|
|
السلام عليكم……..
خواتي بنات الشوون عندي استفسار بسيط وابيكم تساعدوني..
انا مطلقه وعندي طفلين وفي حضانتي وكل واحد منهم ياخذ 120 دينار يعني كلهم 240+45 معاش خدامه المجموع=285 دينار..وانا كنت استلم 447 دينار بس لما خذيت الحضانه خصموا مني انا 136 دينار وصار معاشي بعد الخصم 311 دينار..
والسبب انه عيالي معي وفي حضانتي وقالو اي زياده راح تجي لعيالج تخصم منج انتي يا الام..
زين انا وش ذنبي اذا المحكمه تحكم لهم وتعطيهم وتالي انتم يالشوون تخصمون علي
انا مواطنه كويتيه والدنيا نار وشرار وقسم بالله انه كله طايره علا تقويه بنتي والمدرسين اللي يدرسوني وحضانه ولدي,,هذا غير الجمعيه اللي تاكلج اكل وغير لبسهم وغير علاجهم لانه ولدي اعالجه بخاص عنده ربو,,
بنات انا ماعندي سايق وسياره ولا اسوق وخايفه اطالب بمعاش سايق من طليقي وتالي يخصمون علي الشوون,,بالله قولو لي انا شنو اسوي…….
وعلا فكره انا رحت وكلمت جاسم اللي بوزاره الشوون وقالي هذا حدج..قلت له طيب طلع عيالي من الملف ورد لي 136 قالي اختي مايصير,,,طيب ابي افهم ليه تخصمون علي كل زياده تجي لعيالي مني…انا مالي خص فيهم وهذا خير ابوهم اللي مشالله تبارك الله,,
تكفون شوروا علي شسوي والله متعومسه حيييييييييييييييييييييييل,,والمسووليات كثرت علي وابي ار فع علا طليقي سايق وسياره بس خايفه يخصمون علي وزاره الشوون وبكذا يازيد ماكنك غزيت..بليز بنات اللي عندها رد ترد علي
عسا ربي يوفقكم…ومادري بعد اذا بيخصمون ال50 اللي بتنزل من الحكومه الشهر الجاي ولا لا…مايدرون انه حتى اهلي مناشبيني علا المعاش وكله ادفعي لانج ساكنه عندنا,,,,,
والله العظيم تعبت ابي ارتاح..بليز لاحد يطنشني ويرد علي…للعلم فكرت ادش شركه بس انا على وجهه تخرج والجامعه وتطبيقي ماترضى احد يدرس عنده ويداوم بنفس الوقت……….
ادري هذرت عليكم بس ابي مساااعدتكم جعلكم كلكم تعرسون ويخلي رياجيلكم وعيالكم لكم>>>دعواي عجيز ادري هههههههههههه.gif "Eh S(7)")
وشكراا لكم
الله يكون بعونج ويعينج على تربيه عيالج ،،،،بس ماعندي فكره عن هالامور ،،
إن شاءالله وحده من بنات الشوؤن تفسر لج هالشيء
بنات الشووون عفيه وينكم ردوا علي……..
انتى بس تاخذين منهم معاشج
مالهم شغل بالعيال
سوي كتاب تظلم للوكيل الكندرى
وروحي للوزاره نفسهم عند وحده حرمه هي المسؤوله عن المعاش بس ماادري شنو اسمها
وروحي لبيت الزكاه لاتخافين مافيها شي
اعرف ناس يعطونهم معاش شهرى 180دينار
وبعد شنو اسم المره اللي مسووله عن المعاش…وابي اسم الوكيل الكندري الله يوفقج..ومشكوره ياعمري ولا خلى ولا عدم منج
ان شالله يفيدونج اللبنات
واخذى معاج الاوراق
واذا معاج رجال روحي للوزير وكتبي كتاب موجهه للوزير وتتكتبن فيه اللى انتى كاتبته فوق
او روحي بروحج لازم فيه حل
والحرمه والله مااعرفها روحي سالي عنها
ورديي الاستغفار وهو 0استغفرالله الذى لا اله الا هو عدد خلقه ورضا نفسه وزنه عرشه ومدادا كلماته
طول اليوم ردديها ولمن تروحين نفس الشي صدقينى بتفرج
والله معاج