|
السلام عليكم ورحمة الله وبركاته ..
انا الحمد لله عندي علم جيد بأحكام التجويد وأحفظ من القرآن 6 أجزاء وكلها بمجهود شخصي
فكرت لو ألتحق مع ناس عندها نفس اهتمامي عشان تشجعني على الحفظ لاني وصلت لمرحلة متقدمة
رشحوا لي دار القرآن .. وسويت سيرج بالنت حصلت موقعهم خذيت جولة فيه وعجبني حييييل مشالله عليهم صراحة مجهود جباار
اللي عرفته من خلال الموقع انه دار القرآن مو مختصة بس بالقرآن عندها تخصصات مثل العقيدة والفقة والتفسير وعلوم اللغة عجبتني الشغلة هذي
أفكر أدش معاهم بس عندي إستفسارت ياليت ألقى لها جواب ..
أنا طالبة على طور تخرج وإذا توظفت أفكر أكمل دراستي إلى جانب دراستي بدار القرآن … هل أقدر أوفق بينهم ؟ أقصد الدراسة بدار القرآن متخصصة حيل يبيلها تفرغ أو سهلة ؟
أنا غرضي من الدراسة الاستفادة من العلم الشرعي بس لا أكثر .. يعني ما أفكر أني أستغله بوظيفة أو شي ..
شغلة ثانية .. شلون طريقة الدوام عندهم ؟ سمعت أنه فيه مسائي وصباحي .. كم ساعة باليوم ؟
بنات فيدوني الله يجزاكم خير .. حلمي أني أختم القرآن كامل حفظًا ساعودني على تحقيق حلمي
و خلصت الكورس الاول فيها … حفظنا الجزء الثلاثين كامل . و الحين بالكورس الثاني راح نحفظ التاسع و العشرون . و راح نبدأ يوم الاثنين .
للتسجيل ما تحتاجين الا صوره شخصية و شهادة الثانويه العامه …
و الدراسه ما يبي لها اي تفرغ لان انتي تختارين صبح او مساء دراستج حسب المناسب لج . و ثاني شي الدوام 3 ايام في الاسبوع فقط لا غير
واذا تبي بس حفظ قران دشي مراكز الاترجة عندهم حفظ القران خلال سنتين واربع سنوات وستة سنوات
أنا بالعارضية ماذكر أني شفت فرع لدار القرآن عندنا … لا يكون هو اللي قدام المستوصف الجنوبي ؟
هذي سبق ودخلت معاهم بس مو تابع لدار القرآن ..
ياليت تعطيني العنوان عشان أمرهم .. والله كنت متوقعه أقرب شي لنا فرع الأندلس
q879
الأترجة وين مكانهم ؟
وإذا عندج الرقم بعد يكون أحسن
انا بعد افكر ان ادش لاني قاعد احفظ القرآن بمجهودي الخاص
وودي اتعلم احكام اللغة فيه
و شكلي بدش إلي بمشرف
انا اشتغل بدار القرآن
ماشالله يدرسون فيه دكاتره ومهندسين وناس حابه تتعلم كتاب الله واصوله
والدراسه فيها امتحانات وكشف حضور وغياب يعني تلتزمين
تختارين اللي يناسبج صباحي او مسائي
واهي ثلاث ايام بالاسبوع
واي سؤال تبونه قولولي وانا بالشوفه
بس يمكن انسى ادش الموضوع مره ثانيه دزولي اي استفسار عالخاص
الله يوفقج حبيبتي ويجعلج من حفظة كتابه
so^so
الله يجزاج خير ..
خذيت عنوانهم وبمرهم ان شالله قريب وأقولكم شنو صار معاي
وهذا رقمهم 7966075
يعطيج العافية
انا من طالباتهم .. والحين وصلت سادس ..
الدراسه على 8 كورسات ..
3 ايام بالاسبوع .. من 8 ونص الى 11 ونص صباحا
ومن اربع ونص الى 7 ونص مساءا
انصحك بالصباحي .. وانصحك بمركز الفروانيه
اما العارضيه مع احترامي لهم مافي نظام تسيب حيل
وانتبهي
في نظام دورات .. هذي من غير شهاده مثل مركز خيطان
وفي نظام مطور .. هذا اللي درسته ..
لايفوتك .. اجر وصحبه طيبه وتعلم شي مفيد
انصح كل الامهات اللي يودون عيالهم للمدرسه اقضوا النهار بدار القرآن
والله تتغير حياتكم
وجزاكم الله خير
مشالله عليج يعني باقيليج كورسين .. طيب بالكورس كم جزء تحفظون ؟
بالنسبة لي ما قدر صباحي كلش .. عندي دوام
والعارضية أقرب لي حرام اتركه وأروح الفروانية
الشهادة تعادل شنو ؟ يعني 4 سنوات المفروض تعادل بكلريوس
كل يوم أقول بروح لهم أسأل وأنشغل بعد التروايح
اتصدقون شجعتوني اشترك معاهم
انا توني مخلصه الثانويه وراح اقدر اوراقي على الكورس الثاني يعني هالكورس بطاليه
شنو اقرب فرع لدار القران بالعدان
بس اشلون نظامهم لاني ماني فاهمه عدل يعني اهيا دراسه تخصص اخذ شهاده وجم مدتها لاني انا ابي بس هالكورس
بالكورس نحفظ جزء .. يعني تخلصين وانتي حافظه 8 اجزاء من القرآن ..
حيـــــــــــــــــــــــل طيبه الدراسه والشهاده تعطيج فرصه تتوظفين بالاوقاف
واختي قمورة .
انا انصحج تدوامين ..
دقي على دار الفروانيه واخذي رقم الدار الاقرب لج
4734939
والداخلي
127
وبالتووووووووووووفيق