|
|
السلام عليكم .. بنات انا قدمت على التطبيقي بس قاعدين يبربسون فيني وشكل السالفه مطوله معاهم 
وعندي حاليا واسطه في هالمكانين الهيئة العامة للرعايه السكنية و وزارة الماليه …
طبعا السلبية الوحيده فيهم الدوام لين الساعه 2.15
ايهم احسن ؟؟ وبالنسبة للاقسام هل فيها اختلاط وإلا ..لا وإذا تعرفون أي شي عن هالاماكن ساعدوني
up
الله يوفقج حبيبتى 
الاسكان مؤسسه مو وزاره فافضل من الماليه
الاسكان مبنى يديد فافضل
الاسكان بعيد عن الزحمه فافضل
شنو شهادتج ؟؟
بالنسبة الاقرب لي ثنينتهم بعدين شوي علي لكن افضل الاسكان لأنه مثل ما قلتوا بعيد عن الزحمه ولكن افضل الماليه لأن اغلب الاقسام فيها بنات ..والاسكان قالوا لي اغلبها ريايل ..وأنا ما احب الريايل يتخطرفون عندي ..فـ شسوي ؟؟
شوروا علي ؟؟ انزين الاقسام بالاسكان خلط ؟؟وإلا البنات لحال والريايل لحال ..؟
وبالنسبة لشهادتي بكالريوس آداب ..
انتم بالاساس قلتوا لي إدارية بعدين قالوا لا .. وقفنا قبول البكااريوس كإداريات وإذا تبين نوقعج على تعهد أنج تكونين سكرتيره !!!!!!!
صـــراحه فكرت فيها مستقبلياً ..يعني اغسل ايدي من ترقيات أو مناصب اتم طول عمري سكرتيره لا يبا ..اطلق ساقي للريح افضل وادور مكان ثاني ابرك لي ..والله احترت أنا الماليه ودي فيها لأن اغلب اللى فيها بنات والاسكان قالوا لي العكس ..بس الماليه بالديره وزحمه متى اوصل ؟؟ الاسكان مكانهم حلو ومافيه زحمه بس كله رياييل ..
ووووين ارووووح ؟؟؟
والزحمه شتسوين فيها مالج ذنب هذا الحال
انا شفت الماليه ماشفت وايد رياييل واذا عن السكرتاريا مادري يمكن تترقين لانه شفت رئيس قسم السكرتاريا اكيد كان سكرتير
والزحمة على قولتج فينا فينا ..مالنا حل فيها
وبالنسبة لموضوع السكرتاريه عندي معارف بالديوان ما نصحوني ابد أني اقبل فيها لأن قالوا الدرجه الخامسه يصير لهم أما الدرجه الرابعه مستحيل يحطونج سكرتيره أقل شي إداريه عشان تضمنين حقج بالترقيات وبالنسبة لرئيس السكرتاريه يكون إداري وله سنوات خدمه طويله بصراحه شلت التطبيقي من بالي عقب هالسالفه وإلا كان خاطري فيها بس يمكن خيره من ربي ..
مشكوره على الرد وموفقه