عاجل شركة الملا جروب

مرحبا

اللي تشتغل ب شركة الملا جروب او احد فروعها

تعطيني معلومات

دقوا علي

شرايكم بتعاملهم ورواتبهم وكل شي وشكرا

او اي فرع
او يعرف احد يشتغل فيها

ومشكورين

آنا أعرف وحده تشتغل هناك مرتاحه ورواتبهم حلوه
وفي عندهم بونص
اهي شهادتها متوسطة وراتبها فوق ال 600

وين صايره حبوبه وشلون التقديم ما عليج امر

مشكورة عالرد
وماقصرتي موفقة يارب

اتوقع بالمنطقة الحرة – الشويخ

موفقة

بس حطي سيرتج ببيت دوت كوم

يمكن معاشها مع دعم العمالة مو معقولة متوسطة جذية معاشها

السلام عليكم

حبيبتي اختي تشتغل هناك وبقسم اجهزه الكمبيوتر بشرق صارلها تقريبا 6 سنين تشتغل هناك معاشها مال الشركه 150 دينار وشهادتها رابعه متوسط الحين مع دعم العامله والزيادات اللي يت صار معاشها 520 بس من الشركه ولا زادوها ولا شي حتى بونص ما فيه دوامها من ال8 ليه 12

حبيبتي تبين تقديم عندهم تروحين شؤون الموظفين العنوان بشويخ الصناعيه شفتي ماكدونلدز اللي بشارع الجراجات دشي اللفه اللي عقب المطعم كملي سيدا راح تلقين دوار الشركه راح تكون على يسارج

عندهم بارت تايم

حبيبتي انا رحت سويت مقابلة عندهم بشرق جبال حديقة الشهيد والله ما انصحج كله هنوووووووووووووووود ومو شرط يقطونج بالمنطقة الحرة عندهم افرع واايد وكلهم دوامين قالولي الا الرئيسي اللي بالمنطقة الحرة دوام واحد لي 4 ونص تقريبا لا والمعاش 230 شويه على دوامين بس انتي روحي يمكن تغيرت الاوضاع انا قابلوني من قبل 4 شهور تقريبا
والله يوفقج يااااااااارب

رحت وسوولي اختبار انجليزي
وكمبيوتر وورد واكسل واخذوا الشهايد

شكرا للبنات اللي ردوا

شنوو الوظايف اللي عندهم ؟؟؟؟؟؟؟؟
والشركة تخخصهاا بشنووو ؟؟؟؟؟؟؟؟؟

البنات ما قصروا

مرحبا عليكم…
حبيبتي انا موظفة بالملا اداوم من 8 لين 6 ومعاشي من الشركة 300 مع خصم التأمينات 269 يعني ولاشي ومع دعم العمالة يصير 661 تعب وكراف وكله هنود ولوعة جبد لاوالحين توني متزوجه حولت نص دوام معاشي 150 يعني اردى واردى وبالنسبة للبونص مرتين من اربع سنين حصلنا بونص الله والبونص ضعفين الراتب ..
المهم ماكو تقدير مكان مو شي جنج بالمرقاب لاوازيدكم من الشعر بيت يوم السبت في دوام والحين يوم اني حولت نص دوام ماكو بونص واجازه بس لي 14 يووووم!!!! عقااااب والله.
طبعا اكيد تسألون شمقعدج لين الحين؟؟
لان ببساطه مديري وايد زين ومتساهل معاي ومقدر ظروفي هذي الحسنه الوحيده فيهم…

وشكرا …