|
|
بنات عفيه ابي اعرف شنو المستحقات الماليه لمبتعثات التطبيقي للدكتوراه مو للماجستير لان قالولي تفرق
واذا متزوجه ومعاها عيالها
شنو وضعها كامل
مشكورين وماقصرتوا
المخصصات ما تفرق بين الدكتوراة و الماجستير كلهم نفس المخصصات :
اذا كان طالع بعثة الماجستير على حساب الدولة يصرف له 480 دينار كمخصص أول
اما اذا كان الماستر من الكويت يصرف له 2400 دينار كمخصص أول و يكون شامل مخصص أول شهر بمقر البعثة و يستلمهم من الادارة المالية بالهيئة
باقي المخصصات :
480 دينار مخصص شهري
400 دينار بدل كتب سنوي
600 دينار بدل لابتوب
تذاكر سنوية للمبعوثة و زوجها و 3 من عيالها + وزن زائد بمقدار 50 كجم للمبعوث و 20 كجم عن كل مرافق زيادة و هالشي فقط في أول روحة و آخر ردة
رسوم دراسية للأبناء اذا كانوا بمدارس حكومية تدفع بالكامل ، و اذا كانوا مدارس خاصة يدفع 50% فقط
سنة دراسة لغة للزوج
يحق للمبعوث زيارة ميدانية وحدة طول مدة البعثة
هذي المخصصات اللي تكون للمبعوث و طبعاً تكون تصرف عن طريق المكتب الثقافي اللي تابع له الطالب .. بس التذاكر الأولى و المخصص الاول يستلمهم المبعوث من الادارة المالية بالهيئة
تحياتي 
بس 480 دينار شويه انا قالولي مبتعثةالتطبيقي يمشيلها1600 دينار شهري
انتي متاكده
انا موظفة بالمالية هناك و كنت بفترة من الفترات ماسكة المبعوثين يعني معلوماتي اكيدة 1000% و مالج شغل بالحجي اللي ينقال
اللي كتبته لج اهو مخصصات المبعوث في مقر البعثة فقط .. غير عن راتبه اللي ينصرف بالكويت
و اهو 480 دينار .. بس ترى سعر الصرف مدعوم و مثبتينه .. يعطي فعلياً يطلع لهم اكثر من 500 دينار ..
مثلاً مبعوثين بريطانيا ينصرف لهم 1344 باوند كمخصص شهري
راتب المبعوث داخل الكويت و خلال فترة البعثة اذا كان طالع بعثة ماجستير أو ماجستير و دكتوراة هو 1082 دينار
اما اذا كان ماخذ الماستر بالكويت و مدرس مدة يعني عضو هيئة تدريس و بعدين طلع بعثة الدكتوراة راتبه تقريباً 1800 او 1900 .. يعني تقريباً 2000 دينار
أتمنى أكون أفدتج و اذا عندج اي استفسارات انا حاضرة
تحياتي
حبيبتي انا ريلي ماخذ بكالريوس محاسبة من البحرين ووده يكمل ماستر عن طريق التطبيقي شنو الاجراءات اذا اتعرفين ويصير هالشي او لا ؟؟؟
وسوري عيد على لقافتي
والله يوفقكم ان شاءالله
الله يوفق كل طالب علم
تسلميييين اختي ماسوينا إلا الواجب و مشكوووورة عالدعوة الحلوة عزيزتي
====
اختي فونا
الاختي لازم ينطر الاعلان ينزل علشان يقدم عالبعثة بادارة البعثات
و الاعلان من مدة خلص ..
بس نصييييييييييييحة ..
قبل مايقدم خل يضمن واسطته لأن الموضوع يبيله واسطة قوية
اما بخصوص ان شهادته من البحرين
فما عندي فكرة .. يقدر يستفسر من ادارة البعثات في العديلية – مبنى 3 – الدور الأول
لأن انا موظفة بالمالية .. سألوني عن الفلوس اجاوبكم .gif "Eh S(6)")
ميخالف حيبتي عندي سؤاااااااال
جم معاش الاداريات عندكم ؟؟ اذا انا عندي بكالريوس
ومتى ينزل اعلان البعثات عندكم ؟؟
وووووو منو لازم يكون واسطتنا؟؟ يعني منو ماسكت البعثات عندكم ؟؟؟؟؟؟ ههههههههههههههه
ميخالف تعبناااااج بس ندورها دوارة اللي تشتغل بالتطبيقي
عيد الفرح
ميخالف استغلينا موضوعج والله يوفقج
وآسفييييييييين عيد الفرح سألنا في موضوعج بس لأن بالطيييب حصلنا وحده من موظفيييين الهيئه ويسلموووو عالموضوع واللله يوفق الجمييييييييييييييييع.. لما يحب ويرضا..
لوووووول بنات شوي شوي بارد عليكم باللي اعرفه
===
أحلى^حياه
اختي ماعندنا كادر خاص بالهيئة ولا لنا اي مميزات
المعاش نفس ديوان الخدمة المدنية عالدرجات و على حسب اذا لج كادر خاص او لأ
يعني مثلاً انا محاسبة يعني عندي كادر خاص + معاشي
المعاش عالدرجة الرابعة 620 دينار تقريباً
اعلان البعثات ماادري والله .. هذا تسألين فيه ادارة البعثات اهم أدرى
و الواسطة .. يُفضل انها تكون من الدكتور مشعل المشعان نائب المدير العام
لأن عقب مايقبلون أوراقج .. في 3 مقابلات يشخلون فيها المقدمين شخال .. و لازم تشوفين احد يوصيهم عليج
حياج الله اختي و موفقة يارب
====
شقردية ذهبية
انا تعينت عن طريق الديوان بعد
اذا تعرفين احد بالديوان خليه يطلع لج كتاب ترشيح بالهيئة و تعالي راكضي فيه
ماعندنا كادر .. ولا عندنا مميزات .. بس المعاش و على سلم ديوان الخدمة المدنية المعروف
بس الادارة المالية مميزة بشي واحد .. اكثر ادارة يمشي لها اضافي و فرق عمل لأن المالية لعبتنا هالسالفة
و مع هذا الوضع هناك مزري .. و الادارة فعلاً منهارة ..
على فكرة بنات
انتوا وااااااااايد ماخذين مقلب بالهيئة و عبالكم المكان واااااو و اهو مأسااااة .gif "Eh S(1)")
انا عن نفسي باقب منها قريباً ان شاء الله
أتمنى أكون جاوبت على اسئلتكم
و موفقين جميعاً
والله يوفقج ان شاءالله
شنو المستحقات الماليه لمبتعثات و مبتعثين جامعة الكويت للماستر و الدكتوراة؟
وجاري البحث عن مشعل المشعان ههههههههه