|
|
السلام عليكم بنات
قبل سالت اساله وماكان عندكم اجابات قلت افيدكم حق الي يحتاجهم بالمستقبل
الهيئه العامه للبيئه :
ينزلون اعلان وتودون لهم الاوراق مكانهم في الشويخ.. بعد ما تقدمون اوراق اهم يتصلون على الكل و الاتصال مايعتبر قبول .. في امتحان انقلش كله قواعد 30 سؤال اختياري .. و امتحان كمبيوتر وايد سهل تكتبون فقره وتغيرون اللون وتحطون صوره وايد سهل .. بعد الامتحان باسبوعين يتصلون او تروحونلهم عشان تعرفون النتيجه .. اهم بيتصلون على المقبولين عشان يحددون موعد مقابله بعدها يصير القبول
جامعه الشرق الاوسط الامريكيه
تسجيل اون لاين واهم يتصلون عليكم ويبون موظفين .. دوامهم 8 الى 5 بكل الادارات .. وراتبهم 1200 لتخصص اداره اعمال .. عندهم 3 مقابلات واسالتهم عاديه من اول مقابله تحسون انهم يبون يوظفون .. سالوني عن ايجابيات وسلبياتت واذا كان عندي ضغط شغل او احد ما عاملني عدل شلون اتصرف و مقابلتهم حلو وخفيفه .. بس الي ما حبيته وقت الدوام الطويل
اتحاد الصناعات الكويت :
قطاع خاص مكانهم كلش مو حلو ومو معروف يعني باي وقت ننطرد :/ .. لو حكومي مستقل او تابع حق حكومي يكون افضل بس الخاص مو مضمون
وزاره التعليم العالي
مبناهم يديد وحده عجيب مكانه بشرق يم الاميري جدام شرق .. شرح من داخل وموظفاتهم عسل .. الدوام من 8 الى 12 و نص و في ادارات الى 1 ونص .. راتب بكالريوس اداره اعمال 870 .. بس اجراءاتهم تطول يعني انا طلع ترشيحي شهر 9و ديت اوراقي التعليم العالي وقالولي نطري اتصال.. و اتصلو خذو تقريبا شهر ونص .. بعد نا يتصلون مقابله بعدين الفحص