|
|
السلام عليكم ورحمة الله وبركاته
:
خواتي أمس سمعت عن دورات يعطونا مادري وين أتوقع الهيكله
وتصيرين مساعدة مدرسه ويمشولج راتب بعد ..
وين تسجيلهم وشلون طريقتهم؟
واذا خلصت الدوره وقبلتني وظيفه ثانيه و رحت وماصرت مساعدة مدرسه عندهم
بيسوونلي نفس سالفة بدل البطاله يقولون ردي الفلوس الي اخذتيها بالدوره؟؟
ياريت الي تعرف أي معلومه تفيدني
بانتظار ردودكم
للحين يسوون هالدوره والا لأ
لن قبل شهرين تقريبا قالوا لي عنها ووافقت لكن بعدها سافرت وماقدرت اتدرب عندهم .. وصحيح هي من الهيكله واحس ان هالدوره حلوه
بس ترى اذا تدربتي عندهم مايصير تروحين وظيفه ثانيه ولازم تردين الفلوس لأن اهما يعطونج اياها عشان تشتغلين بمدارسهم عرفتي ومدتها بين الست شهور او 9 شهور تقريبا
فعلا ان الهيكله اهيه اللي تعطيج هذي الدوره مدتها 9 شهور
تشتغلين بمدارس خاصه , منها : المدرسه الهنديه , الباكستانيه
يعطونج وانتي تدرين 150 تقريبا على ماتخلصين دورتج
بعدها تشتغلين بالمدرسه مايتعدى راتبج ال500 د.ك
.. اعتقد ان الاساسي (160 د.ك) وانتي ضيفي دعم العماله (240 للجامعي)
.. في حاله انج بتروحين حكومه يطلعون عينج
يقولون قيمه الدوره الف وشي تعالي دفعي قيمه الدوره
ماخذين اسمي من الهيكلة
ورشحوني ( تكويت ) لمدرسة نظام امريكي ورحت المقابلة خصوصا انهم قالوا لي ان المعاش 300 + دعم الهمالة
عقب المقابلة الطويلة مع المدير الامريكي
طلع المعاش 150 دك
واااك واااك وااااااااااااااك
وعلى فكرة الوظيفة فيها تعب
مساعدة الطلبة على فهم الدرس
مساعدتهم في حل الواجب
متابعتهم في المنزل والاتصال بالاهل
تنظيم انشطة يومية
مرافقتهم بالرحلات الخارجية
وووووووو
مليت من الطباعة
تدريس ومتابعه وشقا واخرتها الراتب 150 + دعم العماله
الحمدلله احنا مانطمع بـ فوق حقنا من الراتب , بس التدريس شقا
وفوق هذا مرافقه في الرحلات واتابعهم في المنزل .. ليش خلفتهم ونسيتهم 
يسلموووو على مروركم جميعاً و ع المعلومات المفيده
انا خريجة دورات خاصه
وحسب وظيفتج يتحدد معاشج
تاخذين دور المدرسه و دور الأم و دور المرافقه
وآخرتها هذا الراتب؟ والله حرام
في منهم معاشهم 150
وفي قالو لي 200
واخر مدرسه رحت قالو لي 305
بس المقابله بعد العيد ادعو لي بالتوفيق بنات
