بنات صج هالخبرفى منحه حق المتقاعدين

بنات توه واصلنى خبر طازج انه الشيخ سالم العلى الله يحفظه ويطول بعمره بيعطى كل المتقاعدين 500 دينار منحه مادرى عاد صج ولا جذب اللى واصله الخبر ولا سمع عنه يقولنا

تبرع الشيخ سالم العلي بمبلغ 500 دينار لكل
متقاعد يقل راتبه عن 1000 دينار.

هذا الخبر العاجل على ذمة
جريدة الوهج الأليكترونية

واللة العالم

توني سمعت الخبر عالوطن!!

لمن يقل راتبهم عن 1000 دينار ( للمتقاعدين فقط) منحة 500 دينار وتقدمين عليها وتاخذينها قبل العيد …

نطراو الجرايد باجر …

يزاه الله خير ما يقصر
بس عاد حتى اللي فوق ال 1000 وعليه تلقون عنده كوكش عيال من جذي يصير 1000
بس الحمدلله امي تاخذها بس ابوي لأ
عشان اقزرها على امي هههههههه

جزاه الله خير .. والله يطول بعمره

انزين ما قالوا وين يقدمون عليها؟

اي حبايبي الخبر صح

و الاحلى انه ماكو طوابير و سوالف
عن طريق النت تقدمين و تنزل بحسابج

الله يبشركم بالخير
خل ابشر امس
بس شنو من وين نقدم عالنت احد عنده خبر؟

وين بالنت حبيبتي الحين اقدم حق امي ايوااااااا

توها وصلتنا جريده الانباء وحاطيين فيها
وهذا الموقع مال التسجييل : salemgive.zakathouse.org.kw
هههههههههه ابوي معاشه اكثر من الف بوايد ماراح ياخذها ..

الله كريم انشاء الله تنزل حق ابوووى حياااتى

مشكووووورة حبيبتي الحين اشوف شسالفة الموقع
وانا ابوي نفس ابوج فوق ال 1000 بوايد بس امي اقل تقدر تاخذها

بنات الموقع خطا ليت اتحطون الموقع الصحيح

الموقع يعلق ليش ؟؟؟؟؟؟

الظاهر ضغط عليهم
بس عادي دام انه تابع لبيت الزكاة معناته يصير يقدون في بيت الزكاة نفسهم