|
|
السلام عليكم بنات .
في واحد مصري . شفتله اعلان بجريده اعلانيه . كاتب اسمه الشيخ : العزازي الازهري .
و اِنه يعالج العين والسحر و المس ………… الخ
دقيت على الرقم . سألته اذا يشتغل بالكويت ؟ قال انه خطيب و امام بوزارة الاوقاف .
وماسألته اي مسجد (استحيت) >>> بيقول اشكره شاكه او داقه تحقق ؟ 
وماعنده مكان يرقي فيه . يجي للبيوت . وكاتب (( لابد من وجود محرم للنساء )) .
في ناس محتاجيين رقيه . ومشايخ الكويت ( جزاهم الله خير ) مانبيهم > زحمه و أحس مايعرفون او يمشورون الواحد مايعطون الزبده . المهم مانبيهم و خلاص .
ومنير عرب > مانبيه
فالبنات اللي يشتغلون بوزارة الاوقاف يقدرون يساعدوني بهالموظوع .
بعرف العزازي الأزهري < هالأسم صج خطيب و اِمام معتمد بوزارة الاوقاف ؟
و اذا صج ؟ هل مسموحله انه يشتغل راقي لحسابه ويجي البيوت ؟ >> اجل متي يجابل المسجد و يأم و يخطب؟
انا قلتله مابيك تجي البيت . قال > ادبر مكان و أقولج .
انا ماابي احكم عليه بسرعه انه موزين الا عقب مااتاكد لان مثل ماقلتلكم ( ناس متأذيين ومحتاجيين رقيه ) .
هم يرقون نفسهم بس اللي فيه بلا ( لابد يروح حق واحد خبره و عارف ) > و هالشي جائز بالاسلام .
يعني لاأحد يقول خل يرقوون نفسهم ؟
واخيرا . حسبي الله على الحساد و السحره . حسبي الله وكفي 
قال رسول الله صلي الله عليه وسلم (( علام يقتل أحدكم أخاه؟ ….. إذا رأى أحدكم من أخيه ما يعجبه فليدع له بالبركة )
______
ليش يا خلق الله تقتلون اخوانكم المسلميين < بعيونكم و بسحركم (( حرام عليكم .
كل وحده تحس انها ضرت وحده بعينها < تروح من نفسها تتوضي و تعطيها وضوئها و تقول لها توظي فيه .
احس نفسي فزت عليج ))
اللي سحرت >> روح تبطل السحر .
الناس متأذيه
الناس متعطل نصيبها نصيبها
الناس نفسيتها تعبت .
الناس مرضت
الناس حاشها سرطان
الناس تشتت
الاخوان كرهوا بعض .
العوائل تفرقت .
الاخ قطع باِخته
البنات عنسوا بالبيوت .
الازواج انربطوا عن زوجاتهم
الأب مات غضبان على ولده .
الام ماتت غضبانه على بنتها .
بسبب العين . بسبب السحر >> حرام عليكم .
غمطوا عيونكم .
انتي . اي انتي ؟ غمظي عينج
تخيلي انج الحين تبطليين عينج تلاقيين ملك الموت واقف يمج بياخذ روحج .
تري الحين بتلتفتيين على يمينج تلاقيين ملك الموت واقف يبي ياخذ روحج .
بس تذكري ..
تراج ضريتي فلانه بعينج . تراج ضريتي فلان بسحرج .
انتي تعرفيين منو اقصد .
شفتي فلان و فلانه ماراح يسامحونج
ماراح يسامحونج .
ماراح يسامحونج
ماراح يسامحونج
ياويلج من ربج .
لما يلفونج بالخام الابيض
ويحطونج بالقبر
ويسكرون عليج بطابوقه
و يحطون عليج تراب
ويروحون ويخلونج .
بيروحون ويخلونج .
يخلونج بروحج .
بالقبر
بروحج
بالظلمه
بس بروحج . مامعاج زوجج . مامعاج حبيبج . مامعاج ولدج .
انتي وبس بروحج .
لما يروحون >> الله يرجعلج روحج .
وبيقولج < ليش سحرتي فلانه . ليش حسدتي فلانه ؟
انا عطيتها من فضلي . انا رزقتها .
رزقتها بالمال . بالجمال . بالزوج الصالح المحب الحنون المتفاهم . رزقتها بذريه . رزقتها بشهاده وبمنصب .
رزقتها بحب الناس > بحب زوجها . حب خالتها . حب عيالها لها و برهم فيها .
ليش كنتي سبب بضرها و تعبها و مرضها و دموعها و تعاستها و الامها و وحدتها .
بيقولج > انا قدرت لفلانه الخير .
بس انتي ماعجبج قدري . مارضيتي بقدري ______________ واستعنتي بالسحره عشان تغيريين قدري .
بارزتي الله . عاندتي الله .
حسبي الله عليج
حسبي الله عليج .
شنو بتقوليين لربج ؟
ارجوكم فكوا السحر اللي سويتوه . توضوا وعطوا الناس وضوئكم .
تري بعد اشوي بتموتيين
او باجر
او بعد سنه
او 20 سنه
و بتقابليين ربج و بتحاسبين عن كل دمعه و اه و هم و غم و مرض و مصيبه وخساره تسببتي فيها بعينج و سحرج .
اللهم اشفي المحسوديين و المسحوريين عاجل غير اجل يارب العالميين
اللهم ارفع بلاء العين و السحر عن أمة محمد صلي الله عليه وسلم .
حسبنا الله و كفي
وكلامج صح ياريت هالناس هذي تفكر باخرتها وانه اللي قاعد يسون شرك بالله سبحانه والله ما يغفر للمشرك
الله يهديهم
الله يفك عووقج
بس بالنسبه حق الشيخ ما اعرفه وأول مره اسمع فيه
ان شاء الله البنات يفيدونج 
اختي بس سؤال
منير عرب شايفة عليه شي؟
ارجو الرد لاني اودي الوالدة له وهي مرتاحة لقراءته
بس اذا فيه شي ما نعرفه ياليت تنورينا
حسد وحقد وعين وسحر على شنوو
كل هذا اعتراض على اللي عطاه الله لغيرهم !!
صج مؤثر حيييل
والله يفك عوقكم يارب
حشا الناس بس تطالع رزق بعضها عن نفسي انا محسودة بامتياز والحمدلله علي كل حال
لو اشرب الماي والله الكل يشرب وراي زهقت
|
المشاركة الأصلية كتبت بواسطة ما أروعك!
 الله يشفيج ويشفي مرضانا ومرضى المسلمين
اختي بس سؤال منير عرب شايفة عليه شي؟ ارجو الرد لاني اودي الوالدة له وهي مرتاحة لقراءته بس اذا فيه شي ما نعرفه ياليت تنورينا |
انتي سالتي و أنا بجاوبج بأمانه و باختصار .
1) سمعت انه يتعامل مع الجن 2) لما رحتله شخصيا ( مارتحت ) و ماكررت المراجعه .
انا سمعت انه يتعامل مع الجن . ماشفت بعيني و لا سمعت باِذني .
ناس قالولي >>>>>>>>> (((( تري سمعنا انه يتعامل مع الجن ))) = يعني مشايخ نفسه قايليين عنه .
انا قلت يمكن اشاعه >>>>>>>>>>>> لانه مشهور + و ناس وايد تشافت على ايده (بفضل الله) ,
ورحتله < بس مارتحت لعدة اسباب . منها ؛؛؛؛؛؛ انه وايد open مع الحريم
مايقول هاذي بنت شباب و هاذي عجوز .
لا . يضحك و يتغشمر ويطييح الميانه مع الكل + لما يكلم البنت يلصق فيها حيل حيل حيل .
انا وهو يفتر على الحريم يسألهم عن حالتهم > قلت امبيه شنو هذا ( وايد لاصق ) .
ولما وصل عندي . والله اني ادز الطوفه بظهري ( ابي ابعد عنه ) .
ويعلق عاللبس و الحواجب ( مو كنصيحه . لا بضحك . استغفر الله كأنه حبيبج او زوجج ( يعني بشكل ودي ) .
ليش حواجبج جذي مع ( فيس مبتسم ) و ( شنو أصلج ؟ ) > شكوو شنو أصلي .gif "Eh S(8)")
المفروض المسلم مايبدر منه هالتصرف مع النساء المو محارمه ,
فمابالج بشخص (على بو مطوع) >> ( أطلق لحيته و قصر دشداشته ) , و فوق المطوع + راقي بعد .
انا مااقصد انه يكون منفر و نفسيه وعصبي . بس هم مايكون جذي .
يارب لا تحسب هالمشاركه ( قذف بحقه) . انا قلت اللي
سمعته و اللي حسيته لمن راجعت عنده .
________________
وعشان جذي سألت عن العزازي الأزهري .
مابي يطلع فيه بلا بعد . ( لاحول و لاقوه الا بالله )
والله يغني كل محتاج بفضله .
والله يرفع البلا عن كل مبتلي .
موظفات وزارة الأوقاف . وينكم . ابي اجابه لسؤالي ؟
الله يبعدنا عن(( الحسد)) اهم شي وايد تلعوزت ولا بعد من اقرب الناس لي
انا صراحه ماحب اروح لمشايخ وجذي طلعت من النت رقيه ودزيته بفوني واسمعها
والصراحه ارتاح ومدتها تقريبا نص ساعه
ويالله يبعد عنج الحسد والسحر اميين يارب
وان شاءالله البنات يفيدونج
وعسى الله يشفى المرضى عااااجل غير اجل ياااارب العالمين
بالنسبة لموظفات الاوقاف تحصلينهم بقسم الحياة العملية