|
|
السلام عليكم
بنات حابة اقولكم قصتي بعد ان من الله العلي العزيز علي بالشفاء مابي اقول التام ولكن باذن واحد احد راح اتغلب على كل اللي صارلي وراح افتح صفحه جديده في حياتي وبعملي خاصة
حبيت اقولكم مشكلتي لعدة اسباب اول سبب ابيكم تاخذون العبره لان بصراحه فيها دروس وايد
والله يستر عليكم ويبعد عنكم عيال الحرام خصوصا بالدوام لان هالبشر اللي ما تخاف الله موجوده بكثرة وممكن نتعامل معاهم كل يوم
طبعا قصتي طويله عريضة
عشان جذي راح اقولها لكم على اجزاء وحلقات
ما ودي اختصرها لان اللي شفته مو شوي الله لا يعودها من ايام
كنت اعد ايامي بالدنيا وبسبب هالموضوع لاول مرة اشوف دموع ابوي الغالي
هي وحده بالدوام
والا اقولكم
هي شر وفتنه والعياذ بالله
تخصص تربط عصاعص … نقل اخبار للمسؤل .. تشهير بالبنات … استفزازيه درجه اولى همها الوحيد فرق تسد .. قصتها قصة بصراحه همها انها توصل للي تبيه ولكن بطرق غير مشروعه وتدوس على كل من في طريجها
واللي يساعدها بهالشي
جسمها ولبسها المحزز والمخصر والمكشوف وصوت ضحكاتها العالي اللي ما بقى شخص بالدوام ما تاذى منه
مابي ادخل بسلوكياتها .. الله يستر عليها
لكن الله العالم
هالبنت هذي
سببت لي مشاكل مالها اول من تالي
انتقلت من القسم اللي انا فيه ورحت قسم ثاني
وهم ما تركتني بحالي
طلعت من الوزارة وانتدبت في وزارة ثانية واهني اختفت وارتحت منها
وبعد ما خلص ندبي
عادت ريما لعادتها القديمه
ولما بلغت المسئول اني مابيها تتعرضلي وابدى المسؤل تعاون كبير خصوصا بعد الشكاوي الاخلاقية من المتزوجات والاخوان السلف اللي معانا بالدوام
انشرت اشاعة كبيره انتشرت على مستوى اني على علاقة بهالمسؤل لهذا وقف معاي
تخيلوا كنت اروح الدواك كل يوم وفجاة القى نفسي باخر الدنيا اطالع والا معدية الدوام وانا مو حاسة بنفسي
او اوصل للمواقف وفجاة اقرر ارجع البيت من غير ما ادخل
من الله علي بهالعام بحج بيته وكانت طول الوقت تعلق وتتطنز علي اني بهالعمر صغيرة وحجيت وتراهن على ان حجتي مو مقبوله لاني صغيره وما راح التزم
ولما كانو ينصحونها البنات بالحجاب تقول ليش اتحجب ترى مو كل وحده متحجبه زينه شوفوا فلانه وتقصدني طبعا رايحه الحج والمشكله تقولها جدامي اقولها ليش شفيني انا بنظرج تقول وي زعلتي اشفيج اتغشمر وتقوم تبوسني جدام البنات ولما اقولها مو بكيفج تستفزيني وتحرقين اعصابي وبعدين تقولين اتغشمر
وتطلع هي بالزينه جدام البنات وانا حقودة لاني رديت عليها
تكلم واحد بالدوام وصدفه دخلت انا والا تقوله ( بالتلفون طبعا ) حمود دشت فلانه ال ( كلمة وصخه حيل ) لما تصكه اقولها منو حمود هذا تقول واحد تعرفت عليه بالدوام انصدم واقولها معانا بالدوام وتقوليله جذي ؟ لو مو بالدوام وهم ما اسمح لج تتلفظين هاللفظ علي
تقولي ابي اثبت له انج رفيجتي لازم اقط هالكلمات اللي بينا ميانه لان هو مرة سالني عنج وقلت له هذي من اعز رفيجاتي قال ما اصدق انتي وين وهذي وين هذي ابتسامه ما تبتسم ولا تتلفت وانتي طول الوقت من مكتب لي مكتب قلت له راح اثبت لك انها رفيجتي بس اهيا تستشرف بالدوام بره غير
تصدقون تطقني البوهه اقولها ليش تقولين جذي انتي متزوجه وانا بنت اذا انتي ترضين على نفسج سيرتج على كل لسان انا وراي اهل تقول اوه اكره البنت اللي تستشرف !!!!!
بتقولون قطعي علاقتج فيها صح
تدرون شتسوي تروح حق بنت بنت تقولهم روحو شوفو فلانه اسلم عليها ما ترد وييون البنات عشان خاطرنا والله تحبج بس اهيا اسلوبها بايخ
تدق علي ما ارد عليها
تدق من تلفون بنت ثانيه ارد احسبها البنت ذيك تطلع اهي تقول ليش ما تردين
ومسكينه صاحبة التلفون تنحرج وتقول والله اهيا خذت التلفون غصب
مسؤلي القديم اللي انتقلت من قسمه بسبتها كانت توصل له البنات شيقولون عنه ولما زفيتها وقلت لها ان زلغتيلهم وايرات راح اقولهم حفرت بيني وبينه وخلتني ليومكم اكرهه كره العما
المسؤل الثاني اللي انتقلت عنده قامت تسال اللي تعرفهم عن حياته وعدد عياله وشوي شوي وصلت له وخذت رقمه وطرشت له مسجات وبالصدفه قاعد يسولف مع واحد بالدوام وقاله في رقم وايد يزعجني ويطرشلي مسجات ( الغترة هذي احلى من الشماغ ) ( اليوم وينك ليش مو مداوم ) ( ياليتك مسؤلي ) فقاله الموظف الثاني الظاهر احد بالدوام اللي يعرف انت شلابس والا مداوم عطني خلني اطلعه لك ولما عطاه الرقم عرفها لانها مرة طالبه منه يمشيلها طبيه وعلم المدير وطردها من مكتبه تتوقعون مسؤلي شقالها؟
قالها انتي ما تستحين مو عيب عليج حركات بنات شوارع انتي مرة متزوجه ام عيال
قالتله هذي مشاعري بكل وقاحه!!
طبعا السالفه هذي انا عرفتها منها لما سحبني مسؤلي وقالي لوسمحتي مابي اشوف رفيجتك بالقسم هني قلت له ليش؟ ستر عليها طبعا وقال لا بس هذا القسم اكثره شباب وهي صوتها عالي تبينها روحيلها قسمها
قلت له لا يسلم راسك انا بروحي منحاشه من هذاك القسم ومنتقله عندك
طبعا هو عقب ما زفها قامت تتردد علي بالقسم بقصد احراجي معاه والظاهر تبي تشوفه لانها ما راح تقدر تدش مكتبه
فطبعا وصلت لها الرساله وقلت لها لو سمحتي مسؤلي مو راضي اي بنيه تدش عندي من قسم ثاني وطبعا ما قلت ان المقصود اهيا جمعت كل البنات عشان ما احرجها
جان تقول عيااااااااااار تدرين انا شسويت فيه وقالت لي السالفه اهني تمنيت الارض تنشق وتبلعني قلت اكيد راح ياخذ عني فكره غلط لان يشوفها 24 ساعه قاعده عندي والمشكله ما تسولف معاي يا واقفه عند الباب تكلم صبي يا ماسكة التلفون
ثاني يوم قلت بروح له وبكلمه بس ماني يايبه سيرة الموقف السخيف اللي سوته فيه لان اهو بنفسه ستر عليها
قلت له بو فلان احب اوضح شي فلانه ترى زميله دوام حالها حال باجي البنات وصدقني انا ما ودي اخسرك كمسؤل عقب ما طلعت من قسمي الاساسي اللي تعينت فيه
وقالي قعدي استريحي
انتي بنت ناس وحمايل لا تسمحين لاحد يخرب على اسمج واخلاقج ولا تستقبلين اي شكل بمكتبج قلت له انا ما اقدر اطرد احد
قال لا تقدرين واللي مو عاجبه يراجعني انا رئيس القسم بصراحه ارتحت من كلامه مع ان ما لمح لا من بعيد ولا من قريب ان يقصدها بس طبعا انا لانها قالت السالفه فاهمه قصده
وطبعا كنت كل يوم ادش مكتبي واصك الباب وما افتحه الا نهاية الدوام وحطيت ورقة شكبرها ممنوع الدخول حتى مسؤلي لو يبي اوراق يطرشها مع الهندي اطبعا واوديها
قامت تقعد بقسم ثاني بس قريب على غرفة مسؤلي عشان تشوفه كل يوم وانا بصراحه وانا طالعه اوديله الاوراق ما اقدر ما اسلم عليها ان شفتها لان يكون معاها بنات اضطر اسلم عليهم وعليها لما تشوفني يايه تعلي صوتها وتتضحك حيل يقولي مسؤلي وانا طالعه من مكتبه ولا عليج امر سكري الباب وراج انبط راسي من هالمسخرة
اخر ايام قام يطلع من طورة ويقول شهالقلة الادب جدامي طبعا وانا ويهي يحمررررر ما ارد بولا كلمة
مرة كنت عنده اشتغل لان السيستم معلق بس بمكتبه شغال فقالي طبعي اهني واهو راح قعد عالقنفه فاللي يكون برة يشوفني انا قاعده عالمكتب واهو عالقنفه ينقلني الارقام
واهي طبعا بالقسم اللي برة قريب على مسؤلي ماتت من الحرة على بالها في بينا اعجاب
انا عمري نص عمرة تخيلوا بس كل يرى الناس بعين طبعه
وقفت عند الباب وبكل وقاحه قالت له ولا عليك امر ابي رفيجتي بكلمة راس ممكن
طالعني وقالي تفضلي قمت وقالي خلاص روحي مكتبج انا اطرش لج الاوراق طبعا الريال تضايق جنه ما يبيني ارجع له لما قلت لها شتبين قالت ولا شي بس ابيه يشوف بدلتي
تخيلوا؟؟؟
طالعتها بنظرة احتقار بس المشكله اني ما احب صوتي يعلى بالدوام والا جان علمتها الشغل
قلت لها صج انج ما تستحين قالت انا والا انتي
تسوين نفسج محترمة واهوا يطالعج وانتي تطبعين وده ياكلج
قلت لها شوفي يا بنت الناس انتي بسكة وانا بسكة رجاء انا مابي معرفتج انا اعرفج من الدوام بس مابينا لا طلعات ولا زيارات ولا اتصالات فعشان نمنع الفضول اذا كان معاج بنات وشفتج بسلم عليج
بس اذا كنتي بروحج لسانج ما يي على لساني حتى سلامج مابيه
قامت شتسوي تتوقعون؟
عشان ما احرق الموضوع وارك الاحداث
اكمل لكم باجر
وحسبي الله ونعم الوكيل
هذي المفرووض يسوونلها نقل من الدوام بكبره علشان تفتكون منها
اففففف حدي انقهرت
حبيبتي انتي وراج زواج والبنت سمعه
هذه ماتشرف كلش
والله انقهرت من حركاتها السخيفه اللي ماتحشم احد
خليها تولي ولاتسلمين على هالاشكال الخايسة اللي يكافيج شرهم
امبي شي مستحيل يتصدق
قلة ادب وناطرتج حياتي
ء
لما عطيتها انذار وقلت لها مابي اشوف رقمج بتلفوني كرهت الدوام بسبتج
حطتني فبالها
وطبعا هي همها الاول مسؤلي اللي عرضت نفسها عليه وطردها وحقرها
اشلون توصل له
خصوصا قسمه قسم شباب وانا البنت الوحيده اللي موجوده وطبعا ما انتقلت قسمه الا من ظيمها اللي شفته عند مسؤلي القديم اللي صار خاتم باصبعها كل يوم توصل له اخبار البنات
اهيا عارفه ان البنات اذا اسالوني اشفيج على فلانه بقول ماكو شي
بصراحه ما اقدر اقولهم سالفتها مع مسؤلي لانها سالفه تفشل وانا ما احب افضحها
فكنت اقولهم حنانه تدق وايد وتعاتب وايد وتتزعل وايد وانا بصراحه مالي خلق وبعدين انا ما اقدر اتحرك من قسمي ولا اقدر اييي قسمكم عندي شغل
ومسؤلي ما يرضى البنات ييون قسمي لان كله شباب ما يبيلكم الاحراج واهيا تحن تعالي قسمنا خل نقعد معاج
قالو خلاص استاذني من مسؤلج كل يوم ساعه وتعالي تريقي معانا ما راح يقول شي مسؤلج ريال ستير يدري انج بنت بروحج وبيعذرج
طبعا الكل يتمنى مسؤلي لان صج ريال شهم ويخاف الله وما يحب يرد احد حتى هذيج التعبانه قبل لا تسوي سالفتها معاه كان يعاملها بكل طيب ويعتمد لها الاجازات والطبيات لان اهو اللي بيده هالشي بس اهي خذت طيبته بسوء نيه واعرضت نفسها عليه عشان جذي طردها
مع الحاح البنات خصوصا انهم كانوا بنات قسمي القديم وبيني وبينهم تقريبا 3 اشهر عشرة …
تخيلو موظفه يديده وعقب 3 اشهر انتقل من قسمي بسبب هالبسوس
المهم ..
استاذنت من مسؤلي اني كل يوم الساعه الفلانيه بروح القسم القديم عشان البنات قالي ما في مانع
قام مسؤلي القديم وبتحريض منها يغثني اول شي بحجة اني اعطل البنات عن الشغل
ومرة قال حق مسؤلي ان في وحده وصلت له اني متكلمه عنه وزفه مسؤلي بصفته مديره قاله استح على وجهك انت رجال عيب تسمع كلام الحريم وعيب حاطلك جواسيس
قاله لا حشا بس انا ابلغك لانها موظفه عندك ابيك تمنعها تيي قسمي
قاله مو من حقك انا المدير اهني وانا اللي احط حظر تجول مو انت اي موظف من حقه يروح للقسم اللي اساسا بالوزاره هو قسمه طبعا يقصد اني بالوزارة بالقسم اللي عليه هالصيحه اما موضوع النقل هذا شغله داخليه عشان بدلاتي والكادر ما يروح علي
طبعا هذاك انغث ووصل لها
اما انا اشلون عرفت بهالحوار اللي بينهم
فعرفته منها قالت حق وحده من البنات بقصد انها بتسوي انقلاب عالمدير اللي اهو مسؤلي فقالت لها تصدقين مديرنا صاير خروف بيد فلانه لدرجه انه هزأ مسؤلنا عشانها
هذي خطرة باجر اي وحده فينا مو راضيه عليها بتطيرها باشارة منها للمدير
طبعا البنت ما صدقتها لانها تعرفني عدل وزفتها قالت لها عندج شي قوليه فويها مو شغل الحراميه تقضبين كل وحده وتقولين لها بقولج شي بس مو تعلمين وانتي قالبه الدوام بسيرة البنت وبعدين عيب عليج طفشتيها من قسمنا والحين بتطفشينها من قسمها صارت اهيا اللي تتنقل من قسم لي قسم جنها منبوذه مع ان هالشي لازم انتي يصيرر فيج
وجمعت كل البنات وقالت لهم جدامي وجدامها
طبعا اهي تنرفزت وقالت مو شغلي مسؤلنا قال وانا قلت عشان احذركم
راحو الحريم الكبار اللي بالقسم حق المسؤل ينقدونه على تصرفاته قال هب بويهم وقالهم مو كافي ساكت عنكم تحشون فيني
الله يلعن هذاك اليوم كان صيحه بين الموظفات القدم وبين هالمسؤل الطايش
وحسيت ان كل هذا بسببي انا مع ان ما علقت كلش عالموضوع
راح مسؤلهم حق مسؤلي وقاله قايل لك انها تسوي مشاكل يقصدني طبعا
وقال الحوار اللي بيني وبينك شدراها فيه
لان البنات اللي دشو يهدون عليه ما قالوله ان هذيج النجسه قالت لهم
دشو يهزؤون بس ما تطرقو اشلون عرفوا السالفه
طبعا انا ما يهمني اثبت له شي
لان فعلا مسؤلي ما قالي ولا كلمني
وانا سمعت السالفه حالي حال البنات بوقت الهوشه
ومسؤلي لان واثق من نفسه قاله اسمع السالفه ما تعدتك محد غيرك طلعها تدري ليش لان محد يحب سوالف الحريم غيرك وانا الحين بخيرك اما تتنحى عن رئاسة القسم لانك مسؤل على بنات ومن كثر ما مجابلهم صرت واحد منهم !!!
صج فشله وسمعه كلام يثلج الصدر بس الكلام الصج اللي كان تاثيره علي لما واجهت المدير اللي اهو مسؤلي
تدرون شنو صار وانا رايحه بناءا على طلبه لي ودموعي اربع اربع؟
اكمل بعدين
حسبي الله ونعم الوكيل
انا نفسج ماحب اجرح أحد وأتضايق لو جرحته حتى لو كان يعاديني بس ماحب اسبه واقط كلام وصخ أو جارح بحقه .. يمكن طبعي اني اتجاوز واعطيهم اذن صمخى ..
بس انتي غلطتج انج تسلمين عليها عشان البنات !! المفروض تسلمين عليهم وتتجاهلينها اهي واذا احد تدخل وقفيهم عند حدهم وقولي الموضوع اللي بينج وبينها مايخصهم واللي صار بينكم اكبر من انه ينقال او ينسكت عليه … وبلاش من سلامها انتي غنيه عنه
ولما ياتج بالمكتب وقالت ابي رفيجتي جان رديتي عليها وقلتيلها مابينا كلام وأي شي تبينه قوليه اهنيه جان بينتي لمسئولج انه مو هالاشكال هذي انتي ترافجين
وناطره الباجي ,,
^
^
^
اختي العزيزه
انا كان كل همي مسؤلي ودوامي
ما احب ابين له اني انسانه حجايه او اني عارفه الموضوع اللي سوته لما دقت وتحرشت فيه عشان لا احرجه ويقدر يتعامل معاي كمسؤل ومدير على باجي الموظفين
بعدين هو ريال كبير بالنسبه لي عالاقل
بيني وبينه 20 سنه
ما حبيت ادقرها جدامه واهي واقفه على بابه واهي وجهت الكلام له قالت له ابي رفيجتي وقالي تفضلي
فما قدرت ارد فوق رده
وهم السلام عليها جدام البنات
انا مابي اخسر بنات الدوام واردهم
وايد كنت ما اسلم عليها وكانو يجوني للغرفه ويقولون طلبانج طلبه لا تشوفينها تكسر الخاطر تقول انها تدق عليج وانتي ما تردين
فكسبت قلوبهم وطلعت انا بالشينه
صج سوسه حسبي الله عليها وعلى كل ظالم
كملي كملي عفيا لا تخلينا على اعصابنا
حسبي الله عليها حسبي الله عليها صج صج صج صج قاااااااهرتني
كملي حبيبتي عورتي قلوبنا