|
|
مـــــــرحبـــــا
ممنوع التطلطل حيــــــــــــــــــــــــــــاكم
انا الله يسلمكم هالكورس ميداني كلية التربية جامعة الكويت
يعني اتخرج على شهر 1 باذن الله
بس اللي صار اني
شفت اسمي مع المقبولين بالتوظيف
و لما دشيت موقع الديوان حطيت رقمي المدني طلع اسمي الكامل نفس بطاقتي المدنية
ابيه حدي مصدومة مع اني ما قدمت للديوان و لا احتسب من المتوقع تخرجهم
شلون اقبلوني
او بالاصح من حطلهم اسمي عساس بتوظف؟
معقولة الكلية تكون حطت اسمي مع اني ما خلصت التربية العملية
ابيه ساعدوني جزاكم الله عني الف خير
ولله موضوعج غريب يمكن واحد من اهلج مقدملج وانتي ماتدرين ولا على قولتج الجامعه
عادي يعرفون من الرقم المدني
يمكن الجامعه على طول ارسلت اسامي الخريجين للديوان
مبروك والله يوفقج
راجعي الديوان
و العجيب ان انا الوحيدة اللي صاير معاي هالشي
يعني رفيجاتي بيتخرجون معاي ما نزلوا اساميهم
لازم تروحين تراجعين الديوان وتقوليلهم السالفه يسحبون اسمج
لان اساسا الي نزلوا اساميهم وانا وحده منهم لازم نراجع المنطقه التعليميه حسب السكن ونودي معانا شهادة الجامعة الاصليه
بس انتي للحين ماتخرجتي ولا طلعت شهادتج فمايصير عرفتي !!
راجعيهم الاحد وقوليلهم السالفه عشان انشالله لمن تتخرجين كورس اول لايوقف توظيفج على الكورس الثاني وتتاخرين
واللي ابي اعرفه راح اتوظف هالكورس والا الكورس الثاني تكفون اللي ماره مثل حالتي تقولي شصار معاها …..
واللي ابي اعرفه انهم يقولون موشرط اتوظفين اول الكورس عادي يوظفوني بنص الكورس يعني على شهر 11 يعينوني ..
مع هل الديوان المخرف ناس ناسينهم
سنتين وناس مستعيل عليهم هههههه
اصلا اللي اعرفه مستحيل الديوان يسجل اي شخص
للتوظيف واهوة ليلحين ما تخرج
انا رايي مثل البنات لحقي على عمرج وراجعي
الديوان قبل لا يتأخر توظيفج لمة تتخرجين
عيل تدرين انا اصار فيني نزل اسمي ابوزارة ثانية
معني متوظفة من شهر هههه هاا اشرايج
والله لو كان طالعلي النفط جان يبت واسطة
ونقلت ههههههه
فقالوا شحقه نعنيها نوظفها ونمشيلها معاش وبس خلاص
هههههه
لالا اتغشمر .. روحي راجعيهم قبل يوهقونج ….. وعسى ربي يوفقج …. بس شي والله