اجرااااااااااااااااااااءات الفحص الطبي للمدرسات الجدد

السلام عليكم
بنات بغيت أسأل منو سوت اجراءات الفحص الطبي
انا اليوم ر حت المجلس الطبي الموظفه قالتلي بالاول سوي تحليل بول كرمكم الله واشعه بالمستشفى اللي انتي تابع له انا تابع مبارك انا استغربت لان كل اللي اعرفهم سوا الاشعه بالمجلس الطبي بالمستشفيات اللي يمه
بعدين تعالي يوم الاحد عشان اعطيج تسوين تحيليل الدم
يعني ارد مبارك مره ثانية !!!!!!!
بليز ابي اعرف منو راجعت هاليومين المجلس الطبي وسوت الاجراءات

لا حبيبتي تحليل الدم من عندهم نفس المكان انا اليوم سويته

ماتردين مبارك !!

هناك بس تكرمين البول والاشعة

والباجي كل شي عندهم

لحضه شكو تقول جذي انا اليوم طالعه وخلصت كل شي بس والنتيجة استلمها الاثنين انا الله يسلمج اول شي رحت قالتلي روحي سوي تحليل بول بمستوصفكم المهم رحت سويته ونطرت التحليل على ما يخلص جذي يبيله بو نص ساعه اخذته ورديت المجلس الطبي عطيته حق الموظفة قالتلي سيده يسار تلقين غرفه مكتوب عليها ممنوع دخول الرجال المهم هني داخل حق سحب الدم تعطين الموظفة اوراقج على ما ايي دورج وتنادي اسمج بعد ما تنادي اسمج ادشين لها ياخذون منج دم وبعدين تعطيج رقم حق الغرفه الي يمها عشان يسولج فحص النظر وفحص البطن والصدر وبعدين تطلعين وتودين الورقة حق غرفه رقم 20 وبعدين تقولج تستلمين النتيجة بعد 3 ايام وسلامتج اتمنى اني اكون افدتج بس انا مو مدرسة انا بالجمارك مادري اذا انتوا غير عن اجراءاتنا ماتوقع انا فحص الدرن انا سويته امس عشان جذي اليوم خلصت بسرعه وسلامتج

مشكورين بنات على الردودما ادري عنهم والله هالموظفات امشين الديره ابمزاجهم على المشتهات كل وحده مسويه نفسها وزيره ومنزله قررار من كيفها كل وحده شي
والله انا قالت روحي بالمستشفى اللي انتي تابع له وسوي الاشعه وتحليل البول وردي الاحد بعدين اعطيج تسوين الدم

نفس ما قالت سبانش بالضبط

وبالتوفيق

عيل ليش انا قالتلي بمبارك اسويهم

انتي تبع أي منطقة ؟؟

على حسب مستوصف منطقتج .. يمكن ما يكون تخصصي فلازم تسوين التحاليل بالمختبر طبعا والاشعة بمبارك

انا مشرف

اي مشرف مافيها مختبر ولا اشعة

من جذي تروحين تراجعين مبارك

اي بس كل اللي اعرفهم سووا التحاليل في المجلس الطبي ليش طرشتني مبارك

بس تحاليل البول والاشعة بمبارك .. محد سواهم بالمجلس الطبي

اللي تسوينه اهو سحب الدم والفحص العام ( النظر والصدر والشغلات هذي )

اللي اعرفه تروحين مجلس الطبي ياخذون منج دم وتفحصج الدكتوره وبعدها تروحين المستشفى التابع له

تسوين تحليل بول دقايق ويخلص وبعدها تسوين الاشعه تخلص ثاني يوم

طبعا ثاني يوم تاخذين الاشعه وتروحين المجلس الطبي ياخذون منج اوراقج والاشعه

وبعدها ب 3 ايام تخلص اوراقج ان شالله

وي وي حدي خايفه من الفحوصات والابره

الله يسترنا بسترهـ

فحص صدر شلون شسوون لووول يمة استحي

لول ليش تستحين عادي ماكو شي تقولج افتحي صدرك لول وتحط السماعه ههههههههههههههههههههه