شغل الادارة او لا ماله علاقة
وماله علاقة بالاقدمية مو ذنبها اذا في مدرسات اقدم منها وتقاريرهم مو زينة ما يترشحون
او اذا رفضو .. او ما نجحو بالاختبارات

يعتمد على تقاريرها وشغلها اذا تنطبق عليها الشروط تترشح لرئاسة القسم وتقدم الاختبارات والمقابلة واذا نجحت تصير رئيسة قسم …

كل كلام البنات صح وزيادة علية
تحوس أو ما تحوس بالادارة
في امتحان تحريري ومقابلة شخصية وبهذول ما تفيدها الناظرة ولا الوكيلة
تفيدها معلوماتها عن مادتها وقوة شخصيتها
وفي شغلة
الترشيح لرئاسة القسم ما يجي من المدرسة
يجي من التنسيق بالوزارة
يعني اذا انطبقت عليج الشروط تترشحين اوتوماتيكي من الوزارة والباقي عليج

نفس كلام البنات
انا ترشحت رئاسه قسم عقب 6 سنين
كل قسمي اكبر منى ماعدا ثنتين كبري
بالنسبه للاكبر مني احترامهم موجود والي بينا شغل انا ملزومه أسويه واهم ملزومين ينفذون ماجبت شي من بيتنا
وبالنسبه لمكان الوكيله انا امسك مكانها يوم بالاسبوع ويعتبر تنميه مهنيه لي اذا صرت وكيله ان شاءالله
والترشيح يعتمد على الامتيازات وسنين الخبره وممكن يتساهلون بسنين الخبره اذا احتاجو رئيسات اقسام بهالتخصص

مبرووووووووووووووووووووووووووووووك يالغاليه وتستاهلين كل خير

والله انا عبالي الاشراف ما يكون الا بعد 10 سنين عشان جذية استغربت

وان شاء الله اذا تعينت بس انا مدرسة رياضيات خريجة بطبق الكلام اللي قلتية وبسوي مثلج

بتكونين انتي قدوتي ان شاء الله وبكون مدرسة اولى <<<<<<< اول شي تعيني

وموفقه يا قلبي وانتي قدها وقدود

مشكورة يا قلبي عالتوضيح

حبيبتي أنا نجحت وراح أصير إن شاء الله رئيسة قسم / أولا يعتمد على التخصص إذا مدرسة اجتماعيات
ترشح بعد خمس سنوات أعتقد وإذا مدرسة علوم هم بعد خمس سنوات وإذا مدرسة عربي السالفة إطول
يمكن بعد سبع سنوات فما فوق / وبعدين في مدرسات يرفضون الإشراف

أشكر الأخت فنانة 79 على الرد الكافي وماقصرت كفت ووفت وأعتقد إنى أنا بعد نفس خبرتها وأعتقد نفس مواليدها 79 !!
وحصلت على ترشيح وبعدها اختبار وثم مقابلة( تخصص رياضيات*) ولله الحمد أيضا اجتزت كل هذا وبفضل الله ثم فضل جهودي الشخصية على مستوى الوزارة أو المدرسةأم المدرسات اللي أكبر منها تعاملهم مثل معاملة خوات لها وإذا أصبح هناك مشكلة يمكن المدرسات ما فهموا رئيسة قسمهم عدل أو هم احتقروا خبرتها مقارنة بعمرها وعلى فكرة عمرها الخبرة ما تنقاس بالعمر لكن بالمجهودات الشخصية والتفوق الذهني بالمادة قبل كل شي وآسفة علة الإطالة

انتم السبقون ونحن اللاحقون
والتوفيق للجميع احنا السلفى امطوله 10 سنواتبالنسبة للرياضيات وانا صايرلي 5 سنوات الله كريم

اهم شي انك تكوني كاخذه امتياز ثلاث سنوات متتاليه
بعدها ينزل ترشيح الاشراف
بعدها تسوين اختبار تحريري يبيله دراسه واخذي مذكرات واوراق من مدرسات اوائل ادرسيهم واخذي نماذج امتحانات وان شاء الله تنجحين
بعد الامتحان التحريري عندج المقابله
اهم شي الثقه بالنفس والشخصيه

شدني ردج وصدمني بنفس الوقت

لاني تخصص رياضيات

الحين الاشراف لنا بعد 10 سنوات ؟؟؟؟؟؟؟؟؟؟؟؟؟؟؟؟؟؟؟