معاناة النقل الاجباري وش رايكم

السلام عليكم..

شلونكم ياابلات.. انا اكتشفت اني منقولة اجباري .. عارفة حظي ومجهزة نفسي للصدمة

بس حبيت اسأل كم يوم اداوم في روضتي الاساسية لين انقل يوم يومين اسبوع؟

ثانيا انا مالي خلق اداوم اول يومين احس كني سيلانية تنطر فيزا .. علشان جذي ودي اطقها طبية ولا احد يحاول يثنيني عن هالخطوة <==== يعني مسوية اضراب .. فشرايكم كم يوم اطقها طبية .. ودي اجي الا اوراقي جاهزة مالي خلق تعليقات المدرسات

ودمتــــــــــــــــم سالمـــــــــــــــــــين……

اشوفج احبطيني

اثاري قلبج متروس من هالوزارة

يالله ماعلية والله يوفقج حبوبه

اذا مو مريضة حرام تاخذين طبية

اذا عندج واسطة توقف نقلج راكضي عليها

او ارضي بالامر الواقع يمكن خيرة

والله اعرف وايد مدرسات يقزرونها بالطبيات سبحان الله كلهم امرضو ويدورون الطبية الحين

استهدي بالرحمن وادعي ربج يمكن الله يسخر لج الناظرة اليديدة

رفيجتي انقلوها نقل اجباري العام بعد 12 سنة بهالمدرسة تخيلي
قامت تبجي واتصرخ مسكينة
ولما انتقلت سبحان الله رشحتها الناظرة اليديدة اعمال متميزة وخذت الحين المدرسة اشراف

لا يبا ما تسوى … و ما عليج من احد ..

روحي و داومي عادي … وان شاء الله مدرستجد اليديده ابرك و احسن

حبوبة لا مانع ياخذ معاج يوم واحد
وحدج 3 ايام … يعني على اول يوم انتي خالصه …

ليش الطلبيات دشي المدرسه اليديده من اول السنه وانتي نشيطه بلا طبيه
بلا خرابيط لا تهربين من الواقع خلج سبعه مو 7 وانا اختج ..
وكشخي و تزقرتي و شقي الحلج .. استانسي يبااااااااااه

الله يكون بعونج

ادري المساله فيها احراج

بس انتي تدورين رضا الناس والا رضا الخالق

داومي وصفي النيه وادعي ان المدرسة اليديده احسن من هالمدرسه ولا تاخذين طبيه وانتي ما فيج شي حرااااااام

والله يوفقج وعساها خيرة

مشكورين ياابلات .. بس مااحد جاوبني كم يوم ويعطونج ورقة اخلاء طرف .. يعني مطولة في روضتي القديمة ولا لا؟ جاوبوني بسرعة تكفون..

ورقة النقل يبيلها جم يوم على ما توصل
يمكن 3 ايام وفي ناس توصل من ثاني يوم وفي ناس بعد اسبوع

انتي من توصل اورقة نقلج علطول راح اتسوين اخلاء طرف

يمكن تقعدين بروضتج 4 ايام

قيه ناس يسوون اخلاء الطرف بيوم واحد بس …

ونصيحة تذكري "وعسى أن تكرهوا شيئاً وهو خير لكم"

ومايسوى عليج طبيات من أول السنة مو حلوة بحقج …ملفج بيمشي معاج روضتج اليديدة ..وبياخذون الادارة عنج فكرة مو حلوة

وعسى الله يكتب لج الخير بمكانج اليديد ويكون فاتحة خير عليج

الله يكتب لج الخيره
ودايما تذكري الدعاء
عشان ماتحوشج الضيقه وتكرهين الدوام
اعتقد الورقة تخلص بيوم واحد
وانتي وحظج
الله يكتب لج ولي الخيره انا بعد منتقله من روضتي بس بارادتي
والله حاسه فيج ربي يعينج

الله يعينج اسئلي مجرب انا السنه اللي فاتت اكتشفت اول اسبوع دوام اني منقوله من روضتي اللي بمنطقتي ومنقولة روضة بمنطقه ثانيه بس والله ما سكت من عضو لي عضو وشغلت كل الواسطات لما انتصرت وثبتوني " الحمدلله"
عقبالج

الله يكون بعونج
أخلاء الطرف يعتمد علي شطارة سكرتيرة الروضه والوزاره يعني حيين قلب والا شغلهم بارد ونايمين علي حالهم