بليز اللي يشتغلون او اللي عندهم معلومات بشركات الاتصالات (زين/فيفا/الوطنية) تدش

شخباركم ؟؟

انا خريجة جامعة الكويت تخصصي علم نفس (طايح الحظ)

ابي اعرف جم معاشات شركات زين وفيفا والوطنية بالضبط .. يليت اللي يشتغلون هناك او يعرفون احد قريب يشتغل هناك يردون علي ..

لأن انا وحده قالت لي ان معاشات الوطنية 800 دينار ..؟ استغربت .. وانا سامعه ان معاشات شركات الاتصالات اعلى خصوصا ان دوامهم طويل وكراف و8 ساعات ونظام شفتات ولانهم قطاع خاااص فمعاشاتهم اعلى ..

انا مضايقتني سالفة ان الدوام 8 ساعات مع اني احب الشغل .. بس احس 8 ساعات وايد خاصه ان مرات نداوم لي اللي .. بس قلت بقدم ودشت الوظيفة مزاجي عشان المعاش العالي ..

ويعطيكم العافيه

لانه الوطنيه طايحه حظ مع احترامي عشان جذي معاشهم منخفض

شوفي المعاشات على حسب الشهاده والشغل والمكان

شركه زين مثلا كل اداره وقسم يختلف معاشها عن الثاني وفي شي اسمه اوفر تايم وشفت وبدلات وبونص يعني المعاش مايكون ثابت

بس شركه زين راتبهم فوق 1000

^^

حبيبتي مشكوره عالرد

صج عاد الوطنيه طايح حظها ؟؟ توني ادري ..

انا حلمي فيفا بس ماادري هم عن معاشاتهم يمكن يكونون نفس الحاله …

مشكووووره نعومه :*

اسال الله ان يوفقج ويرزقج الوظيفه والراتب اللي تبينه باذن الله

^^^

آمين مشكوره حبيبتي الله يسمع منج ..

ويوفقج ويوفق الجميع يارب ,,

اب لعيونج

*^ مشكوره حبي

واي عفيه ردو انا قلت برد العصر بلقى كل الناس رادين =((((

حبيبتي احسن شركة اتصال من كل النواحي زييييييييييييييين فيفا هبه وبتفج

زين ماشاءالله قويه انتي قدمي وشوفي اذا قبلوج ان شاءالله بس ترا وايد كرف يمكن ماتتحملين ؟؟ اذا تصبرين على الكرف هنيه شي ثاني

ترى 1000 هذي مع دعم العماله مو الشركه تعطييج الف راتب الشركه بكون بحدوود بين ال 500 و550 ويمكن يوصل 600 طبعا للي يشتغلون في كول سنتر لهم حسبت راتب غير..

والي تشتغل شغل الادارات الادارات مافيها شفتات دوام واحد من ال8 لي ال 4 وبالنسبه للشفتات عاده البنات ماينحطوون في شفتات بعد العصر

طبعا غير الراتب لج كل سنه موبايل يديد وخط مدفوع المكالماات بالكاامل وهذي غير العروض على النت وهالسوالف والبونص الي اخر السنه ..كل شركه تفرق عن الثانيه ماكو راتب ثااابت

احسن شي انتي ادقيين على شركه شركه وتساليين جم الراتب الاساسي وشنو البدلات طبعا الراتب الي بقولج ايااه حطي في بالج انه بدون دعم عماله

نعوومه وفراوله مشكورين وااااااايد

نعومه .. انا اسمع ان زين اقوى شركه ,, وبما انهم اقوى شركه ادري يتشرطون وجذي (وانا تخصصي طايح حظه ويمكن ابدع بالمقابله فحاطه الامل بفيفا عشان جذي اقولج اتحلم فيها ) ،، وعالشغل والتعب انا راضيه حبيبتي تخصصي مايسمحلي اتشرط عرفتي

وفراوله .. انا اللي قالت لي عن الوطنية .. اهيا سألت موظف تعرفه وقال لها اذا بتشتغلين بالافرع معاشج مع دعم العماله يوصل 800 ، عشان جذي انا استغربت .. يعني بكلريوس ودوام طويل ,, توقعت المعاش اعلى خصوصا ان سمعة هالشركات بالمعاشات مشالله !!

عادي يعني ادق عالشركات واسألهم عن معاشاتهم !؟؟ مادري اخاف فشله ومحد يعطيني ويه ! بعدين ادق على ارقامهم العاديه الكول سنتر ولا ادور ارقام شؤون الموظفين عندهم ..

يعطيكم العافيه بنات مشكورين وماقصرتووو

Fooooooog

اي حبيتي دقي على البداله مالتهم وقوليلهم حولووني على شوون الموظفيين او اسمها الموارد البشريه وانتي بالاولي ساليهم عندكم شوواغر حق حديثي التخرج عادي اهي بترد علييج ياا ايي او لا المهم في كلتا الحالتين ساليها انزيين جم تعطون راتب اساسي حق مثلا الجامعيين او اذا كنتي دبلووم وبس د

بس هااا لااا مو ادقيين على الكول سنتر دشي على الوب سايت مال الشركه الي تبيينها ودشي صوي كونتاكت اس بحطلج مثال عن الوطنيه
https://10.wataniya.com/customercare/…tus_en_gb.aspx

والي قالتلج بكالريووس و800 مع دعم العماله مستحييييييييييييييييييييييييييييييل الدبلووم اي يمكن … مو اقل من 900 قبل خمس اسنين اي كان 800 بس مع الزياده الاخيره مالت دعم العماله ال 120 وال 50 صار فووق ال 900

وااي فراوله مشكوره حبيبتي ماقصرتي تردين من قلب :*

انشالله راح اقدم بعد العطله على طول على الثلاث شركات ، وهم بدق عليهم اسأل واشوف ..

صج صج مشكوره حبيبتي ماقصرتي و الله يوفقج وينولج اللي فبالج وكل شي

أنا قدمت على زين بس للحين ما نادوني

العفو حييااااج الله ماسووييييت شي

بالتوفيق ان شاء الله